LiVRE V, CHAP. XVII

ment s’en partissent. Quand ils oyrent ce, et considérèrent que ceulx du pays leur voullurent courir sus, lesquels ils cuidoient que ils les deussent aider, mais ils estoient touts contraires et du party du roy, touts vuidèrent du chastel, sans ce que à nuls on feit grief, réservé au bailly, lequel, pour tant que il estoit allé quérirles bons compagnons, il feut faict prisonnier et mené à Paris, et de Paris devers le roy; et feut en grand péril; mais en la fin feut délivré.

Environ le jour de Noël ensuivant, le duc de Bourgoingneenvoyalévesque de Tournay,leseigneur de Créquy, chevallier, et le protonotaire de Bourbon, avecq grande compagnie, en ambassade devers Loys, roy de France, à Tours en Touraine; auquel lieu de Tours le roy assembla touts les princes et seigneurs de son royaulme tant qu’il en polt avoir; et illecq vindrent le roy Regnier de Secille, duc d'Anjou, le duc d'Orléans, le comte de Nevers, le comte de Sainct-Pol et aultres en moult grand nombre de princes et seigneurs. Et illecq le roy, de sa bouche, leur dit : que ce qu'il lesavoit mandé n’estoit pas pournuire au duc de Bourgoingne, jà-soit-ce que on le cuidast, auquel duc il estoit tant tenu que plus ne pooit, mais estoit pour le faict du duc de Bretaigne, lequel avoit dict et de faict rescript par ses lettres missives au comte de Charrollois, au duc d'Orléanset au duc de Bourbon, au roy de Secille et aultres princes, que ce que le roy se tenoit tant ès parties de Picardieestoit pour avoir paix aulx Anglois, ses anciens ennemis, aulxquels il debvroit donner la duché de Normandie et de Guyenne, affin qu’il peust subjuguerlesmaisons de Bourgoingne, de Bretaigne,de Bourbon, d’Orléans, d'Anjou, et aultres issues de la couronne de France. Laquelle chose il leur certiffia et jura que il ne pensa oncques, ne n’ot volonté de ce faire, ne de aliéner l'héritage de la couronne, ne de grever son sang. Et dit de sa bouche: que se il voulloit faire telles choses, que il ne scroit pas digne de tenir la couronne. Et ce pourquoy il s’estoit tenu en Picardie, estoit à cause que le duc de Bourgoingneavoitintention d’aller oultre la mer combatire les Turcqs; et ce le avoit meu de prendre trefve aux Anglois, affin que durant son voyage les pays feussent en paix. Aprés ce que il olt ce dict, requist à touts ceulx de son sang et aultres princes illecq présents, s’aulcuns en v avoit, que ils dissent

s'ils croyoient ne cuidassent que ce que le duc de Bretaigne avoit rescript feust vray. Touts lesquels d'une voix respondirent : qu’ils ne le croyoient point. Et lors leur requist que, pour venger l’'injure que le duc de Bretaigne luy avoit faict. que ils le volsissent servir Contre luy, lesquels luy promirent touts de le servir à leur pooir. |