CHAPITRE LXX VIL
Comment pour plusieurs fois les Croyois cheurent sur leurs pieds du viel temps en tout eslèvement ve gloire.
« Après encore, et après ceste réunion faite à Bruges, et qui arrière retourna jà la tierce fois comme en frivole, rencheurent les matières en leur premier estat, les Croyois sur leurs pieds du viel temps, plus et plus durs encore en tout eslevement et gloire , et que la prise du bastard de Reubenpré se fit à Gorkem, et que le roy se formoit de tous points ennemi du comte , portant et honorant Croy et les siens , et que le duc meismes se perceust et estoit averti d'estranges personnages dressiés, non pas tantseulement contre son fils, mès contre ly-meismes , et de quoi ly- meismes fist fondement et occasion de partir de Hesdin , là où le long demorer, au point que les choses se véoient alors , n'estoit point sain pour Î|y, et meismes assez de fois avoit murmuré en Îy-meismes sur le vol que cestes gens cy prenoient devers le roy, en disant , que bonnementne pooient servir deux maistres léalment, le roy et ly ; et véoit tous les jours et ooïit chose de soupechon et de desplaisir; et de quoi ly venu à Lille, fu accueilli aigrement son fils de y, et araisonné de l'ambassade du roy, et tout pour ce bastard, et le soudain département de Iesdin qui desplaisoit au roy , et tout par l'enortement et subtil demener de Croy, aflin de soi parer et nettoier de l'emprise du bastard ; et là où le duc, par pité de la bonne cause de son fils et par délectation qu'il prist en y. l'incorpora en sa responce, deffendeur ac son honneur et léaulté, disant: que oncques n’avoit commis faute ne meschanceté envers vul, ce sçavoit bien, ne en quoi il fust à reprendre ; et à tout ce depuis, et qu'il véoit bien qu'on en voloit à son fils et à ly, et que touchant ceci , son fils, pour plus amplement l'informer de la nature du cas et du malvais temps qui corroit lors, se tira devers ly en son oratoire , parlèrent ensemble à larmes et à dur regret, se departirent contens et re.
Ce
consolés l'ung de l'aultre. Et nient-moins
‘encore à tout ceci le duc retint et en-
tretint les Croyois aveucques ly, tousjours en estat accoustumé, et comme 8e envers père , ne envers fils, ne envers Sainct-Esperit, ne pensoient mesprendre ne offendre , et obtindrent victoire et gloire sur le fils, soubs permission du père : solvez ici, Georges, et rendez raison de cest argument , ou condempnez le duc en sa honteuse tollerance et dissimulacion, ou vous deportez d’eslever la querele du comte si hault, quand elle ne poise au père, ne ne lui vault pour aultrement la deffendre. »
