CHAPITRE LVI

La rendicion du siège de Melun.

N'a gaires nous laissames du siège de Melun ea l'estat que vous avez oy ; or est besoin de y prendre retour, et de réciter les destresses et poyretés qui y estoient, qui ne sont pas de petit compte ; car elles estoient si extresmes, que à peine avoit dedans substance nulle au monde dont ils povoient faire nourriture, non pas seulement humaine, mais bestialle à paine; car chevaulx , chiens, rats, et toutes bestes vomitables à nature, jà estoient rifflées presque toutes par rage de faim; et n'y restoit ni orge, ni froment, ni aultre semence qui fust de reconfort, se non obstant tant seulement pierres et pièces de bois qui n’appartiennent ne à bestes ne à hommes, ne ne peut

servir à ceste qualité. Et s'il y avoit espices.

ou pain en respost, si là dessoubs estoient les plus grands, si estoit-il si très escharement trouvé , que le gros d'ung poing en po voit valoir un marc d'or. Et avec ce cstoient ils à toute heure de jour et de la nuict tellement traveillés de dures envahies que l'en leur fit, tant pour les combattre et assaillir en la mine, comme les battre de gros engins ct de grosses bombardes, que à peine avoicntils puissance qui les peut soustenir, ne membre ne ventre en corps qui leur: prinst ou voulsist donner service ; et si n'avoient secours prochain ne reconfort d'en avoir de nul lez, sinon que eulx-meismes prenoient de leur espoir et fiance en leur muistre, qui, par non y povoir remédier à ceste heure , leur faillit, comme je diray cy après. Or pense chascun en quel estat de couraige povoient estre ces gens, et en quel extresme soussi de leur honaeur, quand se virent estre si de près prins, enrageans de faim, resvans par veil'ier, rompus par travail, foibles par jeusne et par toute manière de misère et de povreté, si an bas que mieulx on les jugeoit semblance d'hommes que hommes proprement, car ils estoient desfaits et desfigurés jusques à paine les non congnoistre encoires. Toutesfois je les

laisseray en cest estat, et les y soufriraÿ encoires par aulcuns petits jours, mais non gaires ; et retourne à faire mon conte du roy anglois et du duc bourgoingnon, qui, par

aventure, ne sçavoient pas toute l'extresme po-

vreté ni souffreté de leurs ennemis assiépés, combien que d'une grant part ils y en sçavoient assez, mais non pas toute ; si en dura le siége plus peut estre qu'il n'eust fait; et trouvérent enfin traictiés plus doux par aventure que n'eussent fait si leur nécessité eust esté sceue.

Or y avoit aulcunes places aultres, vers Joygny, où les daulphinois habitoient et faisoient de grandes molestes à ladicte ville, et degastoient le pays à l'entour. Parquey ces deux princes, le roy anglois et le duc de Bourgoinsne , pour pourveoir en ce, trouvérent le seigneur de Lille-Adam, mareschal de France, atout un bon nombre de gens, audict Jiygny tenir la frontière contre leurs ennemis. Lequel y alla et establit sa garnison bien et ordonnément; et y demoura non gaires de jours pour estre arrière emprès son maistre le duc Phelippe à la rendicion de Melun, comme qui sentoit bien ct congnoissoit que mais paires ne se pouvoit tenir sans rendre ou estre prinse.

Si retourna arrière audict siège ; et en son venir fit faire une robbe de routier d'un rude drap de blanc gris, et atout laquelle se présenta devant le roy anglois et devant son maistre le duc Phelippe, leur faisant les .révérences appartenantes, avec déclaracion aulcune des charges qu'il avoit eues d'eulx. Et lors le roy anglois voyant Lille-Adam estre si rudement abillié, lui demanda, par manière de gaberie : « Et comment, Lille-Adam , est-ce là une robbe d'ung mareschal de France? » Et ledict Lille-Adam , qui estoit homme gros et à la bonne foy peu mignot, mais lourdement, et vaillant, respondist , me semble, et gecta les yeulx non fainctement en la face du roy, et dist : « Sire , je suis un gros villotier ; la robe est de meisme le corps; je l’ay faict si tel pour venir en ces bateaulx parmy Saine. » Et cuidoit bien faire Lille-Adam, et non mal dire , mais ainsi voyant que le roy

le regardoit sans fléchir en face, non lien

content de ce , luy va demander : « Et com- ! ment osez-vous ainsi regarder ung prince au visaige quand vous parlez à luy ? » Et Lille- Adam, encoires non visant que à la bonne foy, mais aussi peu esbahi que devant, luy va respondre arrière , et dist: « La coustume des François est telle, que si ung homme parle à un aultre , de quelque estat qu'il soit, prince ou aultre, la vue baissée , l'on dict avecq nous que ce n’est point un bon homme ni homme féable, puisqu'il n'ose regarder en la chiere de cely à qui il parle. » Ft le roy lors dit: « Ha dea! cela n'est pas notre ghise! » Si laissa ledict Lille-Adam à tant, et s'en retourna de devers luy, et laissèrent l'un l’aultre. Si s’apperçut Lille- Adam lors à primes que peu estoit en grasce avec ledict roy, et que d'amour n'ave 1.

