CHAPITRE CLXIX

Comment le duc, pour obvier aux voics quises par le roy, ils’allia au roy d'Angleterre, contre cucr et nature.

Et pour ceste cause et plusieurs autres, et qui toutes dépendoient réalement de ceste variableté du roy et de ses passions , et dont le duc Philippe mort avoit eu fort à souffrir longuement, nonobstant ses bons services, et mesmes et en pareil ce duc Charles, s'il n y eust rémédié, ce qu'il s’estoit allié au roy Edouard d'Angleterre , si estoit-ce maugr lui et contre son cuer et contre sa nature, ce savoit bien, pour soi deffendre contre ly; car n'eust jamès quis ce chemin ne ie baston qu'il empoigna, si n'eust csté par Îles dures ct diverses voics que le roy avoit quises contre ly, ce disoit, tout de gré et volentiers pour le desfaire , et de quoi, élas! se, du don de Dieu, le roy se feust abstenu et eust monstré le contraire, comme de l'amer et de le bien traictier, ainsi qu'il séoit à uns tel si jeusne et si puissant prince , ct nouvel venu en rèsne, et fils d'un si grand père, et qui tant pooit et valoit en la félicité de ce royaume, il s'en feust servi et renlorcié de la moitié de son fort; le povre duc l'eust amé ct honoré, doubté et cremeu; feust demoré en l'inclination de sa vraie nature originale franchoise, et ne se feust pas estors en aultre copulation, ennemie à la gloire de son propre front, ct de quoi le roy veritablement, par duresse et par quérir en ly ce que ne séoit pas bien, sclon le temps d'alors, estoit seul cause; et n'en devoit donner charge à nul, fors que à ly mesmes, que ainsi le voult et ainsi le trouva.

(4) Hommes de cour.