CHAPITRE LVIIL De l'entrée des deux roynes à Paris

Le lendemain après vindrent les deux roynes très noblement accompaigniées de pluiseurs aultres princesses, et de grands dames, souverainement anglesses, que le roy Henry y avoit fait venir. Et partirent de la cité de Paris en noble et bel arroy pour aller au devant d'elles, le duc Ge Buuryeingne, ensemble les frères du roy anglois, qui comme le jour de devant que les roys y eutrèrent, estoient accomp'ignés par devant ct par derrière de toute la noblesse èt de tout l'estat de Paris. Et estoient les rues demeurées en la meisme decoration de parement , de fontaines ét d'autres ymaiges gectans vins et eaux roses abondamment à chacun ; et crioit on Noël à haulte voix partout. Dont présens et maintes largesses y furent faictes, tant aux roynes comme ailleurs, dont je ne fais mencion ; aussi la chose n'est de nul fruit pour y arrester ; Car chacun peut congnoistre, en cuidant que ung peuple ne peut estre ressous et relevé d'une longue ét euviellie malédiction et misère, et soy trouver en une apparence de repos et soulagement comme cesluy povre peuple parisien, non hors encoires ni affranchi de son meschief, que certes continuement il fait et demane

une grande exultocion d'esprit, et se degoise en toutes diverses invencions de joye et de solempnités, comme tout nouveau ressuscité et eslargy de prison. Ainsi faisoient les povres François à Paris , lesquels, par l’inconvenient des doloreuses morts advenues et de la tyrannie du roy anglois, que souflrir leur fuailloit et avoir aggréable, pour lors faisoient bonne chière de leur propre malheur et de leur propse confusion et vergoigne , reputans plus estre félicité , aulcuns, en leurs vieulx jours, vivre paisibles et foulés soubs main de tyrant, que miserables champions en leur honneur soubs un roy héritier infortuné avec eulx.