CHAPITRE LIV
De la royne Jehanne de Naples, et comment le jeusne Loys d'Anjou futrecognu etcouronné roy de Sicille.
Autour de cestui temps et un peu paravant avoit eu grande contrariété et avoit entre les barons du royaulme de Naples et leur royne, dame Joannelle, femme d'assez estrange et divers gouvernement, et par especial en fait de luxure , dont elle usoit peu à son honneur et beaucop à aultrui meschief et confusion. La quelle royne, comme il est assez sceu, avoit espousé et volu avoir, pour ce que beau chevalier estoit, et grand et membru, messire Jacques de Bourbon, comte de La Marche ; mais après, quand elle en avoit prins son saoul par aven-
ture, et que le renouveller lui plaisoit mieux
que longuement soi tenir à ung, soubs ultre d'aulcune question, le fit mectre en prison et le tint en grand dangier de son corps, comme
(4) Voyez ces lettres-patentes dans Monstrelet, 1.4, ch cexxxvir.
autrefois avoit fait maints aultres et fait mectre à mort aussi; de quoi une grand haine s’accueillit entre les barons’dudict royaulme et elle; et tellement que, avecques l'assistence des Gennois et des Florentins, vindrent en France devers la royne de Sicille veufve du feu Loys duc d’Anjou et de Sicille pour ung temps, mais deschassé depuis de celui royaulme , comme assez a esté sceu, pour la fraude et malice de ceste royne Johannelle. Si vindrent cesdictes nations d'Italie requerre à la royne veufve que elle leur voulsist baillier leur seigneur héritier son fils , car par puissance et main forte ils le
mectroient en possession de son royaulme et
le feroient paisible roy, qui que le voulsist véoir eu non; et à ceste cause avoient amené avec eulx quinze gallées de guerre dedans le port de Marseille en Provence, pour l'avancement de leur seigneur en ceste matière , le jeusne duc Loys. De laquelle chose, jàsoit.ce que moultse tintà joyeuse ladicteroyne, ne fus: pas si legière toutesvoies que, sans grand pois de conseil, elle mist son fils en leurs mains. Congneue et bien avisée la condicion des Italiens qui sont variables et cauteleux , si s'avisa et print delay dessus pour aucun temps ; dont à chief de pièce, bien conseilliée et saigement leur accorda leur demande; et de l'aggrément des impétreurs detint huit des plus grands seigneurs du royauline de Naples ostagiers pour son fils, jusques à tant qu'ils auroient paraccompli leur promesse et mis le jeusne Loys en paisible possès. Et sur ceste asseurance , à larmes et sospirs , comme mères font, le leur bailla entre mains, ac- Compagnié de gens de sa nacion, comme il appartenoit. Et se mirentles Néapolitains et les aulires nations en la haulte mer. Et tant eurent leurs voiles vent, qu'ils arrivèrent à Rome, où notre sainct père le pape trèssolepnellement receut ledict enfant, le duc Loys , et luy mist entre mains, de toute auctorité et puissance que à luy appartenoit en Cesluy cas, le royaulme de Sicille et de Naples, et l'establit gonphanonier de l'esglise, Comme les aultres roys de devant luy avoient esté, et leur appartenoit d'estre; mais ne luy l'ailla pas coronne pour celle heure. Et cela faict , par l'ayde de ceulx qui l'avoient €n Conduicte , il se transporta au royaulme
de Naples ; et là fust receu et convoyé par les bonnes villes, l’une après l'autre. Et ayant trouvé ses conduiseurs véritables, prospéra tousjours en régnacion ; et se couronna, et fut roy paisible , et fit délivrer, com. me raison vouloit bien , ses ostagiers detenus en Provence.
