CHAPITRE Il
Comment maistre Jehan Thoisy, évesque de Tournay annonça la mort du duc Jehan à son fils Philippe.
A l'eure doncques déterminée, ces deux seigneurs anciens, bien maistres de leurs sens et avisés de leurs termes, entrèrent en la chambre de ce jeusne prince, plus propre pour lors à toute joyeuseté et desbat , que a une si amère charge de ceur qui lui estoit prochaine, et lui non pensant que à toute chose propre à son éage, cuidant seullenent les estre venus devers luy pour aucuns de ses aflaires, le trairent à part bénignement soubs ung visaige entre les deux chières. Et lors le prélat, porteur de la raison, commença à parler
en ceste forme : « Mon très redoubté seigneur, noys sommes venus par devers vous présentement pour aucunem”nt vous susciter l'esprit avec la haultesse du noble entendement qui est en vous, dont soubs vostre grace et bénisnité , vous venons prier que veullez toutes les vertus rejoindre en ung , aflin que, quant toutes se seront représentées devant vous en leurs diverses natures, vous les puissiez trouver prestes à obéyr quant vous voudrez en leurs diverses qualités, comme à ung champion combateur il hbesoingne, contre les diverses invasions de son ennemy, avoir diverses manières de contreyarder pour s0y deffendre. Monseigneur vostre père, que Dieu saulve , vous sçavez comment jà à grant mpé . nous à Cominis pour avoir regard sur %tre très noble personne, laquelle , par son commandement. et par nostre devoir au plus près de nos povres discrécions, nous devons instruire et accostoyer tousjours de son honneur et salut, selon les temps et les divers affaires qui vous peuvent survenir, souverainement en toutes choses contraires vous garder et targier par nos labeurs d'inconvénient, selon que poyre faculté humaine peut bailler provision l'un: à l'autre. Or est ainsi, mon très redoubté seigneur, que avecques les sin gulières graces que Dicu a créées en vous et par lesquelles il est apparant une fois vous devoir florir en haulte perfection, Dieu aussi, pour gloriffier telles vertus par clarté de sang, vous à produit de la précieuse rachine des fleurs de lis, dont les vertus naturellement et valeurs sont agréables à Dieu, et en toute duracion du monde recordables sur toutes autres, si a volu relyer vos dignités procédant de sa grace par obligacion du royal honneur, procédant de nature comme vostre tres noble père, que Dieu saulve, vous a laissié en hoirie, tel que luy meisme l'a tiré des royalles entrailles du sien. Monseigneur, vous savez aussi comment monseigneur vostre père. ensemble ses très nobles progéniteurs, en tout leur temps ont esté princes de s.agulier los, reputés par les longtaines et diverses regions du monde, et meismes en leur propre royaulme, saiges seigneurs et vaillans , prudens en leurs affaires, vigoreux en vertu et non desmeus légèrement pour for-
GEORGE CHASTELLAIN
tune quelle que fust, ou prospère ou adverse, comme nature d'ung hault coraige, souverainement d'ung prince, requiert à estre tousjours amodéré en joye et en deul , et de porter en tranquillité de sens toute diversité d'aventures. Car eulx, bien instruits et par nature et par doctrine, consnoissans toutes choses terriennes estre muables et diversement à fortune subiectes ,-n'ont volu tant adhiber leur fiance à l'une qu'en égale mesure de constance, s'il avenvit , ils n'aient peu endurer l'autre, entendu que pour deul ne pour joye les choses ainsi et airsi ordonnées ne se demeuvent de leurs cours , et que impossible est que les passées n'ayent esté faiete:, et que les futures, s: clles doivent avenir, soient remediab'es. Miroir certes et cler exemple leur eust esté plusieurs haulx et glorieux rois récilés en la Bible et ès romaines hisires, qui, par l'orgueil de leur haulte présomption, ont esté déprimés de fortune, les ungs un peu, les autres en grant, les autres en toute exterminacion de leur estre par leur péchié, par leur descongnoissance , par leur ingratitude, ou peut esire les aucuns par mamere de pugnicion salutaire, comme Îles divines pourvoiance; disposent maintes fois des hommes au rebours de leur cuidier. Et eulx retournans leurs yeulx sur leur propre, et prochain parentaige, sur leur meisme région françoise , dont les rois et princes d'icelle, ensemble leurs subsets, out esté en divers temps diversement batus et freschement encoires ; regardans de d'gne mémoire le roy Jehan, en sa haulte plénitude de félicité , en toute sa baulte puissance et gloire, estre succumbé en main de ses ennemis , estre vaincu en bataille , bumilié par armes et prins en toute confusion de fortune , engrand désolacion du royaulme, mérancolie de ses enfflans et en griève tribulacion de son peuple, dont encoires aujourd'huy eulx meismes se sentent du cas, et nous tous du meschief. Quand doncques eulx et maints autres ont congneu par telles raisons et par telles en nulles, choses terriennes avoir stabilité, et que fortune à toutes heures contend à contrarier les hommes, souverainement les plus grans et les plus haulx en siège, et que ce que autre part avoient veu avenir leur pendoit à l'œul à eulx meismes, certes
me semble, bien ont sainement jugié, disant que hault cuer d'homme ne doit prendre dolear en ce qu'il ne peut remédier par couroux , et qu'en telle constance se doit porter le contraire comme le joyeux succès.
