CHAPITRE XVI
De l'ambassade envoyée au: duc par le roy anglois sur l'alliance, et comment tous deux informent le roy de France à Troyes.
Ce conseil fut tenu et mis à effect. Et furent ordonnés, pour faire ceste ambassade : l'évesque d'Arras, messire Atis de Brimeu, messire Rouland de Hutequerque et plusieurs autres. Partirent d'Arras et vindrent à Rouen, où joyeusement furent receus et à grand honneur, et non sans cause ; car moult désiroit ledit roy anglois avoir aliance au duc de Bourgoingne, pour ce qu'il véoit et entendoit bien que, par ses moyens, il pourroit parvenir à ses fins ; c'estoit d’avoir madame Catherine de France pour espouse , et au remanant pié ferme dedens ce royaulme désolé par les divisions qui y estoient , dont il prenoit la partie la plus saine pour luy. Si redéclairèrent lesdicts seigneurs leurs articles et la cause de leur envoy. Lesquels agréablement receus, il leur fu donnée responce par ledict roy meismes : que en très brief temps 4 envoyeroit ses gens devant le duc leur maistre , chargiés de tout.ce qu'il auroit intencion de faire ; et feroit tant que’‘eulx seroient trouvés avoir esté bons procureurs devers luy, et les siens bien recueillis devers leur seigneur. Sur ce motse partirent et retournè: rent à Arras arrière devers leur maistre. Et tantost sprès vindrent, férans sur la queue, les riches ambassadeurs anglois vers le duc de Bourgoingne au meismes lieu d'Arras. Et estoient ung évesque et deux comtes, l'évesque de Rocestre, le comtede Warewyc, le comte
de Quint et plusieurs autres chevaliers et escuiers' qui les accompaignoient. Si fureat très honnourablement receus, comme il séoit: bien, et bien aisés de tout. A l'eure doncques qui leur estoit signifliée , vindrent devant luy; et très humbles et bien enseignés en savoir , déclairèrent les articles que le roy leur maistre vouloit avoir avec le roy Charles et avec luy pour entrer en ceste alliance. Si furent oys lesdits articles et bien incorporés. Et pour assagir l’un l’autre du vouloir de chascun pareillement, et de la part du duc, en présence furent rebaillés et ouvers aux ambassadeurs anglois les points et articles qu'il vouloit avoir aussi avec eulx. Beaucop de grands cas y avoit à louer et à sourdre , beaucop de choses recoppées, plusieurs renoées, plusieurs allers et plusieurs revenirs , tellement qu’en aucune traitte de jours que leur parlement dura, toute difficulté fut vuydée ; et s’'accordèrent en l'alliance. ensemble, pourveu que ce peust estre du con:
sentement et du gré du roy Charles et de son conseil. Lequel roy pour lors estoit manié, et la royne aussi, tout entièrement par aucuns tous propres, et à la poste du duc bourgoingnon. Et portoit le traictié , comment que fust, que ceulx de la partie du roy et du duc de Bourgoingne ne feroient nulle guerre aux Anglois , ne les Anglois à eulx. Et furent avec ce les trèves premièrement prinses et données , reconfermées et ratifliées plus et plus fortes. Et devoit le roy anglois envoyer ses ambassadeurs vers le roy Charles, en la compagaie meismes du duc de Bourgoingne , qui très prochainement entendoit à aler vers luy à Troye en Champaigne où il estoit résident, partie pour faire ses doléances du cas advenu et de se conseiller à luy, partie pour luy signiflier l'appoinctement prins avec les Anglois, point en préjudice de Sa Magesté , ains plus en conservation d'icelle, grandement blessée jà par aucuns. Et ainsy tous contens et bien d'acord à tous lez, se party chascun, l'un par retour à Rouen, et l'autre ailleurs à son plaisir.
çà
