LIVRE IV, CHAP. XLI
s’en excusast. Sy s’en alla monter à cheval; et, bien richement monté de cinq chevaulx, et bien habillé de son corps, s'en alla à l’hostel du seigneur d’Aussy, ancien et sage chevalier, premier chambellan dudict comte, et lavoit nourry dès qu’il feut nais'; auquel hostel il trouva le seigneur d’Aussy, tout prest et à cheval, avec luy seize archiers de corps dudict duc, et ledict messire Philippes de Crèvecœur. Quand ledict Toustain veit les archiers, sy demanda ce qu'ils faisoient là ; lors respondit le seigneur d’Aussy : qu’ils y avoient à faire, et qu'ils iroient avec luy. Lors se partit ledict seigneur d’Aussy, et messire Philippes, et ledict Toustain au millou? d’eulx, touts trois en rang, et passèrent parmy toute la ville de Bruxelles, sans autre chose dire audict Toustain. Tantost qu'ils feurent hors de la ville, ledict seigneur d’Aussy dit audict Toustain : qu'il falloit qu’il descendist de son cheval, lequel estoit un bel destrier, etqu’il montast sur son cheval, quy estoit une petite hacquenée. Quand ledict Toustain veit ce, et qu’il falloit qu’il feust, il obéit et devint moult pasle et se doubta. Sy descendit ; et lors lc noble et sage chevallier le feit prisonnier dudict duc, puisle feit remonter, et le mena audict chastel de Rippelmonde; et les suivit le comte de Charrollois de sy près qu’il feut aussitost audict chastel que ledict Toustain; et prit les clefs de la tour où ledictToustain fout mis. Après luy allèrent le bastard de Bourgoingne, l'évesque de Tournay, le seigneur de Croy et le seigneur de Goy; et ne parloit nul audiet Toustain que les dessusdicts seigneurs ; ct n’y parla nul peu ou néant queledict comte n’y feust présent ou ne les ouist. Ledict Toustain là venu, on feit venir devant luy ledict Jehan de Vy, lequel luy dict ce qu’il avoit faict et marchandé avecq luy. Illecq y olt entreeulx deulx de moult grosses paroles. Ledict Jehan de Vy luy feit monstrer ses lettres escriptes de sa main. Et tant feut parlé audict Toustain que, sans quelque gehenne, jà-soit-ce qu’on dit qu’on luy monstra ladicte gehenne, de sa franche volonté il confessa son faict ; c’est à scavoir qu’il avoit esté lay-mesme par deulx fois au pays de Piedmont, ou Lombardie, puis le Noël derrain passé, pour avoir ledict poison, etnele avoit peu avoir, et pour ce avoit marchandé audict Jehan deVy; et quela cause pourquoy il lefaisoit, ce n’estoit (4) Né. (2 Milicu.
pas,. comme il dict de prime-face, pour faire mourir le comte de Charrollois, ains estoit pour estre en sa grasce ; toutesfois, enfin, il cognut que c’estoit pour le faire mourir; et après ladicte poison prinse, il n’euist vescu qu'ung an ; et luy debvoit donner à lamy-aoust prochain venant, que lors aulcuns banquets et mangiers se debvoient faire à l'hostel dudict duc. Et dict que la cause quy le mouvoit à ce faire estoit, qu'ilise doubtoit qu’il ne feust pas bien en la grascedudict comte, et que sc ledict duc son père feust mort, il avoit douhte qu'il ne luy euist tollu le sien, ou par adventure sa vie. Des aultres choses qu'il confessa, je ne le pus scavoir, car trop feut tenu secret. Après ceste confession, ledict comte demanda à Jeban de Vy que sy ledict Toustain luv olttenu sa promesse, s’il ne l'euist point raccusé ; auquel il respondit que non. Et ce le feit mourir, car, par sa confession, il ne l’avoit raccusé que par convoitise. Ces choses faictes, le vendredy ensuivant, ledict Toustain feut mené sur une haulte tour audict Rippelmonde, pour le descappiter, présents ceulx du conseil dudict duc dessusdicts; mais ençois! que ledict Toustain mourust, il pria qu'il peust ung peu parler audict comte, ce que on luy octroya: et parla assez bon espace audict comte seul à seul; et ne sceut-on qu’il luy dict, combien que ceulx quy estoient loing d’eulx veirent bien qu’à chascun propos que ledict Toustain disoit, voire à peu à chascun mot, lediet comte faisoit lesigne de la croix ; pourquoy on doubtoit qu’il n’euist raccusé plus grande chose de luy, ou dict chose quy feust pleine de mal,de luy oud’aultruy.Après ce qu'ilolt parlé audict comte, il luy pria queson corps ne feust point esquartelé, et qu’il feust mis en terresaincte. Ce faict, il feut descappité, etolt la teste tranchée ; et assez tost après luy, ledict Jehan de Vy, audict lieu propre et cestuy jour ; mais ledict Jehan de Vy ne croyoit point que ledict Toustain feust mort tant qu’on luy monstrast La teste dudict Toustain.
Les bienset héritaiges dudict Toustain feurent touts confisqués; mais ledict duc asseztost après les redonna à la femme dudict Toustain et à ses enfants, laquelle femme dudict Toustain estoit bien en la grasce dudict duc. On disoit encoires que ledict Toustain avoit faict mourir par
oison la dame de Ravestain, femme de Adolphe de Clefves, nepveu dudict duc.
{1\ Avant,
Assez tost après la mort dudict Toustain, feut prins en la ville de Bruxelles maistre Gilles Courbet, natif du pays de Haynault, lequel estoit moult affin dudict Toustain; et luy mettoiton sus qu’il avoit escript de sa main aulcunes lettres touchant ladicte poison ; lequel maistre Gilles, assez tost après, par subtilité, eschappa de prison, et s’avalla d’une haulte fenestre à terre, et s’enffuit à Paris. Et assez tost après feit tant qu'on le laissa paisible, par aulcuns moyens qu'il avoit à la cour dudictdue, et s’en vint demourer à la cité d'Arras, dont il estoit canoine. Icestuy maistre Gilles avoit la renommée d’estre moult séditieulx homme, et subtil en subtilité réprouvée.
En ce temps, le vingt-cinquiesme jour d’aoust ensuivant, dix heures du vespres, en une taverne au mont Sainct-Éloy, feut tué le Borgne d'Estrayelles, d’ung sien compagnon, nommé Robinet Guillemand, après boire; et estoient touts deulx archiers du comte d’Estampes : mais ils estoient pleins de débats et mal renommés, tant d’estre espieurs de chemins, houilliers{ et aultrement. Et combien que justice feust assez advertie de leur vie et d’aultres, et sy n’en faisoit-on quelque justice. Faict assez à présamer que Dieu les faisoit punir l’ung l’aultre ; car, puis deulx ans, plusieurs avoient tué l’ung l’autre.
En ce mois d’aoust, feut aussy ung marchand de Dynant desrobé de deulx cents florins environ Hervain, une demy-lieue d’Arras, par aulcuns compagnons de cheval; etdisoit-on que ceulx quy ce feirent, on les voyoit touts les jours pétoyer le marché d’Arras; et estoient maulvais garnements quy se vivoient de femmes, et de jeulx de dés, et sy nefaisoient que se combattre; et sy n’en faisoit-on nulle justice.