Et vous, Ô monseigneur, qui oez ytielx vos nobles prédécesseurs avoir esté si tollérans et si résolus princes, égaux el constans en bien et en mal, et estes le fleur et le gitton de leur tronc, certes, pour vous parer de telle louenge devez ensievyr aussi la haultesse de leur nature; et en toutes hurtes de for- | tune, comme ils se sont monstrés invaincus par haultesse de cuer, aussi non fourlignié, vous devez vous monstrer aussi invincible, c'està-dire fort et animeux en soustenant le poix des adversités, si bien que avoir agreable la joyssance des choses prospères. Et vous plaise congnoistre comme 1l convient à ung foible jeusne arbrisseau estre accucilly maintesfois de plusieurs rudes vens , et que premier qu'il puist parvenir à aucune roideur, il luy convient soustenir maint assault de tempeste,
maint orage et dure bouffée. El ainsi, monseigneur, par figure povez vous entendre aussi que, pour venir à perfection d'éage vigoreux, où Dieu, j'espoire, vous veult faire reyner une fois prince adurcy et expert en toutes choses adverses, maintenant en vostre jeusne éage où vousestes, comme le tendre arbrisseau subgect à plusieurs mutacions de vens, il vous fault estre subgect aussi à diverses tribulacions et souffrances ; et premier que parvenir à cely éage qui doit rendre le fruit, il vous convient estre examiné par diverses maaières de contrariétés, aflin de rendre plus vertueux fruit en convenable saison. Si fait à croire que se jamais Dieu doit faire de vous prince de grand poix viellart, qu'en diverses tribulacions et aigreurs aussi il vous doit esprouver tout jeusne, entendu que nulle dignité de los ne se tire que d’esprouvée vertu, par misères , par fortunes , par diverses manières de doleurs qui surviennent à humaine nature diversement , comme les temps et les bommes sont divers ; huy d’un , demain d'autres, comme les fortunes et divines ordohnances portent d'esprouver ou de corriger les bommes par substraction de royaulmes, par privacion de seigneuries, par ruine de bat-
tailles, par perte de biens, par choite de renommée , par batture de Corps, par propre mort, par mort de parens, par infortune d enffans , par rébellion de peuple, par desléaulté de subgects, et par autres diverses et infinies doléances , dont les humains corps sont coustumiers d'estre acueillis et avironnés , par lesquelles tousjours Dieu ou en ung ou en autre examine ses amis , Comme il scet et cognoil que il leur est expédient et prouffitable pour le temps futur. Et ainsi, monseigneur, vous advertys que souffrir “beancop convient en cestuy monde , et que de la vertu de pacience se tire ung tiltre de haulte gloire. Monseigneur, nous vous venons prier que ne veullez amollir vostre cuer en aucunes de nos nouvelles, ains le tenir vigoreusement en : l'arrest de sa vertu, non flscissant à l’escout des oreilles. Monseigneur vostre père le noble duc , que mauldicte en soit l'heure que constraint suis de le dire! est mort tué et murtry piteusement à Montereau, présent royalle progénie monseigneur le daulphin; eLest mort sur luy le seigneur de noyeles le cuidant sauver. O noble réal enffant ! enféré du trait de la mort et du dart de toute enraigie amertume par ma très malheurée et très infortunée langue, icy vaincquez nature’, désobéissez à amour, rompez filialle dilection , et contre le cours de droiture et d'honneur, re. boutez, muaistriez les larmes et les cris qui naistre vous doivent , jusques meismes à vous perdre et fondre à néant. Parquoy , nous povres vos serviteurs, privés de nostre seigaeur premier , ne demourions, sans pasteur second, desconfortés à tous lez. »
