CHAPITRE LXXX VI

Comment l’aucteur fait narracion de la grand félicité que ce feu duc a eu en ce monde.

J'ay fait autre part narracion en ung petit livret à part de la forme et efisie de sa venue , ensamble et de ses naturelles meurs et condicions au long (4); et en quoi aussi, quand

cela sera escript ou devant ou darrière, en

ceste présente euvre, je me repose assez seurement de avoir recollement sans réité-

ration nouvelle. Ne reste fors seulement, par

tenaps et par clères distinctions ramenées par ordre ès haulx, grands et difficiles affaires qu'il a eu après la mort du duc Jehan son pére, et jusques à l'eure de son trespas , là où il y avoit quarante-sept ans entre deux (2). Et dont, pour en faire la narracion, sans chanceler ne varier chà ne là, ne faire d'aultrui estoffe ouvrage d'emprunt, il y a chose haulte et de grand effect; et n'y a nul, tant soit hault historien ne prince meismes qui, de ce temps , en puist estre mis en conte, qui ne soit et ne se trouvera plus contraint

(4) Je crois que George Chastellain veut parler ici de l'éloge du duc Philippe , que j'ai inséré à la suite de cette chronique. On voit par la phrase suivante : : qu’il désirait lui-même que son éloge fût réuni, ainsi que je l'ai fait, à sa chronique.

(2 Jean-sans-Peur, duc de Bourgogne, fut assassiné le 10 septembre 4449 sur le pont de Montereau. D

GEORGE CHASTELLAIN

d'emprunter aulcune clarté ou despendence à cestui, que cestui à eulx, nonobstant encore que plus grand de ly y avoit-il encore et plus hault de scisneurie, comme Île roy; mès nul de telle clarté en hault titre par singulière béatitude n'a esté trouvé.

Doncques sommairement j'ay assez touchié de ceste matière en aultre lieu, comme j’ay dit, et que raconter une chose deux fois seroit vice, je me contourne à ce qui porra estre de fruit et de nécessité à son histoire pour la perfection de sa loenge. Et À où je considère et regarde moult de singulières choses haultes et clères, comme la personne de ly, pour tout le temps qu'il régnoit, estoit singulière et exquise entre tous les aultres princes ses contemporains. Et doncques, puisque Dicu, en tout ce qui sert à perfection d'homme, l'avoit doé et béney de singulière grace, il besoigne bien aussi qu'il ait une singulière forme et manière d'escripre qui le décore, comme la nature de sa haulle félicité l'expete et demande.

Donc, pour venir au fait et pour mieux en narrer au vif, je considère cinq ou six singuliers grans poins en ly, que jamais je n'ai veu en ung homme tout ensamble. Premièrement y avoit graces en habondance de toute vertu et noblesse de corrage, plus qu'en prince de la terre : il y avoit don et grace de nature tele, qu'entre tous les princes du monde ly seul entre tous les autres se monstroit l'estoile et clarté de tous les autres; avoit de fortune tele porcion de fame, tele prestance que lui en fit tourner par le monde jusqu'à assez; et lesquelles prestances et graces de tant de diverses qualités, comme :

en divers endroits et en divers temps et lieux, et haultes excellentes besoingnes se sont présentées devant ly, et dont il a pris tiltre et gloire.

Quand doncques il cherra à parler de ly en quelconque endroit que <e soit, soit de paix , soit de guerre, qui parler en vouldra par devoir, ne porra évader ne fuir qu’évidentement il ne touche aulcune de ses haultes vertus et clartés, qui oncques rien ne fist, ne riens ne dist, ne oncques n'emprist ne paracheva chose qui ne reluisisse et ne replendist en vertu et parement , comme

ung fiertre en précieux perles. Tout estoit singulier en ly et de los, ce qui se montroit par dehors au moins. Mès comme ses vertus estoient maintes et diverses, il les convient distinguer aussy en autant de parties comme il en avoit l'effet; et comment il avoit la grace de vaillance, ce qu'on peut appeler probité, autant qu'oncques homme , et dont jamès on ne lui est veu avoir vantise, ne quérir vain los ; et si s'est trouvé en estrois affaires, si avant qu'oncques nul plus; et dont oncques homme ne veit mutacion en Îy ne changement de peur ; et n'y avoit ne chaleur ne froideur en ly par quoy on peust dire : « L'une domine trop en ly, et l’aultre peu ; » les prenoit également touttes deux. Et en taisant tout quoy se fist regarder par amiration. Là où il estoit mortel, avoit grace de longanimité ; tranquille en soi, longuement et à tard men, et tard courrouchié ; à tard proférant, feust d'amour ou de haine; et temant gravité tousjours en toutes ses affaires. Avoit la vertu d'humilité envers tous ceulx qui estoient ses samblables de duc, se eulx mesmes par propre orgucil ne le rompoient.

