CHAPITRE XXXIII
Comment le roy Loys de France entra en la ville ac Paris après son sacre, et comment le duc de Bourgoingne alla noblement accompagnié allencontre de luy, et des noblesses quy y fcurent.
Le lundy, dernier jour d’aoust, l’an milquatre cents soixante-ung, entre deulx et trois heures après disner, le très noble duc de Bourgoingne, en continuant et désirant faire service, plaisir et honneur au roy Loys, se partit de la ville de Paris, de son hostel d'Artois , accompagnié fort noblement, comme cy-après je diray quand je parleray de l’entrée du roy Loys, quy estoit assez près de Paris, et attendoit lediet duc pour faire son entrée ; avecq lequel duc estoient, à scavoir :
Le duc de Bourbon ;
Le scigneur de Beaujeu son frère ;
Jacques de Bourbon son frère ;
L'archevesque de Lyon ;
L'évesque de Liége ; touts frères dudict duc de Bourbon, et nepveux dudict duc de Bourgoingne;
Le comte de Charrollois, fils dudict duc;
Le duc de Clefves et Adolphe de Clefves, frères, nepveux du duc de Bourgoingne ;
Le comte de Nevers et le comte d'Estampes, frères, cousins-germains dudict duc de Bourgoingne;
Le comte de Sainct-Pol et Jacques de Sainct- Pol, aussy frères;
Anthoine, fils bastard dudict duc de Bourgoingne ;
Deulx des bastards de Brabant;
Le comte de Poitiers;
Le seigneur de Croy, et plusieurs aultres seigneurs, dont de aulcuns parleray par ordre en la déclaration de l’entrée du roy Loys à Paris, laquelle cy-après s'ensuit. |
Tantost que ledict duc feust venu où ledictroy Lovys estoit, sy commanda ledict roy Loys qu'on se missist en ordonnance, et commençast à entrer en ladicte ville de Paris.
Et pour vous raconter en quelle ordonnance ils y entrèrent, et en quelle manière et comment ils estoicnt habilliés et houssés, premiers entrèrent en ladicte ville de Paris, et allèrent debvant les aulires environ demi-quart d'heure :
Adolphe de Clefves, messire Philippes de:
Hornes, seigneur de Bausignies, et messire Philippes Pot, seigneur de la Roche en Bourgoingne, eulx trois en rang.
Etavoitledict Adolphe six chevaulx, chargiés de houssures de drap d’or jusques en terre, et chargiés de grosses campanes!, dont il yen avoit beaucoup, et touts ses pages et ceulx quy estoient sur les chevaulx merveilleusement en poinct ; le seigneur de la Roche et le seigneur de Bausignies pareïllement; et touts leurs gents merveilleusement en bon poinct. Et les faisoit beau veoir , et aussy les campanes rendoient ung grand bruict. Ledict seigneur de la Roche avoit aussy six chevaulx houssés de drap d’or de cramoisy et de velours noir et velours cramoisy, et de brodure, et dessus chascun une grosse campane d'argent, aussy grosse que la teste d’ung homme, et ses pages de rouge et violet, tant richement que on ne polroit plus.
Après iceulx vindrent à Paris les archiers de corps du comte d’Estampes, en nombre de vingt-quatre, deulx en ungrang; entre lesquels estoient messire Pierre de Miraulmont, seigneur de la Boutillerye, chevalier, et encoires ung aultre gentilhomme avecq luy , lesquels estoient comme capitaines des archiers; et avoient chascun trois chevaulx couverts de houssements jusques à terre, de drap d’or et de velours cramoisy, à campanes d'argent, en habillement pareil.
Après lesquels archiers alloient le comte de Nevers et le comte d'Estampes, frères. Ledict comte d’Estampes, quy estoit maisné, estoit moult richement habillié de sa personne, et avoit après luy quatorze chevaulx, c’est à scavoir, huict tout couverts de houssures d’orfévrie, de martres zehelins, de drap d'or et de drap d'argent jusques à terre, et de velours cramoisy, chargiés de campanes d'argent. Après iceulx, aultres six pages, et six chevaux non houssés, mais le page très richement en poinct, de robbes de draps de Damas chargiées par en bas d’orfévrie, et belles chaisnes d’or au col.
Après ces pages dudict seigneur d'Estampes, suivoient le seigneur de Roye et le seigneur de Crèvecœur, bailly d'Amiens, merveilleusement en poinct; et après eulx, touts les seigneurs et gentilshommes de la compagnie dudict comte, leurs chevaulx houssés jusques à terre, de soie
(3) Cloches.
