LIVRE V, CHAP. LV
nemis de la foy, et d’estre, environ le mois de may, à Aiguesmortes; et oultre on leur feit dire qu'il les remandoit pour leur dire ce qu’il avoit intention de faire touchant les gouvernements de ses pays.
En ce temps, le dix-huictiesme de décembre, en la ville de Bruges, feurent faictes les neuches! du fils du duc de Gueldres aisné, avecq Catherine, fille de la duchesse de Bourbon; lequel estoit fils de la fille de la duchesse de Clefves, sœur du duc de Bourgoingne , lesquelles duchesses de Clefves et de Bourbon estoient deulx sœurs ; mais la duchesse de Clefves estoit morte environ deulx mois devant lesdicts nopces. Auquel jour deneuches, après disner, feurent faictes fort grandes joustes ; et y joustèrent Anthoine, bastard de Bourgoingne , messire Jehan de Croy, seigneur de Renty, fils aisné du seigneur de Croy, et plusieurs aultres seigneurs. Et comme ung josne gentilhomme de Boullenois, nommé Jehan, fils de David de Frommessent, lequel David n’avoit plus d’enfant que luy, et sy estoit riche, on disoit, de trois mille florins de rente, servit en la jouste ledict seigneur deRenty duquel il estoit parent, il advint, entre plusieurs coups, que les jousteurs faillirent ung coup de asseurer l’ung l’aultre ; pourquoy ils se désarconnèrent de leurs lances, dont l’une des lances quéit? sur les lices quy cstoient de bois, dont l’ung des bouts de lance saillit sur la teste dudict Jehan de Frommessent, et le navra ung peu par semblant en la teste, et ne sembloit guières de choses aluy nv aulx aultres; mais toutesfois six heuresaprès il mourut dudict coulp. De laquelle mort chascun feut desplaisant, et mesmement le seigneur de Croy et son fils; lequel seigneur de Croy feit le lendemain faire son service et moult solemnel., où feurent la pluspart des seigneurs de la cour. Icelluy Jehan de Frommessent avoit faict touts ses apparaulx pour aller avecq le duc en Turquie.
En icelluy mesme jour, il olt encoires deulx hommes blessés à cause des joustes, mais non pas des jousteurs, dont ils moururent.
En celluy mesme jour, ung des paiges dudict duc, nommé Hollandre, tua ung homme en la ville de Bruges, par cault 5 sang.
En icelluy temps, Jehan de Godefroy, évesque d’Alby, moine et cardinal, arriva en Abbeville devers le roy de France, lequel le receupt très
(4) Noces. (2) Tomba. . (5) Chaud.
grandement et honnorablement, combien que, paravant sa venue, on disoit qu’il estoit mal du roy, à cause que par luy estoit abolie la pragmatique-sanction, quy avoit régné en France, laquelle avoit esté mise sus au concille de Balle, par vertu de laquelle le pape ne donnoit nuls bénéfices en France; mais les donnoient les collateurs, à la nomination des universités, tant de Paris que d’ailleurs en France; et n’avoit le collateur que des trois l’ung dont peuist faire sa volonté. Par ceste pragmatique-sanction , il y avoit tant de nominations d’estudiants èsdictes universités , qu’on ne scavoit donner quelques bénéfices, qu’il ne suivist procès; et tenoient tellement les pauvres en procès, qu’ils perdoient leurs bénéfices. Ils estoient aulcunes fois quatre, cinq ou six à ung évesquié, et puis pactisoient ensemble ; celuy quy emportoit le bénéfice laissoit à l’ung une cure, à l’aultre une capelle, à l’aultre aultre chose ; et s’il y avoit vingt escus de despends, il payoit cent escus pour les despends ; et de ce ne faisoient nulle conscience, et n’estoit point réputé symonie. Brief il sembloit bien souvent qu’on marchandast des bénéfices comme marchands font des denrées. Et sy peu que ce feust n’y avoit nuls bénéfices donnés sans litiges ; et tousjours l'emportoit le plus fort, feut par prière de prince, de seigneur ou aultrement. Icelluy cardinal n’avoit point tenu au roy ce qu'il luy promeit , comme on disoit, quand il luy rendit ou feit rendre la chartre; car il luy avoit promis que le pape mettroit en France ung légat quy donneroit les bénéfices , affin que l'argent de France n’allast point à Rome; mais il ne tint pas sa promesse, et n’y envoya le pape nul légat ; ains, sitost que lediet cardinal eust baillié au pape ladicte chartre de pragmatique-sanction, ledict pape feit traisner, parmy la ville et les rues, ladicte chartre scellée des sceaulx du concille de Balle où elle feut donnée, en publiant comment elle estoit abbolie. Ledict cardinal avoit passé parmy Paris; et combien que ceulx de Paris euissent joué ung jeu de personnaige publicquement, comment les rats avoient mangié les sceaulx de la pragmatique sanction, dont elle prit fin (et ce feirent les clercgs de l’université, pour ce que, lorsque cela feut faict, ledict cardinal estoit évesque d'Arras; et contenoit icelluy joeu comment les rats quy en euirent mangié euirent rouge teste ; et par ce voulloient donner à entendre que pour ceste
cause avoit esté ledict évesque faict cardinal), et avecq ce disoit-on que ceulx de Paris hayoient moult ledict cardinal, et qu’il n’y oseroit venir, toutesfois aulcuns deladicte ville allèrent allencontre de luy. Et y feut une nuïict ; et n’y eut oncques quelques encombriers ne villaines parolles. Icelluy cardinal, comme dessus est dict, estoit le plus grand clercq qu’on sceust estre; il estoit grand orateur et grand prometteur, mais peu tenoit ce qu’il promettoit; il estoit fort convoiteulx, et ne luy estoit rien impossible à entreprendre, mais qu’il y euist prouffit.
Audict an soixante-trois, le sixiesme jour de janvier, deulx compagnons montés et embastonnés, sur le chemin de Douay, une lieue près d'Arras, prindrent ung marchand de bœufs de Normandie, et après qu’il l’euirent navré et près tué, ils le menèrent en une vallée, assez près d'illecq, contre ung moffle d’estoeul!, et illecq le despouillèrent; et prindrent en son pourpoint environ sept-vingts francs en lions d’or, et puis coppèrent les cingles de son cheval, et le laissèrent là ; et combien que l’ung le volsist tuer, et l’aultre ne le voullut souffrir, le marchand , au mieulx qu’il peut , vint à Arras et se plaindit à justice, monstrant comment il estoit navré ; mais oncques pour ce justice ne se bougea.
