LIVRE III, CHAP. XXXII
En ce temps, on doubtoit fort que le roy ne volsist mouvoir guerre contre le duc.
Audict an cinquante-sept, il feut sy fort et grandjhyveretlong, que despuis la Sainet-Martin d’hyver jusqu’audix-huictiesmede febvrier, ilne desgella pas, pourquoy le gros pont feut rompu. Il gela sy fort que on passoit la rivière d'Oise et plusieurs aultres rivières à charriot et à cheval; et sy feit en la fin moult grandes neiges; et sy grande multitude en queut', que quand il desgella il fitsy grandes lavasses qu'il n'estoit point mémoire d'homme que on les euist veu si grandes, et feirent moult de dommaiges.
Audict an, le vingt-deuxiesme de febvrier, il feit par l’espacede huict heures sy grands vents en la ville d'Arras et environ, qu’on n'avoit veu de long-temps devant sy grand ne sy dommageux. I! abbattit en la ville et en la cité d'Arras plusieurs queminées et descouvrit plusieurs maisons, et ès villaiges d’entour abbattit grandes maisons et gros arbres. Et le vingt-quatriesme dudict mois feit parcil impétueux vent, quy dura despuis minuict jusques à midy ou plus ; en la ville de Bruges abbattit murs et maisons et occit plusieurs gents.
A l'Escluse, périt une grosse nef pleine de fruits de caresme; et entre l'Escluse et le Dam pareillement encoires une nef pleine aussy de fruits de caresme; et y feurent noyées trois personnes.
En la ville de Lille abbattit partie d’une des portes de la ville, et plusieurs murs et queminées, et occit une josne femme; et généralement par tout le pays d’environ, c’estoit grande pitié en estre, tant pour le péril que pour le dommaige comme le vent y faisoit; et dirent aulcuns que la terre crolla, mais il ne feut point certiffie.
Audict an, Baudechon Mallet et sonfrère, fils de Jehan Mallet, maistre de la chambre des comptes de Philippes, duc de Bourgoingne à Lille, feurent prins en ladicte ville pour avoir forcé une josne femme aimée d’ung compagnon; et par espécial lediet Baudechon avoit faict la force. Pourquoy il feut mené ens ou chasteaude Lille, et illecq, tant pour ledict cas que pour aultres, comme d’avoir tué ung sergent en ladicte ville, par le commandement de Charles, comte de Charollois, feut descapité. Mais ledict Baudechon ne se voulloit agenouiller, et ne voulloit
(4) Tomba.
souffrir qu’on le descappitast. Quand le bourel vit ce, ledict Baudechon estant droit, d'ung revers de l’espée, par-devant par la gorge, luy envoya la teste sur les espaules, ce qu'on n’avoit oncques veu faire ; etung sien Compain quy n’avoit point commis le cas, feut envoyé prisonnier à Chaulmes, une forteresse où de coustume on envoyoit les malfaicteurs pour mieulx les punir.
Audict an aussy, environ le caresme, et apres pasque, lan mil quatre cents cinquante-huict, grande multitude d’Allemans et de Brabançons et d'aultres pays, tant hommes que femmes et enfants , en très grand nombre, par plusieurs fois passèrent par le pays d’Artois et les pays environ, etalloient en pélerinageau mont Sainct- Michel; et disoient que c’estoit par miracles quemonseigneur sainctMichel avoit faictsenleur pays. Et entre aultres choses racontoient, que ung homme mourut soudainement en battant son enfant, pour ceque l’enfant voulloit aller au mont Sainct-Michel; etdisoient que monseigneur sainet Michelle avoit faict mourir. Auleuns disoient aussy, que communément ceste volgnté leur venoit, et ne scavoient pourquoy, sinon que nullement ne pooient avoir repos par nuict qu’ils n’euissent volonté de aller visiter le sainct lieu du mont Sainct-Michel. Et en y passa plusieurs milliers par plusieurs fois.
En cest an aussy, par le jour du grand venderdy, mourut Charles, seigneur de Rochefort, chevallier, lequel Charles estoit premier chambellan et principal gouverneur de Jehan, comig d'Estampes ; et ne feut que deux ou trois jours malade. Et combien qu’il euist bon sens et entendement, sy ne voullut-il oncques oyr parler de confession ny de recepvoir les saincts sacrements ; et sy trouva-t-on après sa mort bien cinquante mille escus quy estoientà luy ; syne avoit oncques esté marrié et avoit bien cinquante ans. Ledict Charlesfeut peu plainct, car il estoit trop convoiteux; et disoit-on que cg avoit este par luy que la comtesse d’'Estampes avoit csté mal de son mary. Il avoit faicten son temps, par convoitise, moult de choses desraisonnables, et entre les aultres j'en dirai une : il avoit faict mectre par force et par puissance, en l’église, de Sainct-Guislain en Haynault, ung abbé nouvel, jà-soit-ce que l'abbé n’estoit paint mort ; lequel abbé, qu'il avoit faict mectre par son fol gouvernement, avoit destruit une aultre
abbaye en Haynault, nommée Mons, et sy avoit |
E487] cousté à ladiete abbaye de Sainct-Gyislaip, pour cuider résister de non avoir lediet abbé, plus de trente mille livres, monnoie de Haynault, sans huict cents livres de rente que ledict Charles prenoit chascun an sur ladicte église, sa vie durant, que l'abbé qu’il avoit mis luy avoit donné, sans aultres dons qu’il debvoit avoir. Et environ ce temps aussy, ledict abbé mourut, et jusques au nombre de sept personnes, quy avoient esté cause du dommaige de ladicte église, pour y mectre ledict abbé, quy sont choses miraculeuses. Audict Charles succéda en son office Hues de Longueval , chevallier, seigneur de Vaux.