gaires devers luy; aussi il s’en povoit bien doubter; et le trouva bien durement cyaprès, quand il le fera mectre en prison, et luy ostera son office de mareschal , bientost après ceste paro'e, dicte pour commence-

ment de son estrine, qui toutesvoies es- |

toit ung vaillant chevalier et preud'homme, et bien en cuer au duc de Bourgoingne , son maistre.

Grand peste se férit en l'ost, et mortalité de gens; especialement en l'ost du roy d'Angleterre; parquoy beaucop de gens et de grands chiefs abandonnèrent le siège , et s’en allèrent pour sauveté de leurs biens en leur pays; entre lesquels le prince d'Orenge, accompaignié de plusieurs grands seigneurs de lourgoingne , abandonna le siège aussi , et s'en alla versle pays de Bourgoingne en ses terres et seignouries. Duquel partement l'ost du duc de Bourgoingne se sentoit assez affoibli et diminué beaucop. Dont, pour recouvrement en ce, le duc voiant ce, transmist tantost et à toute haste devers le comte de Ligny, et lui manda que , au plustost qu'il pourroit, il assemblast gens d'armes et de trait le plus qu’il pourroit, et que hastivement il vinst à toute sa compagnie devers luy au siège de Melun, car besoing lui estoit. Ledict comte de Ligny, diligent ès affaires et commandemens de son maistre , et bien ayant à cuer son service , esleva gens d'armes à tous lez , et se traveilla fort de soi avancer

GEORGE CHASTELLAIN

le plus tost qu'il pourroit, tellement què, en assez briefs jours , ils se mist aux champs à toute une belle route de gens nobles hommes et archiers; et en passant par le pont Sainct-Maxence prindrent leur chemin droict

.à Melun le plus expedient. Dont il advint

que, ainsi qu'ils approchoient de ladicte ville et venoient sur un lieu hault, 1à où ceulx de la ville, c'est-à-dire les assiégés, les povoient appercevoir, que lesdicts assiéoés cuidoient certainement que ce fust socours qui leur venist de devers leur seigneur le daulnhin pour lever le siège , ou du moins qui leur portassent vivres pour bouter en leur fort. Et à ceste cause commencèrent à sonner leurs cloches, et demenèrent une grande joye , et vindrent courans sur les murs, criant vers l'ost:

« Mettez, mettez vos selles, Anglois et Bourgignons , mettez vos selles, et serezvous deslogiés maintenant! »

Et en criant et en faisant ceulx de dehors en ceste manière, les autres approchoisnt tousjours plus et plus près; et tant vindrent près qu'ils cognoissoient clèrement qu'ils estoient gabés, et que c’estoit encoires renforcement d'ennemis qui leur survenoit. Par quoy, les testes baissécs , à triste chière . descendirent de leurs murs et les abandonnèrent ; et de ce jour en avant confus en leur vain espoir, ne se attendoient rlus de avoir jamais secours de leur maistre le daulphin. Mais ayant pluiseurs fois faict remonstrer audict leur seirneur Ie daulphin la doloreuse pestilence et famine en quoi ils estoient , et responce receue sur ce: « que leurdict seisneur et prince n'avoit puissance, pour celle heure, de les delivrer hors du dangier où ils estoient, et qu'ils fissent du mieulx qu'ils pussent avec leurs ennemis», certes ils commencèrent à donner escout à aulcunes gens du costé du roy anglois, et i s’accordèrent à tenir parlement avecq eulx.

Lequel tant et tellement se continuèrent que ils vindrent à traicter et à promesse de rendicion sur la forme et condicion que vous orez. Et furent les commis à ce faire de par ledict roy anglois, le comte de Warwick et le seigneur de Cornouaille.

Premièrement fut ordonné que les assiégés rendroient , etc. 4).

