CHAPITRE XXXIII

Comment la douagière de Nevers requist au duc d’avoir

sa raison du frère de son feu mari.

Après ces deux frères pourveus ainsi d'appointement, vint à Hesdin arrière le comte

d'Estampes, novel comte de Nevers par :-

le trespas de son frère aisné, le comte Charles, qui ne laissa nuls enfans après ly légitimes de la fille au comte d’Alebreth.

Dont, pour ce que ce comte d'Estampes, nommé Jehan, estoit prochain hoir de son frère, il saisy la seigneurie et se vesti de la toute succession à lui appartenant. Et en ce faisant, la douagière sa belle-seur se senty aulcunement grevée ; car lui estoit assez risoureux, ce disoit, ledict comie. Si s'en envoya doloir au duc de Bourgoingne, qui avoit esté moyen de ce mariage faire; et lui requist que maintenant il lui pleust tant faire devers le novel comte de Nevers, frère de son feu mari, qu'elle peust obtenir droit et raison de ly, comme une povre vefve, et vivre

: du sien emprès ly, en amour et en concorde.

Et envoya devers le duc pour ce faire, ung notable homme de conseil et bon clerc, et lequel estoit venu à Hesdin avant que le comte d'Estampes y arrivast ly-meisme. Le duc entendy volentiers à la querelle de la dame vefve, et dist que volentiers y feroit le mieux, et l'aideroit à garder d'oppression. Pendant ce temps , le comte dessusdict y vint à grand regret encore, ce disoit-on, et à bien envis; car se sentoit durement mesfait et offenseur en la maison. Et sçaichant de vrai que, quelque dissimulation que le duc son oncle en fist, pour non norrir discorde en sa maison et pour cuidier estaindre le cas, si estoit-il enfroidy en corage envers ly, et le véoit à regret, comme nature le devoit , pius tost tirer à son propre fils qu'à Îy, par ainsi, la coulpe commise lui engendra honte et reboutement en soi-meisme. Et à regret et à dur se trouva au lieu; car n'y voyoit œil d'omme qui le regardast, qu'il ne pensast que ce feust à charge et à note de son péchié. Du péchié ne veul parler ne faire mention >

2 es à

Le

[2465] CHRONIQUE DES DUCS DE BOURGOGNE.—III: PART

car il a esté ailleurs déclairé par la constrate du cas; mès reviens cheoir à son venir à Hesdin, là où aucuns, mès peu, al.

lèrent au-devant , car beaucop de corages des nobles hommes s'estoient retrais d'en arrière de 1y. Luy venu, alla veoir le duc son oncle, à tout Le dueil de son frère. Si lui fit le duc chière accoustumée ; et parla et devisa avecques lui trois ou quatre jours durant, sans qu'il y ot vstère ne singulier personnage qui à conter face ; si non que le duc lui parla pour la contesse vefve, et lui pria qu'il la voulsist traictier doucement et en raison, comme relainquie de son frère aisné, dont il avoit eu les biens; et lui dist qu'onneur ne porroit soffrir qu'il la traitast mal. Si y tint le duc tellement la main pour elle, qu'il les mist d'accord sur le lieu ; et s’en retourna l’omme de la comtesse vefve tout conforté vers sa maitresse et bien content. Le comte y demora quatre jours entiers; le cinquième il partit. Et est vrai que jà avoit eu longue espace que ce comte, comme j'ai dict, avoit eslongié la maison de son oncle, là où il avoit esté norry et cslevé. Et à cause de ce qu'il sçavoit clèrement que le comte de Charolois, son futur chief et seigneur, lui voloit mal, à ceste cause s'estoit retrait et fortifié du roy, ponr en temps advenir y prendre garant contre 1Y ; el y quist toutes voies et moiens qu'il pot pour y avoir accointance , et tant plus comme il sentoit bien que le roy n’amoit point le comte de Charolois. Cestes manières de faire furent veues et congneues du duc et des siens; et sans en faire grand semblant, furent bien notées. Et comme de tout temps par avant ce comte d'Estampes avoit eu sa pension à l’ostel bien paiée , au derrain, ce croy-je. il trouva son paiement froit , et conceut en ly-meismes que ce se faisoit tout voluntairement pour lui donner congié. Si vint à point maintenant, et en parla au duc son oncie, pour sçavoir qu'il en diroit; et le duc ly respondy : « Beau nepveu, je vous ay fuit du mieulx que j'ay peu quand vous vous estes tenu avecques moy; et maintenant vous avez pension de monseigneur le roy et estes à ly. Je ne puis pas à tout fournir ; j'ai des grandes charges, el me convient en pourveoir mon estat.

— Monseigneur , à vostre plesir, ice dist le

comte, je vous remercie humblement de tous vos biens; il convient bien doncques que je face du mieulx que je porrai. » Et à peu de paroles après le comte prist con zié du duc et s'en alla. Au descendre du chastel, ainsy qu'on se vient tellefois devisant, dist à ung des siens : « Or chà! hessé! le fils m'a volu deshonorer , et le père me boute hors de sa maison ; qu'est-il de faire ? au moins me convient-il vivre jusqu'à la mort? Or, voise comme il peut, il ne peut aller pis que’ mal.» Et parloit ainsy en homme mal content, comme il avoit bien cause; mès ce devoit estre de ly-meismes; car Iy-meismes à sa male heure s'estoit brassé ce brassin, et ven devoit à homme du monde donner le tort qu'à soi propre, procureur de son mal et d'autrui. Atant se partit de Hesdin, et prist son chemin vers le roy, bien aise de cecy,

et que la maison de Bourgoingne eü estoit

affviblic.