Estoit humble envers tous ceulx qui portoient couronne , et envers leurs enfans ; êar le moindre fils de roy de la terre eust volu bouter dessus lui en lui faisant honneur. Estoit humble en refuser vaines gloires et folles loanges et vaines. Ne réputoit riens ee que pooit appartenir à honneur, moins encores ce qui se pooit dire par gloire. Et luy ay veu rebouter arrière de ses coudes ceulx qui en teles vanités l'alosoient. Avoit la vertu et débonnaireté en toute conversacion avecques toutes gens, serviteurs, domestiques, et aultres ; ne oncques vil mot ne ly partist de lèvres. Estoit léal comme or fin purgié ; ne à Dieu ne à homme ne feist oncques faulte qui fust d’esclandre. Tenoit son mot, son serment, son veu et sa promesse, dont pour nulle affaire qui luy peust advenir ne fist enfrainte. Avoit en ly la vertu de magnificence imerveilleuse, et en toutes choses qui es- F toient grandes et scrutileuses en fruit, là veilloit-il; et comme les temps et les aventures les luy rendoient teles, là s'employa- ». ét À se tourna , au pois et à l'exigence des causes. Et lesquelles se sont suspendues et

CHRONIQUE DES DUCS DE BOURGOGNE.—IJI° PART

offertes teles en sa main que oncques nules teles depuis Charlemaine en ceste liliée région , et dont il a ouvré telement , que nulles magnificences de prince chrestien ne en tel nombre y ont approché.

Il y à eu aussi une grace d'amour de peuple envers ly; et qui a esté tele par tous ses divers pays, qu'en lui exhibant bonneur, service, réverence, toulte 1ccomodacion et prestance , feust par pays, feust par villes, les hommes plus er faisoient, plus en monstroient, plus s'attalentoient et s'affermissoient d'en faire plus et plus; ne ne se pooient saouler de lui porter honneur. Dont, et à cause de grande amour et révérence qu'on lui portoit, il s'est trait en son temps, par les villes où il yroit, tant d'honneurs, tant de révérences et cérémonies que nul empcreur oncques qui entrast en Rome à triumphe, ne les dix meilleurs, oncques n'eurent autant. Et sambloit mainte fois que quand il arrivoit, que les cieulx se ouvroient pour pleuvoir sur luy leur bénédiction et faveur ; et telement que moi meisme autrefois lui ay dit touschant cestui point, que veue sa grande haulte félicité que Dieu lui envoyoit sur terre, je mettois grand doubte qu'il n’en auroit point d'aultre en l’aultre monde. Il avoit aussi une grace en 1y, que tout ce dont il se melloit en fait de guerre prospéra, et en emporta victoire, ettout ce qui estoit dehors de 1y ailleurs, en discorde et division. Et là où il mist main et moyen, tout tourna à paix. Et porta en son seul personnage le salut et la félicité de tous ses pays; et non pas Lant s’ulement des siens, mès des aultrui ses voisins et royaulmes. Avoit en lui la vertu de tempérance, qui oncques pour courroux, ne pour joie, ne pour accident con traire ne prospère, ne s'est trouvé ne veu es. tre desmesuré, ne despassé de mode , ne de manière de prince. Dont, et comme il se monstroit tel en tous usaiges de ses haulx affaires, tel se monstroit-il aussi en tous usaiges de sa bouche, feust de paroles, feust de sa nourrichon ; oncques on n'y percheut ne plus hault, ne plus bas, ne plus tard, ne plus tost. Avoit aussi en ly la vertu de révérence à Dieu et de vraie obéissance à saincte Église; ung ferme mainteneur de ses promesses et de ses apprises dévocions. Et en seigne de libéralité et de

joye aveucques les siens, souffrit tous les jours et. souvent faire haultes solennelles festes, joustes et tournois, grans et pompeux festoiemens, dont nuls voisins pays se remployent à tel honneur et fame. Etse reputoit sa maison à inaison de bénédiction et de félicité , et de toute h1bondance et grace. Dont, et comme La dite maison estoit pleine de salut de l'omme si béat, elle estoit estorée aussv à l'avenant de ly de plus rices et beaux personnages de la terre, et toute eslite d'ommes et de chievalerie qui feust en France.

En toutes cestes bénédictions doncques, vertus et graces qui en ly estoient, le convient descrire et décorer par distinctes parties par tous les lieux là où on fera conte de Iv. Cor tous ses faicts et toute sa vie sont à rapporter à tiltre d'aulc:ne loenge , par regard envers Dieu ou envers honneur, ou envers salut publ'que, ou envers noblesse et haultesse de courage par singulière nature.