LIVRE 111, CHAP. XXXI
| et d’aultres draps, riches fourrures de martrèë
zébelines , hermines, menus vairs et aultres fourrures, de riches joyaux, vaisselles d’or et d'argent, riches montures et grand nombre de charriots bien habilliés. Or, voyoient iceulx ambassadeurs le grand appareil quy se mectoit sus, tant de beaulx banquets, disners, souppers, joustes criées et toutes aultres manières de festoyéthents de quoy corps d'homme se peut adviser, se préparoient pour eux festoyer. Et d’autres parts, en quelle joye se cuidoient aller, car ils se tenoient pour touts asseurs de emmener la belle et bonne Magdelaine, fille du roy Charles de France, à leur souverain seigneur, quy tant né désiroit terres ct joyaux, or et argent,ethé demandoit que son seul corps. Ledict Lancelot estoit josne roy, agié de dix-huict ans et non plus. Il la désiroit pour l'amour d’elle et pour tant qu’elle estoit fille du roy de France. Iceulx ambassadeurs scavoient aussy les grands apparaux quy se faisoient par touts les lieulx où ladicte dame Magdelaine debvoit passer, et par espécial en la ville de Parme, où elle debvoit estre moult richement couronnéeet receue ; auquel lieu de Parme iceulx ambassadeurs s’attendoient d'avoir triomphes de gloire et d'honneur, ensemble rémunération de leurs grands travaulx, peines et coustages que portés avoient en leurs voyages. Or leur advint tout le contraire de leur désir. La mort d’icelluy roy Lancelot feut célée au roy Charles, six jours ; et ne lui osoit-on dire pour deux raisons, l'une parce qu’il avoit esté malade, l’autre pour le grand desplaisir qu’il en prendroit. Et fust le service du roy Lancelot faict aulx despends du roy Charles, de ceulx de son sang et conseil, ains qu'il en sceust rielis; et feut faict en l’église de Sainct-Martin, en la ville de Tours, le vingtneuf de décembre ensuivant, où feurent le comte de Maine, le comte de la Marche, Philippe de Savoye, le comte de Dunois et aultres grands chevalliers et escuyers,degents de conseil et prelats, et dict le cardinal de Constance la messe. À icelluy service y olt deux cents torches et mille cierges. Les povres quy tenoient les torclies feurent touts vestus de noir; et feut donné pour Dieu celluy jour deux cents livres tournois; et icelluy mesmejour feutdict au roy Charles la mort du roy Lancelot, dont le roy feut moult desplaisant ; toutesfois il loua Dieu, (4) Prague. |
puis que son plaisir estoit que ainsy feut.
Et le penultiesme dudict mois de décembre, ceulx de ladicte ambassadeallèrent prendre congié à la royne de France et de dame Magdelaine, et luy présentèrent ung moult riche collier, ung diamant, et une robe de drap d’or à la facon de Hongrie. A icelluy congié prendre y olt maintes larmes plourées; et estoit pitié de veoir chascune partie, pour le dueil que chascun menoit. Et le dernier dudict mois de décembre, lesdicts ambassadeurs prindrent congié du roy Charles, et luy présentèrent quatre chevaulx blancs quy avoient esté conquis sur le grand Turc, dont sur les deulx avoit deulx pages, et les autres estoient en main, touts couverts de draps d’or et sellés. Leroy Charles aussy donna grands donsauxdicts ambassadeurs, c’est à scavoir riche vaisselle toute dorée, coupes d'or toutes plaines d'escus d’or, et feit dons à touts ceulx à quy ilappartenoit, et aulx officiers d’armes, trompettes, ménestriers, tambourins; et comme on disoit, monta le don que le roy leur feit à vingt-deulx mille escus d’or ou plus, les soixante-dix escus pesants huict onces. vingt esterlins pour chascune once; et après se départirent lesdicts ambassadeurs, et s’en rallèrent en leur pays.
