CHAPITRE CXXVIL

Comment le duc envoya messire . Adolf de Clèves pour lever le siège des Liegcois estant devant Huy.

C'estoit au mois de septembre, bien avant, quand ceste ville de Huy fust prise des Liégeois ; et le duc Charles entendant à ses affaires par le pays de Braibant, envoya messire Adolf de Clèves, à toute haste et à forte compaignie , pour lever le siége , cuidant que Liégois feussent encore devant la vie non prise. Mès comme l'aventure l'apporta , et que ledict de Clèves estoit jà venu à deux lieues près, cuidant férir sus, Liépois estoient dedens la ville à sauveté. Si en ot grand regret . cely de Clèves , d'estre ainsi venu pour nient à tant de belles gens et de vaillans hommes et pleins de haulte volenté. Mès porter le convenoit ainsi et prendre en gré jusques à une autre heure , là où tout pourroit retourner en compte et en paye. Si ny avoit aultre , fors de retourner vers le duc, qui en fit matte chière ; mès dit bien que ce leur seroit brief, s’il ne moroit, une chière prise et cousteuse. Et disoit vrai; car prestement fit faire son mandement sur tous les pays de Braibant, de Flandre , de Hainaut, de Picardie, de Namur, et de Lucembourg pour le huitiesme d'octobre; et ordonna aux capitaines de eulx mettre sus, etle plus à baste que faire poroient, et à plus de gens; et les asseura de bon paiement et prompt, sans délay ; et à tant s'en reposa sur leur diligence et sur le‘bon acquit de chascun d'icy au jour nommé ; et ly-mesmes diligenta fort en tous ses aultres affaires pour venir en cestui; car là avoit-il cueur.

Or convient-il maintenant parler du roy qui tout savoit et ooit ce qui se faisoit par dechà, et comment le mariage estoit conclu de la

seur au roy Édouard, et comment Huy estoit .

prise des Liégois; et qu'à ceste cause le duc avoit faitson mandement très-grand , et estoit délibéré à removoir guerre , jà la tierche fois, a ceux de Liége, et de les mettre en basse

croute. Et ymaginoit presque et faignoit savoir tout ce que ce jeusne duc avoit en ventre et en propos de faire ; et parquoi tant plus le craignoit, car le congnoissoit fier et orgueilleux , et mordant et dur ennemi, malvais à rompre là où il portoit corrage. Si s’en devisa tous les jours ce roy Loys à son connestable, qui aultre-tel congnoissoit le duc Charles comme |y, car l'ancienne nourriture y estoit. Si eust bien volu le roy, ainsi que devises portent, obvier aux emprises, s’il eust pu, de ce fier duc, et les rompre par sens ou par menaces, ou par moyen, ne lui chaloit quel, mès qu'il lui pust rompre ou faire rebouter sa corne, laquelle il voyoit fièrement dreschiée. Si en devisa familièrement audict son connestable , comme à cely seul du monde par qui main il pooit mieulx ouvrer en ceste affaire; car ly seul aussi estoit tout à main au duc par deçà, et lui donnoît ascout et créance ; et la seule main du connestable qui estoit ami et certain à tous deux, estoit digne ct propre pour manier haulte matière.