CHAPITRE XIX
Comment le duc de Saroye passa le temps par dechà , entre le roy et le duc de Bourgoingne.
En ceste manière de faure, comme je vous conte , passa le temps entre le roy et le duc de Bourgoingne par dechà , lequel tousjours avoit en l'oeil le voyage de Turquie, pour ce que le pape le pressoit de si près; ne oncques, pour affaire qui lui survinst , ne le voult mettre arrière. Et à ceste intencion , et afin de pourveoir en son fait de longue main, fit pourveoir en ceste ville de Hesdin plusieurs de ses vieux serviteurs , de leur vie; et avoit la commission de ce, ce renommé et grand
homme en ricesse et en sens, Pietre Bladelin, |
GEORGE CHASTELLAIN
gouverneur sur toutes les finances des pays du duc, maistre de l'espargne, et le plus haut en crédence depuis trois ou quatre ans que l’on y vit oncques; combien que celle crédence n'estoit pas au gré de tous, car moult de nobles et non nobles s’en doloient.
Il recevoit et retailloit sur uns et sur autres ; et sur les receveurs des deniers, il escrivoit si de près, qu'à peine ne lui pooient riens estordre ; il estoit maistre d'ostel du duc, ung des quatre trésoriers de l'ordre du Toisond'Or, rice des biens de fortune oultre mesure : avoit, ce disoit-on, bien six mille escas d'or de rente par an, sans son argent prest; et oultre ce , des biens du duc, en cas d'estat et de gouvernement, avoit encore bien six mille francs pris sur }y; et n'estoit que ung bourgeois de Bruges, venu et fait tel, moi voyant et vivant. Ung bien y avoit, qui estoit grand , car il dressa le fait du duc merveilleusement bien; et 1à où il y avoit plaie et deschirement par finances, faites au temps passé, trouva manière de les radouber et de les saner. Et touchant tous vivres que marchans livroient à court, tous les fist achatter à argent contant, et les marchans contenter sans criée ; en quoi il fit honneur à la maison , et à son maistre salnt. Si le congnut très bien le duc; et pour ceste cause aveucques aultres luy donna-il celle haute auctorité; car certes sages hom estoit et de grand poix , belle personne et de belles meurs ; avoit voix cassée, ung peu tirant à femme, et le plus diligent et de grand labeur en ce qu'avoit à faire que l'on congneust. Et pour la grandesse de 1y, et que le duc s’en espéroit bien servir en s0n VOya;re proposé , proposa aussy de le mener aveucques Iy devant tout aultre pour fait de finances , et le seigneur de Goux pour excellence de conseil, lequel haultement avoit pour recommandé, car estoit très sage chevalier et grand clerc, homme de grant entremise et de subtil regard , et de qui on s6 pooit aidier et servir plus que homme de sa vocation. Estoit né de Chalon-sur-Saone , en Bourgoingne , homme digne et loable, et de qui sont faits et se feront encore maints contes, selon la qualité de la personne.
tiâéé CHRONIQUE DES DUCS DE BOURGOGNE.—III PART.
