CHAPITRE XVI

Comment la ville de Gisors feut mise en l'obéissance du roy, et comment le roy et toute son armée alla devant Rouan pour sommer de rendre la ville.

Deux ou trois jours avant le siége mis devant le Chastel Gaillard , ou environ, feut faicte la composition de la ville de Gisors par le séneschal de Poitou, et feut rendue la ville par ung escuyer nommé Paviot , et ung aultre nommé Pierre de Courcelles, parent de la femme du capitaine de Gisors , nommé Richard Marbery.

Icelle avoit de bellés terres en France, et pour ce feit tant que son mary feut content de rendre ladicte place à ung jour nommé; et de faict la rendit, et se feit François, parmy ce que on luy délivrast deux de ses enfants qui avoient esté prins à Pont-Eau-de-Mer, et qu’il Jjouiroit des terres de sa femme que les François tenoient. Et au mois d’octobre ensuivant, l’an mil quatre cents quarante-neuf, le roy manda au comte de Dunois et à ceulx de sa compagnie quy avoient mis Argentan en son obéissance, et pareillement aulx comtes d’Eu, de Sainct- Pol, età ceulx de leur compagnie, qu’ils vinssent vers luy atout leurs gens, par ce qu'il voulloit mectre la cité de Rouan en son obéissance. Sy vindrent hastivement à son commandement, et chevauchèrent tant que la compagnie du comte de Dunois se trouva en la campagne de Noeufbourg, et ceux des comtes d'Eu et de Sainct-Pol s’assemblèrent de l’aultre costel près de la ville de Rouan. Incontinent après se partit le roy de France, accompagné du roy de Cécille et aultres devant nommés ; et chevaulcha jusques au Pont-de-l Arche, où ceulx de la ville vindrent devant luy, faisants grande joie de son advénement. Et lors envoya sommer ceulx de la ville et cité de Rouan, par ses héraulx, qu'ils eussent à luy rendre et mectre en son obéissance ladicte ville. Mais les Anglois quy estoient dedans ne voullurent souffrir que les héraulx baillassent leur sommation; ains respondirent qu'ils retournassent en grande haste ; et sy feirent-ils, car ils avoient esté en grand dangier de mort. Le roy, scachant les manières que les Anglois avoient tenu à ses héraulx, feit passer touts ses gens d’armes ledict Pontdel’ Arche, dont estoit conducteur le comte de Dunois, et les envoya devant la cité de Rouan, où ils furent trois jours en grande

\ puissance, combien qu'il feist en ces trois jours

(14481 ord! temps et ennuieux de pluye; et y eurent les gens de guerre moult à souffrir, car ceulx de dedans feirent sur eulx moult grandes saillies, où il y eut moult de belles armes faictes; et y feut prins à l'une desdites saillies ung escuyer françois, nommé le bastard Soubrier, par son cheval quy cheut dessous luy.

Les scigneurs francois se meirent en bataille devant ladicte ville, et envoyèrent sommer par les héraulx du roy pour la deulxiesme fois ceulx de la cité qu’ils se meissent en l’obéissance du roy; mais les Anglois ne voulurent souffrir qu'ils approchassent la ville, ne qu'ils parlassent au peuple ; et ainsy s’en retournèrent comme les premiers. Et lors le comte de Dunois, voyant que nul de la cité ne faisoit semblant ne manière de vouloir rendre la ville, considérant aussy le temps et la saison quy estoit sur l'hiver, s’en retourna au giste ce tiers jour au Pont-de-l'Arche, et les gens de guerre allentour d’icelluy pont par les villaiges.