Ces deux seigneurs ayans fait leur relacion telle que vous avez oy, et meslé leurs mots derreniers avec larmes, le jeusne desconforté prince vaincu et par-oultré de douleurs , gectant ung bault effrayeux cry avec toutes manières lamentables, se rua sur ung lit ; et là gisant , subitement devint deffiguré de visaige , privé de parole et tout amorty d'esprit. Les yeulx luy commencèrent à tourner, les lèvres noircir, les dens à estraindre, les bras et les jambes tirer à la mort; seulement en l’estomac vers le cuer se retrahy la vye, lequel tellement s'engrossy et enfla que très hastivement luy failloit copper la lachure, et def-
fermer les dens à force continuelle, ou il eust esté estaint infalliblement en son deul. Si fu la pitié si grande par léans que les cuers fondoient en larmes, en clameurs et en battures des mains, comme s'ils véissent toute la fabricque du monde finir devant eulx; et non seullement pour les nouvelles survenus , mais avec ce, pour les extrêmes signes de mort véus en leur jeusne prince et seul maistre. Dont ils furioient et désespéroient en angoisse sans règle et sans mesure, et telle. ment que si n'eust esté plus provision divine que sens d'homme, le poyre prince ne feust eschappé de mort. Certes, pour les grans desconfortemens meismes qui inhabilles les faisoient en secours devers luy, si y accoururent ses povres dames et ses povres femmes de toutes pars , toutes desmaniérées, cryans, plorans et chancelans à terre par monceaulx l'unesur l’autre. Sivolrent approcherla couche, n'osèrent, desirèrent la wuchier, ne voulrent, le cuidèrent à raisonner , ne porent. Et celle povre desconfortée dame, madame Michielle, la plus vergondée femme qui oncques fut , et la plus piteuse à veoir, cheut à terre toute espasmée , toute ignorant de soy meismes, plus morte que vive; et ne povoit descouvrir son amour par complaindre ne vuyder sa doleur par plurer, car angoisse ly destraingnoit si le cuer que la bouche et les yeulx, et tous les membres [y estoient hors de vertu et d'ordinaire sentement. Seullement le cuer portoit l'angoisse pour tout le corps qui gisoit là en égale destresse avec son mary , à qui la vye estoit incertaine, et en elle bien doubteuse.
Si fu toute la maison emmeublée de hélas, percée de clameurs et abismée de plours, sans jamais cuidier venir à rapaisement ne à recuevre de joye en maistre ne en maistresse, Et certes, bien devoit estre chose lamentable oyr à ung lez les nouvelles du murtry et à l’autre véoir la perdicion du remanant. Toutesvoies Dieu qui, par sur les sens des hommes tousjours préserve les siens, et en la droite perplexité des amères fortunes volentiers resuscite les désolés, après avoir esté en cest estat plus d'une grande heure, fist revenir et espardre arrière l'esprit pâr tous les membres du jeusne prince ; et les yeulx commencèrent à ouvrir, et lèvres et langue
GEORGE CHASTELLAIN
à remouvoir, et dire piteusement : « Hélas ! » maintesfois sans autre chose. Sur quoy les nobles et saiges preud'hnmmes qui là estoient doulcement le confortèrent et luy firent des remonstrances beaucop, souverainement sur résistence à tel si desmesuré desconfort, en quoy sans. povoir remédier au cas, luy meismes se povoit perdre et faire venir perte sur perte, et grant meschief sur grant mal. De quoi toutesvoies rien n'acoutoit, ainsappelloit maintes fois la mort et soushaidoit le frès monument du ploré père estre redoublé des larmes du fils mort jouste luy. Et dont, se nature y povoit contredire , si n'estoit ce que pour seul: ardeur de vensance dont il prioit Dieu pour avoir temps seullement de la mectre à fait; car, avec ce que nature l'avoit forgié homme animeux et à sang, si luy enfélissoit son couraige cent fois double en sa fortune, peu à petit. Toutesvoies et par autruy conseil et par propre vertu, se remist à pacience et revint à viguer corporelle, comme devant; et la povrette dame, madame Michielle, aussi revenue de paumoison et fort plainte de son léal mary, fu ramenée en sa chambre, en laquelle alla faire les plus amères complaintes qui oncques oyes furent , ne qui jamuis partssent de fille de roy , comme vous orez réciter icy en mon prochain chapittre , quelles et comment.
