CHAPITRE Lx

De la solempnité de Noël qui fut célébrée à Paris par le roy anglois.—Comment il remplaça tous les gouverneurs françois par anglois , puis s’en revint à Câlais.

Or fault cesser ung peu du duc bourgojngnon, qui, après sa complaincte faite, telle

(4) Voyez dans Monstrelet , Liv. 2.

[:420] que vous avez 0, print congié des deux roys, et vuidant de Paris, s'en retourna en ses pays de Flandres et d'Artois. Pendant lequel temps qu'il y tint son séjour, besoignant toujours en ses haulx et ‘grands affaires, je recherray à parler du roy anglois, demouré à Paris avec le roy Charles, en grand orgueil et eslèvement de courage quant il se véoit assis régnant et puissant au noble et bault trosne françois droit au milieu, où oncques nul de ses devanciers ne parvint par nulles aucunes fortunes : c’estoit la cité de Paris , siège ancien de la royalle majesté franchoise , qui maintenant sembloit estre changée de nom et de situacion, parce que ces-

tuy roy et son grant peuple anglois en fai-

soient uns nouveau Londres, tant en langaige

comme en leur rude et fière manière de con-

versacion et de repaire , ici et là , par toute la ville qui en fut toute oceupée et maistriée.

Et s'en alloient les testes eslevées en hault,

comme un cerf, regardans de costé eulx et

derrière, et eulx glorifians, à l'opprobre

et malle aventure des Franchois, dont ils avoient le sang respandu largement en la

rivière d'Azincourt et ailleurs, et une grand part de leur héritage fortrait par tyrannie ;

ce que Dieu , fait à croire, permist plus pour pugnir les Franchois , que pour avancement

de droit aux victeurs.

Or esto.t le temps découru jusques à la

feste-de Noël, qui est ung jour que les roys

et haulx princes chrestiens tiennent voulen-

tiers solempnités de hault et de curieux es-

tat en leur palais, et souverainement les

roys franchois anciennement qui à tous au-

tres roys chrestiens ont esté patrons d’hon-

neur et de sçavoir; mais maintenant, par divine souffrance, ombroyé ung peu cestuyci des meubles de fortune, cestuy noble roy Charles tint sa solempnité en son hostel à Saint-Pol ,-et la royne avec luy.

Mais n’estoit pas estat tel que autrefois avoit veu en luy, ne qui souffeist à sa haultesse, ains estoit semblant d'une chose desfigurée, qui jadis sembloit avoir esté spécieuse beaucop et belle, mais maintenant riens. Car là où les princes et haulx membres par avant du royaulme soulloient servir et faire les cérémonies à la table de leur roy, avec tou-

tes autres richesses qui y resplendissoient , maintenant, c’estoient povres vieux serviteurs deshabitués, peu reputés ydoines, qui se présentoient et avoient l'exercice de haulx et royaux officiers, parce que les aultres ne s'y monstroient. Vindrent à court aucuns notables citoyens à qui nature trayoit de aller véoir et de visiter en ung tel jour leur Souverain et naturel seigneur, comme autres fois ils avoient fait. Les quels, quand ils apperceurent le roy estre si povrement accompaigné , en son estat si parsobré, et de si peu de fait, envers ce que autres fois avoient veu et congneu, certes le cuer leur atendrissoit durement , et n’y avoit celuy à qui les larmes ne moillassent les yeulx, et qui par pitié et compassion du cas si amer ne partist et ne vuidast, faisant leurs com plainctes et souspiremens l'ung à l'autre, par mémoire. du temps passé, jadis glorieux et felice pour eulx, à celui de lors plain d'opprobre et de confusion pour leurs enfans.

Si Congnoissoient bien, et jugevient les plusieurs , que c’estoit ung œuvre qui battoit leur orgueil, et qui, en multitude de péchiés et de sédicions dont ils estoient plains, leur mectoit au front multitude d'annuy et de res. velement , comme il paru bien celuy jour, quand leur mortel ennemi, dont les pères et devanciers de long temps avoient esté persécuteurs, et lui-mesmes encoires , tout frès et nouvel occiseur des Francs, au plus bault du trosne françois, porta ceptre et couronne là où mesme du roy des Francs séant en son siège et abandonné de ses sul:gels il n’estoit à peine nouvelle, sinon en petitte reputacion , là où de leur ennemi, eslevé en orgueil etassis en prééminence de gloire, il estoit bruit et fame à tous lez.

