CHAPITRE CXLVIL

LS

Comment le duc Charles tint sa Toyson à Bruges , la première depuis la mort de son père en l'esglise Nostre-Dame

Le huitiesme de mai, par un dimence, ce duc Charles tint en sa ville de Bruges, en l'église Nostre-Dame, la feste et solemnité , la première depuis la mort de son père, de son ordre du Toyson-d'Or.Ets'ytrouvèrentensemble, ly compris dedens eulx, quatorze ‘tant seulement de chevaliers à ceste feste. Dont, hormis six qui estoient allés de vie à trespas, depuis le derrain chapitre tenu à Sainct-Omer, les autres tous envoyèrent ici leurs procureurs , les uns pour leurs grandes affaires et léales essoines, et les autres pour occasion de maladies et de vieillesse, Le duc de Clèves, pour ce temps icy, et le duc de Guerles, frères de l'ordre, estoient én mortelle guerre ensemble. Dont, à cause de leur enemisté et pour ce qu'ils ne se vouloient entre-accorder ne se conjoindre, furent receus en leur procuration par procureur. Le roy Jehan d'Arragon, pour dignité de sa couronne et pour la grande distance du lieu aussi, et de son vieil éage, n'en fut pas requis aussi d'y comparoir, Sinon par procureur. Pareillement le duc d'Alenchon fut excusé, pour cause de sa vieil-

CHRONIQUE DES DUCS DE BOURGOGNE.—III: PART

AS

lesse et de l'indisposition de ce royaume.

qui, en ce temps alors, portoit et causoit divers dangiers entre le roy et la maison de Bourgogne ; dont à cestui d’Alenchon, il convint obtempérer par bon sens partout. Le comte d'Ostrevant estoit impotent de tous ses membres; et ne se pooit tirer de ly fruit ne parement en telle assemblée, sinon par ostension du tableau de ses armes. Les deux frères de Croy et cely de Lannoy, s’estoient présentés à Bruges, huit jours paravant, par les lettres du duc, pour ester en justice devant ceux de l'ordre, là où eulx oys et accusés de plusieurs cas de par le duc, partirent enfin désolés, ne justifiés ne condamnés; mès ne les voult le duc oncques rechevoir pour estre à sa feste, ne par procureur ne aultrement ; souffroit tant seulement que leurs tableaux présentassent leurs personnes absentes, et que Toyson-d'Or allast pour eux à l'offrande.

Le comte de Nevers, qui soloit estre de l'ordre, icellui par aucunes lettres de semonce qui luy avoient esté envoyées de par le chapitre , de venir respondre à plusieurs grands et infamieux articles, avoit jà paravant renvoyé son collier, et ce, par un officier d'armes et ung clerc, assez irrévéramment.

Dont, à cause de ce et de son péchié prouvé, son tableau, à l'heure que Toyson-d'Or le devoit appeler à l'offrande, icellui Toysond'Or le alla lever hors de son lieu, le rua à ses pieds; prist ung autre tableau noir. Là avoit escript dedens la récitation de son cas : commen. !! avoit esté semons authentiquement; comment il n’avoit volu comparoir pour respondre ; comment et en quoi il avoit abusé encontre son honneur et encontre la dignité de la foy chrestienne. Et lisoit icestui Toyson-d'Or ceste escripture toute en hault, oyant tout le monde; et tout tellement escript, mist ce tableau noir au lieu de l’aultre, à où tout le monde après en pooit prendre coppie.