CHAPITRE XXXII
Comment le duc cuida partir hastivement de Paris par couroux pour la rompture de l'alliance que le roy désiroù faire.
Mais pour ce que j'ay dict en la personne du duc, là où il feyt sa response aux gens du roy qu'il véoit bien, che disoit il, qu'on quéroit à Ly faire rompre son voyage, convientil entendre quelle chose il entendoit par ce
GEORGE CHASTELLAIN
voyage et-par ceste rompture ; car icy gist le droit secret et la rachine pourquoy la rompture des treuves qu'on quéroit à luifaire faire, lui cuisoit en cuer. Si fault entendre que ce duc chy, comme aïlleurs et par maintes fois ay parlé, sur tous les désirs que avoit au monde , seul ung lui restoit que désiroit à accomplir, et soy y employer, se Dieu luy vol-loit ottroyer sa grâce , et loisibleté d'y povoir entendre ; c'estoit de aller en ce voyage allencontre des Infidèles les ennemis de Dieu , exposer là son corps, employer les vertus de ses nobles et subjects, acquérir mérite et fruict à son âme et procurer garant au chrestien peuple et salut au monde. Et comme de chechy sont plains tous mes livres, dès le commenchement de son regner, il avoit persévéré en ce volloir, envoyé visitter les pors et passages de Surie par ses propres navires et circuir toutte la mer de Levant, soy offrant aux prinches de delà pour les te au pappe pareillement quattre ou chincq(1). .
. . Sans y varier; efneismes en son grand avanchié ‘éage, soy transportant meismes jusques la Dunoe (2), à l’intention de l'empereur, pour aller combattre le Turcq. Dont frès et missions merveilleuses, voyageset légations se firent depuis en Behaigne , en Poulaine , en Hongrie, à Rome et ailleurs par pluiseurs de ses chevalliers et prélats, quérant tousjours à faire ce qu’avoit bien encommenché et en cuer; ce que jà faict eust piechà, ne feussent les tribulations et rumeurs qui tousjours s’entreféroient et se nourissoient entre le roy Charles et 1y, à cause du daulphin son fils ; par lesquels , et à bonne cause, il ne se povoit ne voloit absenter de ses pays. Dont maintenant, quand s’estoit veu allegié de ce fardeau que porter soloïit du temps de l'aultre roy mort, el que présentement il espéroit avoir ung roy de qui se povoit fier et de sa personne et de ses pays, et de l'estat de son. seul fils son héritier, et que soy sentoit enr bonnes sceures trèves aussi et paisibles avecques les Anglois, et certain du roy comme de ly meismes, si comme il pensoit, certes délibéra et conclut de mettre à effect maintenant son loing viel désir; aveucques ce que tout
(4) Lacune daps le manuscrit.
2) Danube , en allemand Donas.
notoire est que les princes d'Orient dont cy dessus est faicte mention, avoient leurs am- : bassateurs envoyé encoire devers ly en Paris. Pour ceste meisme cause, et par vertu des quels venus de si loingtains pays, et de si desperses régions, le cuer lui en estoit encoire plus en grand ardeur et cn plus résolu propos. Dont maintenant, à l'heure que il perchupt qu'on lui volloit donner ceste traverse pour luy faire rompre ses trèves et le boutter à guerre aveucques les Anglois , juyea bivn et vrayement que ce n'estoit que pour ” fuy faire rompre son voyage. Ce sçavoit bien le roy, que jamais ne se bougeroit son oncle de ses pays pour nulle part aller, tant qu'il se sentist sceur et de France et d'Angleterre dont ilestoit au millieu; et par ainsi, ceste difficulté que je vous ay ouverte estoit la cause de la response faicte dessus le mal tilent que le duc y prist. Et de faict tant le prist aigre le dict duc, que tout s’appresta ce qu'à lui appartenoit.pour partir de Paris en subit; et ne tint que sur le thour d'une main que aiosi n'en füt laict, se le roy ne l'eust hastivement rappaisé et amolly par pryères.Dont de la rumeur toutte la ville de Paris et toutte la seignourie se trouvoit esmeue.
