CHAPITRE XXXVIIL
Du bancquet que fist le duc à tous les seigneurs et dammes de Paris
Les joustes faicies doncques, dammes et damoyselles se thirèrent vers l'hostel d'Artois. Pareillement tous les seigneurs du sang et les grands barons de Franche se rendirent tous ad ce banquet, là où la multitude estoit telle que merveille seroit à conter. Et n'y avoit riens que faulte de lieu pour senir. Si estoient touttesvoies touttes les salles et touttes les cham. bres plaines là où on povoit asseoir gens. Le duc d'Orléans avoit sa chambre à par ly, et son buffet richement paré de grosse vaisselle, et sur la table touttes les appartenances que à ung roy soufliroient; mais le duc de Bourgongne tint la grand salle aveucques la ducesse d'Orléans et les aultres dammes, ensemble aveucques ses nepveux , ducs et comtes, et les aultres princes de Franche en grand nombre, tous assis à une table là où l'honneur du monde se povoit veoir, et la gloire de noblesse bumaine estre percheue en ung assamblement de soupper, s'il eust pleu au roy d'y estre aveucques les aultres, ainsi que le duc lui avoit prié et comme il avoit eu espoir quil y serbit; mais n'y fust point ; ains luy aveucques Guillaume Bische s’estoient allés esbattre aultre part en la ville, ce disoit-on, en secret aveucques aulcunes dammes. Dont plus avant
ES
n'en fay mention. Mais s'il eust pleu au roy d'y estre venu, l’on me dist pour vray que lors le duc eust renouvellé droit là les veulx aultrefois faicts à Lille portant plustost secourir à la chrestienté allencontre des ennenis de Dieu , là où il avoit le cuer, devant tout rien aultre. Laquelle chose , s’ainsi feust advenue et qu'il y eust peu traire le roy et les Franchois, l'advanchement se feust tantost trouvé en ceste besongne, et legière exécution. Or n'y fust il point; et par ainsi demora tout en son viel ploy.
Ad ce banquet furent les ducs d'Orliens, de Bourbon et de Clèves , les comtes de Charolois, d’'Angoulesme, de Nevers, d'Estampes, de Montpensier, de Laval, de La Marche , de Vendosme, de Harcourt , de Thancar ville , de Sainct-Pol et de Dunois; messire Adolf de Clèves, Philippe de Savoye, tous les frères du duc de Bourbon, deux évesques et deux chevaliers, messire Jacques de Luxembourg , et le seigneur de Fiennes, sans multitude d'aultres barons et grans seigneurs en si grand nombre , et pareillement de dames, que annuy seroit de les compter ; car tout y estoit recheu et bien venu, ceux qui se voloient présenter à estre serai. Dont pluiseurs de diverses marches y vindrent , non point pour soupper, mais pour veoir l'estat et la magnificence du .cas, en quoy se contentèrent plus qu'en la viande. Si n'en voeul plus rien dire touchant grandesse d’une chose non faicte depuis longtemps pareille, fors que. le duc avoit faict faire, en-my le grand salle d'Artois, ung dressoir faicten manière d'ung chasteau rond , à douze degrés de hault , plain de vaisselle dorée en pots et en flascons de diverses fachons, montans, comme on me recordoit, jusques à six mille marcs d'argent doré, sans celle qui estoit au plus hault de fin or chargié de riche pierre de mervilleux prix, et sans quattre licornes qui là estoient assises à quattre quariés, dont la maindre avoit cincq pieds de hault. Et me dit l'on lors par vray record, car moy n'y estoie point, que de vie d'homme n’avoit esté veu ne ymaginé telle extréfité de richesse en ung drechoir, qui à tous lez et par devant et par derrière se povoit regarder et approchier de tous yeulx, qui tant s'y amusèrent
GEORGE CHASTELLAIN
que ne s’en povoient retraire. Se y avoit il deux aultres buffès chargiés de vaiselle blanche pour servir la salle en général, dont l'extime fut faicte grande et mervilleuse. Et sembloit alors à multitude ‘de Franchois qui oncques n’avoient veu le duc de Bourgoingne , que c’estoit une chose admirable du faict dudict duc de Bourgoingne , et que voirement c'estoit bien le duc sans pareil et sans compaignon , et que l'on debvoit redoubter en faict de puissance , et bien honnourer et leer sur tous en oeuvre glorieuse et magnifique. Et certes, comme recordé me fut, se la richesse y estoit grande et la mise non espargniée, si ne fut oncques ehose sy très bien entreseigniée ne si bien conduicte par ceulx qui en avoient la charge comme ceste fut; là où trois maistres d'hostel, notables chevaliers trestous, messire Jehan Bastard de Renty, messire Michau de Hanges, messire Jehan de Kestergatte, amann de Brouxelles, requirent l'appertenir du los comme souverains conduiseurs. Et en effect fut la chose tellement conduite et si plantureusement que, par l'abondance de viande qui restoit superflue , le lendemain au matin furent donnés quarante plats de viande aux povres de Dieu parmy la ville; car tant y avoit de demorant qu'on n'en savoit que faire.
