CHAPITRE XLY

Comment on print plusieurs prisonniers, lesquels avoient faict uue imaige de cyre pour nuire au cote de Charrollois ; ct de la mort de maistre Robert- -lc-Jeusuc, gouverneur d' Arras ; el aultres choses.

‘ Environ ce temps, feurent prins, en la ville de Bruxelles, trois hommes avec ung apotiquaire, par le commandement du comte de Charrollois; lesquels avoient faict faire six imaiges de cyre, trois en forme d'homme, et trois en forme de femme, pourempoisonner ledict comte, comme cy-après sera dict plus à plein. Et feut ceste chose sceue par ledict apotiquaire, lequel dit à aulcuns des gentsdudict comte : qu’il avoit faict lesdictes imaiges de cyre, et sy ne scavoit pourquoy, sinon que ceulx quy luy avoient faict faire luy avoient dict que c’estoit pour faire aulcune habilité devant ledict conte, et qu’on les feroit mouvoir et parler. Ce sembleroit, on ne prit pas touts ceulx quy estoient coupables dudict cas ; car il y en olt aulcunsquy pas n’y estoient;et aulcuns s’enffuirent; par espécial ung gentilhomme de Bourgoingne, nommé Charles de Noyers, lequel estoit ou avoit esté de l’hostel du comte d’Estampes. Etcombienqu’il s’en feust enffuy, sy feut-il pour tant suivy et tellement espié qu’il feut prins. Et feut ledict Charles, lequel estoit Bourguignon, amené prisonnier au Quesnoy-le-Comte en Haynault. Et pareillement, assez tost après, ledict comte d'Estampes, parle commandement dudict comte de Charrollois, envoya par le seigneur de Crèvecœur audict comte, au Quesnoy,ung nommé maistre Jehandes Bruyères,natif de Bourgoingne,lequel, se mesloit de médecine, et estoit de l’hostel dudict comte d’Estampes. Touts lesquels prisonniers feurent interrogiés, reservé ledictapotiquaire, lequel feut délivré comme innocent du faict ; et disoit-on qu'ils avoient confessé des merveilleuses choses et maulvaises, lesquelles feurent tenues sy secrètes qu’on ne peut rien sçavoir pour l'heure; et demourèrent touts pri-

| sonniers.

En l’an ensuivant mil quatre cents soixantetrois, le dix-neuviesme jour d’apvril, après Pasques, environ douze heures à midy, cloist

son dernier jour maistre Robert le Jeusne, li- |

cencié ès loix et en décret, chevalier en armes et gouverneur de la ville d'Arras, en l'age de quatre-vingt et douze ans ou environ; et mourut en son hostel, en la ville d'Arras. Icestuy maistre Robert le Jeusne estoit natif de Lens en Artois, de assez petit lieu, mais par son sens il feut en son temps moult eslevé. Il feut en son advènement, après qu’il feust retourné des escolles, advocat à Amiens, et puis feut au conseil du roy Henry d'Angleterre, lequel olt espousé la fille du roy de France, Charles sixiesme. Icestuy Henry le feit chevallier, et retint de son conseil, et luy feit plusieurs biens. Après la mort du roy Henry, Philippes, duc de Bourgoingne, le feit bailly d'Amiens. Durant lequel temps qu’il feut bailly, y avoit grande guerre entre le roy de France et le ducde Bourgoingne et le josne roy d'Angleterre. Et feut jusqu’à la paix d’Arras du conseil dudict roy d'Angleterre. Et tant comme il feut bailly d’Amiens, il feit si rade justice qu’il feit, comme on disoit, que prendre, que mourir etdescappitcr ctnoyer, dixneuf cents hommes ou'plus; et dict-on que sitost qu’ung François estoit prins, que lors on appeloit Arminacq, qu’il les faisoit mourir, et que mesme on leur mettoit sus!.….…, pour avoir le leur sans cause.

Durant qu'il estoit bailly, le commun d’Amiens s’esmeut; il en feut adverty; sy s'en partit bien en haste, ny oncques puis n’y rentra. Il s'en partit à le bonne heure; car s’il euist esté trouvé de la commune , ils leuissent mis à mort. Il s’en alla devers le duc de Bourgoingne, lequel le feit gouverneur d'Arras; et feut Jehan de Brunonbailly d’Amiens.Il olt deulx fils et une fille de sa femme; l’ung de ses fils feut mis à l’escolle, nommé Jehan, lequel feut évesque d'Amiens; puis alla à Rome et feut évesque de Thérouanne, et après cardinal ; il feut très diligent et soutil, et gouverna en partie le sainct-siége de Rome ; il estoit moult riche et feit moult de biens à tout son lignaige, et moult les advanca, en donnant grands deniers ; il mourut en l'age de quarante ans ou environ.

S’il ne feust mort sy josne, il estoit homme pour estre pape. L’aultre fils feut nommé Guillaulme,

(4) Lacune.

et feut chevallier, et accata! Contay, Montcourt et aultres terres ; il prit à femme une moult noble femme, quy feut fille du seigneur Luly et sœur à la dame de Saveuses, de laquelle il olt plusieurs enfants qu’il allia haultement ; il feut maistre-d’hostel du comte de Charrollois, et après son père gouverneur d'Arras, et estoit soutil et sage.