Mesmes les haults hommes du royaulme y venoient S'esjoyr et augmenter la feste, celluy jour de Noël, qui estoit au chastel de Louvres ; et se traioient les officiers royaulx et tous les notables de la ville, les seigneurs du parlement etaultres, vers cestuy chastel où le roy ennemi estoit assis, ensemble la royne, en estat royal, couronne sur lateste. Et là vindrent les barons et nobles hommes comme jadis en grand nombre faire les ‘honneurs et révérences, en toute telle humilité comme si

dès oncques il leur eust esté naturel prince et seigneur, et comme se la mémoire du noble et glorieux roy des Fräncs eust esté estaincte et avieutie en leurs cuers à tousjours. Si faisoient chière et honneur et humilité à qui se rioiten son couvert couraige de leur meschef , et de ce que par sa puissance il les avoit ainsi humiliés et asservis que son nom leur estoit plus à crémeur que de leur propre naturel et souverain seigneur, lequel ils avieutoient et le mectsient à non challoir.

Pour lui et meismes pour la seignourie angloise , qui estoit là en pompes et en beubans , le plus qu'il se povoit dire, ne tint oncques compte aussi peu que riens de la seignourie franchoise qui s'y présenta; ains leur sembloit bien aux princes et aux chevaliers anglois que le héritaise des Francs estoit le leur, et que le gouvernement et dominacion seroient désormais 4boly par le nom des Anglois, bien voulsissent ou non. Aussi temprément leur fust-il monstré, car de celle heure en avant, tout le royaulme et les affaires d'icellui fut gouverse <i conduit par la main du roy anglois, et tous les oilices et estats changiés et mués à la dispusicion de son plaisir, en demectant meismes ceulx que le roy Charles et les deux ducs bourgoingnons père et fils y avoient establis, et y mectant tout par tout Anglois et gens de sa nacion, estraingiers, non propres à la nature du pays. Si estably le comte de Quint, nommé Offroville, capitaine de Melun; le comte de Hantindon, capitaine du bois de Vincenne , et le comte de Sestre, gouverneur et {yarde du pays, avec cinq cens combattans, hommes d'armes ct archicrs.

Ces changemens d'ofices et d'estats fit le roy anglois en son advénement à Paris, comme vous avez Oy, dont maints cuers franchois couvertement se trouvèrent at- ‘ains de doleur, s'ils eussent osé montrer ; mais c'estoit bien peu, hélas! au regard de ce qui leur estoit approchant plus cuisant et plus dur en temps après, combien que faisant son entrée en Paris, l'on crioit Noël! Nuël! et se rejoyssoit-on, en l'espérance de paix, mais esloit Conjoyssance en son propre malheur et servitude. Et me souvient de celui a, en Jhérusalem , vint ravir la saincte

arche, arcam fœderis, et violer le temple et les saincts lieux dediés, et le peuple d'icelluy confusément traictié et asservy, en réduisant leur gloire et longue félicité à bas et confus opprobre et misère. Ainsy estoit du roy anglois et des François. Toutesvoies, sur qui que tournast la doleur, sur luy s’espannissoit la joie de les avoir mis ainsi. Le quel, à toute sa haulte baronnie, ensemble avec toutes les dames de son appartenir, après premier exploict ainsi passé, se parti de Paris, et par ses journées s’en alla en sa conquise cité de Rouan, où pareillement il retint aultres grans parlemens et assemblées sur le fait et régime du royaulme, dont il ne se reputoit rien moins que roy. En telle manière de faire y séjourna aulcune convenable espace ; laquelle passée , il se disposa de retraire à Calais, et de là faire son retour en Angleterre; ce qu'il fit de fait comme vous verrez CI-après.