CHAPITRE XLIII
D'ung hermite nommé Alphonse, hérétique, quy fust ards à Lille,et des grandes erreurs qu'il disoit; et aultres incidents.
Le vingt-sixiesme jour de mars, l'an mil quatre centscinquante-huict, en la ville de Lilleen-Flandres, feut ards et son corps ramené en pouldre, ung nommé Alphonse, natif de Portugal , lequel estoit habillié en forme d'hermite, de assez dure age; lequel Alphonse secrètement séduisoit le peuple de fausse créance. Et disoit icelluy Alphonse que, puis que sainct Grégoire pape mourut, il n'y avoit eu pape duement esleu ne consacré, par conséquent nuls évesques , ne nuls prestres, ne le corps de Nostre- Seigneur consacré, ne marriages faicts, ne nuls aultres sacrements. Et combien que ledict Alphonse disoit qu’il croyoit en la T rinité, sy ne croyoit-il pas en plusieurs articles de la foy ; ains disoit qu’il avoit esté en noeuf éveschiés repris de la foy, mais Dieu l’en avoit tousjours deslivré sans péril de son corps; que se on le faisoit mourir, que dedans trois ans il adviendroitsy grande mortalité, famineet guerre, que le pays en seroit destruict. Et menoit ledict Alphonse moult aspre vie, comme aller sans soulliers , vestir la chaire, et toujours estoit ès églises à genoulx et en oraisons. Toutesfois il feut preschié publicquement ; et ja-soit qu'il eust autrefois esté preschié publicquement ailleurs, ne se vollut oncques rappeler , ne monstrer nuls signes de foy ; mais disoit que feu que on allumast entour de luy ne le poulroit ardoir; mais il mentit, car sitost que le feu feut boutté ès fagots, il feut subitement ards et bruslé.
Audict an cinquante-huict, le jour du jeudy
Georges avoit esté à la prinse de Luxembourg, où il avoit esté l’ung des quatre butiniers des biens de ladicte ville. Et feut son principal escoeuil, car il n’est nul quy sceust dire au vray les grands larcins que on y feit despuis ceste prinse de Luxembourg, quy feut l'an mil quatre cents quarante-deux, queicelle ville feut prinse et emblée! par les gents du duc de Bourgoingne. Et faisoit icelluy Georges marrier les serviteurs et archiers dudict bastard par force aux filles des bons marchands, bourgeois ou riches labouriers , ou il falloit que les riches se appactissent ? à luy par argent. Il faisoit par les prélats donner bénefices, tant par force que par amour. Brief, il faisoit faire plusieurs choses illicites et irrésonnables. Et aussy sa fin feut moult petite et périlleuse ; car, combien qu’il feust sept jours malade, et qu’il feust fort admonesté ,tant par son curé que par le gardien des frères-mineurs de Béthune, lequel gardien ledict curé le avoit envoyé quérir pour ce qu'il luy sembloit queledict Georgesne volloit ordonner ne penser à sa conscience, comme bon chrestien doit faire, quelque admonestement que lesdicts curé et gardien luy feissent, enluy encoires remonstrant le sainct temps où il estoit,et qu’ilestoit la péneuse et saincte semaine, icelluy Georges mourut sans confession ne aultres sacrements ; et feit plusieurs signes à sa mort et à peine n’osoit nul approchier près de luy ; et luy mort, son corps feut prestement tout noir.
En ce temps aussy mourut Arnould de Gouy, chevallier, grand bailly de Gand, lequel , par sa subtilité, jà-soit-ce qu'il feust de petit lieu, venu de la ville de Douay, comme de bourgeoisie ou marchands, il s’estoit tellement conduict par sa subtilité qu’il avoit esté longtemps bailly de Douay, et puis feut grand bailly de Gand; et avoit esté en Cipre et ailleurs en plusieurs ambassades de Philippes, duc de Bourgoingne;etavoit tant prouffitétanten jeusde dés, en'gouvernement de justice comme aultrement, qu’il estoit parvenu riche homme, et avoit
(1) Enlevée, (2) Composassent.
achepté plusieurs bellesterres, et faict son aisné fils chevallier, combien que au commencement il n’avoit pas valliant cent escus, comme on disoit. | Environ ce temps, après Pasques, l’an mil quatre cents cinquante-neuf, messire Jehan de Croy,seigneur de Chimay, et le seigneur de Lannoy, gouverneur de Hollande , retournèrent de l'ambassade oùilsestoient allés, de parleduc de Bourgoingne,deversleroy de France ; et disoiton qu’ils avoient peu ou néant besoingnié, et que, jà-soit-ce que le duc de Bourgoingne euist faict et envoyé par escript au roy plusieurs notables remonstrances, en se humiliant, il ne avoit eu que rigoureuse response ; et sur chascun article que le duc avoit envoyé par escript, on luy avoit respondu par escript très poignamment ; pourquoy on craignoit que ledict roy ne voullust esmouvoir guerre contre le duc.
Audict cinquante-neuf, le premier jour d’apvril , le fils de Jehan Malet, maistre de la chambre des comptes à Lille, lequel, par force d’amis, estoit issu de Ripplemonde, où il avoit esté envoyé, comme dessus est dict, quand son son frère feut descappité (et se rendit en lamaison de son père, à Lille, en continuant en ses maulvaises œuvres, etsy estoit banny de ladicte ville), feut prins et mené au chastel de ladicte ville, et illecq prestement descappité.
Environ ce temps aussy, en ladicte ville de Lille, en une maison que on appelle Le Beau Regard, feut tué le bastard de Carmin par ung nommé Jean Watel, sergeant du gouverneur de ladicte ville.
Audict an aussy, le vingt-quatriesme d’apvril, mourut damp Jehan Jonglet, religieulx et prieur de l’église de Saint-Vaast d’Arras. lequel, comme il pooit apparoir à touts ceulx quy le veirent, fina en moult vraie foy et olt moult belle fin,comme vray chrestien;etaussy avoitil esté tout son temps de très belle et honneste vie et très bien servy Dieu.
Audict an aussy, le premier jour de may,en la ville d’Avesnes-le-Comte, lequel jour estoit la feste, vint ung gentilhomme , nommé Philippes de Brimeu, capitaine de Luceulx, lequel estoit au comte de Sainct-Pol, accompagnié de bien vingt-quatre hommes de guerre , tant de pied qu’à cheval; et illecq, environ deulx heures après midy, trouvèrent Agnieulx de Croix,
J. Du Ccerco ET Sr. Remy.