La fille feut marriée à ung gentilhomme nommé le Besgue de Rancicourt, quy puis feut chevallier; de laquelle il olt quatre filles et deulx fils : l’aisné fils feut évesque d'Arras, et les filles feurent haultement marriées.

Icestuy maistre Robert olt ung grand sens naturel, mais il estoit moult convoiteulx et luxurieulx, et jusques à la mort; mais environ ung an devant sa mort, il revint en enfance, et assez soudainement mourut; et ne feut guères plainct enla ville d'Arras et environ, sinon de ses parents, serviteurs et amis ?.......... ct disoient aulcuns que ledict hoste estoit jaloux d’eulx pour l'amour de sa femme.

Audict an aussy, au premier jour de may, feut trouvé hors de la porte de Baudimont lez Arras, ung josne fils de seize ans, nepveu de Robert de Calonne, laboureur ; lequel josne fils, comme il estoit allé quérir ung poullain ès prés, et le ramenoit avecq les vacques, il loya le licol dont il l'amenoit autour de luy;le poullain s'espanta 3 et le traisna tellement, qu’il y mourut ; et puis oncques ne parla.

Audict an aussy, en la ville d’Arras, ung coulletier 4 de chevaulx, nommé Lanselot, environ les vespres, print parolles à ung compagnon nommé Enguerrant Quentin, fils d'ung marchand de chevaulx, pour tant que ledict Enguerrant, en revenant de dehors à cheval, avoit donné ung horion à ung petit enfant de dix ans, fils dudict Lanselot, lequel enfant alloittrop près de son cheval; et montèrent les parolles tellement, que ledict Lanselot se partit et alla quérir une fusée, quy estoit ung espieu ; et prestement s’en alla pour trouver ledict Enguerrant, lequel estoit descendu; et le trouva hors de la porte Saint-Micquiel, son frère et son cousingermain avecq luy,ung bracqmart au costé; et commeledict Enguerrant nesedonnoit garde, en entrant en la porte dudict bollevert de Sainct-

(1) Acheta.

(2) Ici se trouve dans le manuscrit une demi-page tout-à-fait illisible et effacée.

(3 S'effraya. (4) Courtier.

[1468] Micquiel, ledict Lanselot luy boutta en la poictrine, dessous l’essel, ladicte fusée; duquel coup il mourut; et comme le frère dudict Enguerrant le cuida venger, il receupt dudict Lanselot ung coup dudict espieu au bras et ung en l’espaulle, par quoy il laissa ledict Lanselot aller; lequel Lanselot s’en alla boutter aulx frères-mineurs en franchise.

Audict an aussy, le septiesme jour demay, en ung villaige assez près d'Arras, nommé Hault- Avesnes, par ung pourcel qu’on brusla, feurent ardses de huict à dix maisons.

Audict an aussy, maistre Pierre de Rancicourt, fils aisné du Besgues de Rancicourt, chevallier, et de la fille de maistre Robert le Jeusne,gouverneur d'Arras, print par procureur possession de l’évesquié d'Arras, par résignation que Jehan Godefroy ,évesque et cardinal. luy en feit; lequel cardinal, par ce moyen, feut évesque d’Alby.Icelluy maistre Pierre avoit plusieurs grands bénéfices, sy comme chancelier de l'église d'Amiens, archi-diacre de Cambray et aultres, lesquels il deslaissa touts pour ledict évesquié; lesquels bénéfices son oncle, l’évesque de Therouanne, luy avoit faict avoir avecq la protonotairie du pape. Icelluy maistre Pierre avoit environ trente-deulx ans ; et y avoit cnviron dix ans que sondict oncle estoit mort; aprés la mort duquel se partit de Rome, ne n'y avoit rallé jusques lors.

Audict an aussy, ledix-neuviesme jour dudict mois, cinq compagnons, quy se disoient estre à Hugues de Neufville, chevallier, seigneur d’Arly et séneschal de Sainct-Pol, ung compagnon nommé Gallu de Douay, fils du censier de l'abbay d’Anzin emprès d'Arras, tirérent hors d’une maison où il s’estoit boutté pour le doubte d’eulx, et en la rue luy donnèrent plusieurs coups de dague ès cuisses et ès bras, et luy brelinguèrent le visaige; lesquels cingcompagnons, ce propre jour mesme, ung peu debvant, avoient esté en la maison d’ung nommé Jehan Tillou, procureur en la cour d'église, demourant en cité lez Arras, et illecq avoient prins une josne fille de l’age de onze à douze ans, et emmenée devant chascun, environ deulx heures aprèsdisner ; laquelle josne fille ung compagnon disoit avoir affyée, mais son père ne voulloit point qu'elle l’euist ; et pour ceste cause avoit esté baillée, par la justice de l'évesque, en garde

(1) Fiancée.