LIVRE IV, CHAP. XXXIIL
veoir le noble estat qu'il tenoit. Il avoit faict faire en sa salle ung dressoir carré, et degrés en carrure, de quatre ou cinq degrés de haulteur, lequel il faisoit, quand il y mangeoit, chargier de vaisselle d’or et d’argent, moult riche; et aulx quatre cornets du dressoir, à chascun cornet y avoit une licorne, quy estoit la plus riche chose qu’on avoit oncques veue en France; cgr en France n’en y avoit qu’une petite, comme on disoit, laquelle estoit à Sainct- Denys pour relique, et l’avoit jadis donnée ung roy.
Icelluy duc de Bourgoingne avoit faict tendre ung pavillon de soye en son jardin; et n’y avoit point d’estacques ! au moillou?, etestoit soustenu par desseure d’une estacque de bois quyse prenoit par dehors. Et à l'entrée dudict pavillon y avoit en manière de ung cancel5, de la facon de ung cancel à l'entrée d’une église; lequel cancel, et tout le pavillon, estoit, par dehors, couvert de fin velours, semé de feuilles d’or et estincellé d’estincelles d’or, de moult riche brodure, moult richement faict, et entre les feuilles, les armes de toutes les duchés, comtés et seigneuries dont ledict seigneur duc estoit seigneur et possesseur ; et à l'entrée dudict cancel, les pleines armes dudict duc. Lequel duc, en ladicte ville de Paris, feit plusieurs riches et nobles mangiers et bancquets, où en aulcuns
feurent les dames et seigneurs, et en aultres
tant seulement aultres princes. -
Le dimanche treiziesme jour de septembre, en la grande rue Sainct-Anthoine, à Paris, debvant l’hostel du roy, aux Tournelles, feit une jouste le comte de Charrollois, fils dudict duc Adolphe de Clefves, Anthoine, bastard de Bourgoingne, le seigneur de Grutuse, le seigneur de Mourecourt, et le seigneur des Querdes, eulx six contre touts venants; et y olt moultfortes joustes; et se jousta le comte de Charrollois; et estoient touts moult richement houssés. Ledict duc de Bourgoingne vint à cheval auxdictes joustes ; derrière luy, sur son cheval, la duchesse d'Orléans, sa niepce, et devant luy, sur le col de son cheval, une josne fille de Paris, de quinze ans ou environ, laquelle estoit l’une des belles filles de Paris,et pour la beauté d’elle l’avoit prinseladicte duchesse avecq elle. Et y avoit autant de presse à veoir ledict duc, tant pour les richesses qu'il
(1) Picux. (3) Milieu. (3) Balustrade.
portoit sur luy que pour ce qu’il se monstroit sy gentil compagnon, comme il y avoit à veoir les joustes. Tant de peuple y avoit-il et tant de chevaulx, qu’il y olt quatre ou cinq personnes tuées du menu peuple, des chevaulx, et grande planté! de blessés. Et le dimanche encore ensuivant, vingtiesme jour dudict mois, y olt faictes aultres joustes, moult nobles et moult riches. .
Pour bref dire, merveilleuse chose estoit et grandenoblessedel’estat que lediet duc de Bourgoingne y tenoit,et des grands disners, souppers etbanquets qu'ilfeit aulx dameset aulx princes.