Les nouvelles vindrent à Philippes, duc de Bourgoingne, environle jour de Noël, audictan, que le roy Lancelot, roy de Hongrie et de Behaigne, agié de dix-huict ans, estoit mort. Lequel roy Lancelot estoit mort par poison, lequel poison luy feut bailliéen ung mangier aulx vespres; et prestement qu'il olt mangié ledict poison, il devint pasle et despuis verd comme herbe, et ne vescut que trois heures après. Et, disoit-on, la cause pourqu»y il feut empoisonné estoit, pour cequeleroy Lancelot voulloitavoir la fille du roy de France, et ses gouverneurs doubtoient que, après le marriage faict, ne luy bailliast aultres gouverneurs. Ledict roy Lancelot disoitluy appartenirla duchié de Luxembourg, laquelle duchié Philippes, duc de Bourgoingne, avoit conquis à l'espée, et disoit-on luy appartenir par lesraisons cy en ce livre dessus declarées; sy la tenoit en sa main et la possessoit. Ledict roy Lancelot laissa par testament, comme on disoit, à la fille du roy de France ladicte duchié.
Icelluy roy, nonobstant que ledict duc Philippes et luy feussent prochains parents, sy te-
(1457) noit-il le duc pour son ennemy à cause de ladicte duchié de Luxembourg; et disoit-on que l’une des causes pourquoy il se voulloit allier en France estoit affin d’avoir l’aide du roy de France pour venir guerroyerledict duc ; et s’estoient jà tirés aulcuns gents de guerreduroy de France vers ledict pays de Luxembourg, en espérance que, le marriage consommé entre la fille du roy de France et le roy Lancelot, il y auroit pleine guerre. Ces choses considérées, et nonobstant que le duc feust adverty detoutes ces choses, sy ne les doubtoit-il pas, ains feit grand dueil de la mort dudict roy Lancelot ;et feit faire ung moult notable service pour ledict roy enla villede Bruges, où feurent monseigneur Loys de France, aisné fils du roy de France, daulphin de Vienne, Charles, comte de Charollois, fils du duc, et plusieurs aultres princes, chevalliers et escuyers. Icelluy roy Lancelot avoit, comme on disoit, commis exécuteur de son testamment, à cause du don qu’il avoit faict de ladicte duchié de Luxembourg à Magdelaine, fille du roy Charles, le père de ladicte fille.
En ce temps, Jehan de Coymbres, fils de Pierre de Portugal, lequel Jehan avoit espousé la fille du roy de Cypre, nouvellement mort, laquelle estoit royne de Cypre , et par ce moyen estoit ledict Jehan, roy, clost son dernier jour et mourut. Icelluy Jehan estoit nepveu à la duchesse de Bourgoingne; et le avoit le duc marrié et faict roy. En ce temps aussy, le premier jour de janvier, maistre Jacques de Paris, de Tournay, clost son dernier jour et mourut en la ville de Paris, en l’age de quatre-vingts ans ou environ, lequel maistre Jacques estoit tenu le plus expert et le plus sage en la science de médecin, quy ne feust au royaulmede France, ne quy avoit esté grandtemps devant ; et dès en sa vie, ès sinagogues, on lisoit aulcuns livres par luy faicts comme faicts par très notables docteurs. Icclluy maistre Jacques délaissa moult de livres en médecine, et feut moult plaint pour le nohle sens qu’il avoit en l'art de médecine.
En icelluy an , environ ce temps, clost son dernier jour et mourut le duc de Bretaigne, sans laisser hoirsde sa chair ; en laquelle duchié luy succéda son frère Arthus, comte de Richemont et connestable de France.
En icelluy temps, environ la chandeleur, en la ville de Lille, l’hoste de la Teste d’or, nommé Gilles de Nevers , feut ards et ramené en pou-
[1457] dre, pour le ord et villain péchié de Sodome. Et accusa icelluy Gilles plusieurs d’icelluy péchié, et mesme ung aumusseur, lequel feut prins et ards pareillement. En la ville de Sainct-Omer, furent ards deulx hommes pour ledict péchié, lesquels en accustrent plusieurs aultres comme l’on disoit, dont on ardit encoires despuis en ladicte ville. En icelluy temps, ung cabaretier, demeurant sur le marchié, nommé le Régent, lequel estoit blasphemeur du nom de Dieu , et sy n’en prenoit-on quelques pugnitions , en revenant en son hostel après disner, soudainement mourut.