Por les condicions ici declarées passa cestui traicté, qui donne bien à congnoistre que la misère y devoit estre grande , quand, entre tous nobles et vaillans hommes , s'abandonnèrent les ungs à mort, les autres à bien perilleuse merci comme à voulenté, les autres à longue et dure prison anuyeusc ; mais force qui maine nature souvent à ce que elle faict envys, les mena à cestuy accord ; lequel, posé qu'il povoit porter mort à aulcuns, se portoit-il espargne aussi aux autres de leurs vies, sur quels il n'avoit que reprendre de villain. Et ainsi sauvans la plus grande part pour la moindre, ouvrirent leur ville et y boutèreut ceulx que le roy y avoit commis d'y entrer, qui estoient déterminés et nombrés par tiltre et par nom.

Et ceulx là receurent en leurs mains ladicte ville et chasteau pour et au nom dudict roy; et y fut establi capitaine et garde de par eulx un nommé Pierre le Vcrant.

Si ne fait point à demander si la chière y fut monstrée piteuse , quand ils se trouvèrent ainsi en la dangereuse main de leurs ennemis, et souverainement les bourgeois et habitans de la ville les plus notables, quand se virent , en non apprise servitude des anciens ennemis de leur pays; certes la chière y estoit piteuse beaucop et la desolacion grande, avec ce que la rage de famine et de povretc les avoit mis en desespoir assez, car incontinent le roy anglois, desdicts bourgeois une grande quantité, ensemble toute la garnison qui y estoit, messire Pierre de Bourbon , Burbasan , Bourgesis et les autres, jusques au sombre de cinq cens hommes d'armes, les fit mener en forte et seure main de gens jusques à Paris; et là les fit mettre en diverses prisons , Comme au Chastelet, au Temple et en la Bastille de Sainct-Anthoine et ailleurs. Dont quand ainsi la ville fut vuidée , et des- nuée des viealx habitans et des gardes d'icelle, ledict roy incontinent fit commander sur peine capitale que nul n'y entrast , sinon tant seulement ceux aui estoient à ce commis,

(4) Le manuscrit emet la note des conditions. On les trouvera dans mon édition de Monstrelet lLir. 1, cb. cexxxix.

et nuls autres. Et si avoit deux moisnes dedens la ville de Melun que le roy anglois, avec aultres, avoit reservé à luy pour en faire à son plaisir. Si estoit son plaisir tel qu'ils receussent mort; et de faict leur fit tranchier les testes à tous deux , mais point n'y trouva la cause qui à ce le mouvoit, sinon qu'il les trouva appostats etirréguliers , exerçans ce qui à eulx n’appartenoit ; et estoient de Joye en Brye, l'ung fils à chevalier dudict lieu , l'aultre, dam Symon , jadis moisne du Gard.

Or reste à faire conte d'un escuyer nommé Bertrand de Caumont, lequel devenu François à la bataille d’Azincourt, et toute sa vie devant ayant maintenu ledict parti, à celle heure propre, quand ce vint à cembattre , se transporta de la bataille franchoise en celle d'Angleterre , et soudainement , sans semonces et requeste qui lui en fut faicte, se rendit anglois pour cause de sa terre qui estoit en Guyenne, et la tenoit dudict roy anglois. Si se combattist bien esprouvément et en grand los tout ce jour , avec lesdicts Anglois contre les François ; et tant fit que, pour sa vaillance et vertu depuis souvent expcrimentée , legict roy anglois le print fert en grace et lui porta de faveur beaucop. Si advint que, en menant le traicté entre le roy an/lois et ceulx de Melun, cely qui par aventure estoit ung des commis de par le roy, meu de convoitise et de sa male-venture qui chassoit, sauva par secrets moyens et souffrist eschapper ung nommé A ymeron , lequel avoit esté, ce disoit-on, à la mort du duc Jehan de Bourgoingne. Si en vint la congnoissance au roy anglois, lequel se courrouchia que plus ne povoit , et fit prendre ledict Bertrand, et incontinent , sans respit de jour ne d'heure, fors seulement de soy confesser, lui fit trancher la teste , nonobstant toutes singulieres et très cordiales prières que le duc de Clarence son frère lui en avoit faictes , jusques à soy mestre à genoulx, qui toutesvoies n'y povoit rien obtenir, ni impétrer de respit; mais lui respondit très fellement. : « Par Sainct Georges, beau-frère, si vous meismes l'aviez faict et nous vous tinssions, nous en ferions le cas semblable ; car à noste pouvoir, nous ne voulons ne

n'aurons, se Dieu plaist, nuls traistres emprès nous. » Et dict lors le roy d'Angleterre que il eust volu le rachepter, se honneur l'eust pu souffrir aussi bien que amour, la :somme de cinquante mille nobles, et le cas ne lui fust advenu. Ainsi print-il audict Ber trand qui, sous ombre de estroite léaulté, s'alla rendre Anglois non contrainct et alla morir temprement, peut estre devant ses jours, en leur party, par deslovaulté commise.