CHAPITRE XLVIII
Comment le roy reçut les Anglois humainement, et quelles devises ils eurent touchant trèves envers les deux royaulmes.
Venant doncques à la matère, le rey receut les Anglois humainement ; et eulx se tindrent à wès contens de ly, parce que doulcement les arraisonnoit. Et estoient moult aises d'avoir eu l'occasion de l'avoir veu si au parfait, tant en paroles comme en manières, afin d'en pooir vivement parler par vray recort à leur roy, après multitude de monde qui en devisoit chacun en sa manière. Dont eulx maintenant, voians ce qui en estoit, en firent le jugement au vif, selon ce qu'ils y pooient comprendre; et en effet cheurent en celle conclusion : que ce leur sembloit ung très subtil et merveilleusement agu esperit, caut et dissimulant, visant au sien et bien attaignant à ses fins soubs un couvert circuir à l'entour, homme de teste ouvrant de soy meismes sans conseil de nulluy, de langue légier et à craindre , et sa variable et multiforme soudaineté de propos plus à ly contraire que à aultruy.
Si se partirent de ly à grand chière. Et au surplus on traicta avecques eulx touchant les trèves, tellement que du gré des deux parties, et par la bonne diligence des gens du duc qui de ceci estoit cause, on vint jusques à ung an de trèves entre les deux royaulmes , comprises toutes les terres et seigneuries du duc aveucques , et icelles trèves valables tant seulement par terre, toutes mers mises dehors. Et n'estoient cestes trèves que ung préparement de longues trèves après avenir , les quelles se debvoient faire à Bruges, et pour conclure en l’avril ensievant, pour cause que maintenant à ceste que grégacion avoit des difficultés les quelles ne se pooient vuidier si tost, sans avoir esté
en avoir l'avis. Si furent lesdictes trèves criées et publiées par tous pays. Et après les seuretés faites et données, comme en tel cas siet, et qu'à deux lez on promist le retour à Bruges pour le parfait, et tout à la contemplacion du duc, Anglois se disposèrent à partir et à faire retour devers leur région, là où le duc à primes à ce partement voloit viser à son honneur et à faire chose qui feust bien faite selon le temps et le cas, tant pour l'honneur du roy Eduard, comme pour le oonte de Warwic dont le frère estoit là, chief de l'ambassade , comme aussi pour son propre honaeur garder, qui leur avoit donné traveil de passer la mer et de venir devers ly par sa prière.
Si vint le lundi dixiesme d'octobre, que les Anglois debvoient partir et eux en aller vers Calais. Dont le duc la matinée envoya devers eulx sa garde de joyaulx avecques un sien chevalier son maistre d’hostel; envoia à plusieurs personnes, et par diverses parchons , jusques au nombre de deux cens marcs de vasselle, dont une grand part estoit dorée. Entre les quels l'évesque avoit deux flacons , les plus beaux et les mieulx ouvrés qui fussent en ce royaulme, ne oncques veus ailleurs. Si furent ces dons moult agréables à tous lez; et sé looit chacun haultement de sa part. Touchant les principaux, et touchant les pluiseurs nobles hommes chevahiers et estuyers , dont en yavoit grand nombre, n’y avoit nul qui n'eust ou drap de soie ou aultre chose de valeur, de quoy il se loast du venir, meismes jusques aux menestriers, héraulx et gens de bas instrumens, sur tous estoit faict provision en largesse d'argent, dont moult se louoient, sans ce, que de toutes despenses faites en la ville ils furent desfrayés, jusques à ung desnier. Et en cest estat partirent Anglois de Hesdin, après boire, là où l'évesque manda et fit signifier au duc que, s’il lui plaisoit lui faire cest honneur , en cas qu'ilallszs en Turquie, qu'à le recevoir en sa compaignie, il le serviroit à ses propres cousts et despens , tout le long de son voyage, à trois cens combattans. Si fut l'offre raioult | agoréable au duc ; car ly movoit, ce dict, de hault et bon corrage. Et l'en prisa molts #% en
temps et en lieu l'en feroit remercier, ou mesmes le feroit de bouche au retour de Bruges. Mès nouvelles vindrent tantost après leur partement , de nostre saint père , que conclusion estoit prise avecques les nations d’lualie , de-partir en la prochaine saison du printemps. Par quoy le duc qui estoit le plus loingtain, se ensievir voloit son promettre, et ce qu'avoit faict dire par ses ambassadeurs, l’évesque de Tournay et messire Simon de Lalaing , il estoit convenable qu'il apprestast son armée à la Chandeleur, et que ly meismes, dedans le mois de mars, se rendist en Bourgoingne, pour tant plus approcher les Italies. Car ray, estoit que lesdicts ses ambassadeurs Pavoient obligié et asservi, sans condicion nulle, de meismes soy y rendre en personne, comme par son propre command avoient receu en charge de sa propre bouche, voire en cas que ils vissent ce estre convenable et expédient de faire par les condicions qu'il y avoit mises; c'estoit : que le duc de Milan livrast son nombre promis , et qu'il y feusten personne ; ensemble que toutes les nacions d'Italie parfeissent aussi leur promettre ; et que ordonnance et provision fust mise sur le fait des vivres et des passages avec l'assistance promise de Véniciens. Ly après ne se vouloit différer , ne plus prolpnguer sans accomplir son veu. Et voloit et consentoit, et meisme le commandoit, d'estre obligié, quard on en verroit l'opportunité. Et eulx lesdicts ambassadeurs, posé que ce leur fust une chose de grand poix et bien difficile, quand ils ont veu toutes ces condicions venir à effect, ont obéy et obligié leurs envoieurs. Par quoy, l'obligation faicte , l'honneur y pendoit après inséparable à jamès par faulte ensiévye. Et par ainsi doncques la journée qui estoit assise à Bruges en avril, n'estoit possible à tenir, sans faire faulte en ce qui estoit de plus grand astriction d'honneur ; et y fallut pourveoir par aultre manière, eomme cy après
sQ dira.
GEORGE CHASTELLAIN
