CHAPITRE LXL
Comment, après Dynant destruite, ledict duc retourna à Namur, et tout son ost, pour entrer au pays de Liége; et allèrent devant la cité; et des villes quy c<egrendirent au comte son fils.
Le premier jour de septembre, après que la ville de Dynant feut toute destruicte et desmolie, tellement que les femmes mesmes quy y alloient pour trouver leurs maisons ne sçavoient cognoistre la place où leur maison estoit, le duc se partit de Bouvynes, et entra en ung batel couvert ; et alla ce jour gésir à Namur. Et tout par la rivière et à l'entrée, ens monta à cheval; et y entra à grand triomphe, avecq luy grande noblesse, et l'ambassade de Liége, quy tousjours alloit après luy pour avoir la paix. Ce jour et le lendemain passa toute l’armée parmy la ville de Namur, quy meirent plus de deulx jours à passer. Et alla le bastard de Bourgoingne logier au pays de Hasebain , à deulx lieues de la ville de Sainct-Tron, et le comte une lieue oultre , en l'iremont et Sainct-Tron, laquelle ville de Sainct - Tron s’estoit rebellée, mais elle se rendit au comte, et sy feit la ville de Tuin; laquelle ville de Tuin le duc avoit donnée au comte de Sainct-Pol pour la prendre et pillier et faire sa volonté, en récompensation de ce qu’il n'avoit eu, ne ses gents, quelque butin à la prinse de Dynant. Laquelle ville de Tuin se rendit audict comte de Sainct-Pol, pour et au nom dudict duc. Et moyennant certaine somme de deniers que elle paya audict comte de Sainct - Pol, connestable de France, et qu'ils promirent d’abbattre leurs portes et toute la muraille de la ville, et Sainct - Tron pareillement , ils ne feurent point pilliés. Et disoit - on que ledict connestable eut dix mille florins de Rhin pour sa récompense; et en-
coires ne se tenoit-il pas bien récompensé du .
butin de Dynant, ne ses gents aussy. Le comte de Charrollois s’en alla pour assieger la ville de Tongres; mais on luy dit qu’il n’y avoit personne , et que tout s’en estoit fuy. Par quoy le comte, le jeudy quatriesme de septembre, feit tirer son ost et tout son carroy vers la cité de Liége, et le duc son père demoura à Namur ; et alla le comte jusques à Montenacq, à quatre grosses lieues de la cité de Liege, tousjours estant en bataille et costoyant son carroy; et y arriva le sixiesme jour dudict mois, lequel jour il feut adverty que ceulx de Liége estoient issus hors en grand nombre pour le combattre. Lors se meit en bataille sans aller guières loing; et duroient les esles de la bataille plus d’une grosse lieue.
Ledict jour, environ onze heures, vint une ambassade par ceulx de la cité requérir seur estat jusques à lendemain dix heures, et que dedans ceste heure ils asseuroient de faire tout cequ’illeur demanderoit. Le comte leur accorda; et ce faict, le connestable et le bastard de Bourgoingne allèrent pour veoir la conduicte des Liégeois quy estoient fssus de Liége, lesquels estoient sur la rivière de Gerre ; aulxquels feut rapporté, queles coureurs quy avoient conduict l'ambassade de Liége s’escarmouchoient contre les fourriers du comte de Charrollois, pourquoy aulcuns tirèrent celle part; mais les Liégeois quy escarmouchoient se retirèrent prestement avecq les aultres; et quand vint sur le soir, ceulx de l’ost du comte perceurent clairement les Liégeois. Lors se meit le comte en bataille devant eulx au moins d’ung quart de lieue; et passa le connestable oultre la rivière de Gerre, pour les enjlorre; et feit plusieurs de ses gents mectre à pied; et estoit environ cinq heures du vespres. Et estoient les gents du comte prests pour les combattre, et ne demandoient aulire chose ; mais le comte ne le voullut souffrir pour ‘ le seur estat qu’il avoit baillié; dont plusieurs estoient courrouciés; car il sembloit bien que touts y feuissent demourés, et que nul d’eulx ne s’en pooit fuire. On les nombroit deulx mille à cheval, et dix mille à pied ; mais iceulx estoient davantage, parce qu'ils se tenoient pour la pluspart en ung villaige , par quoy on ne pooit bien scavoir le nombre. Ce jour, lecomte de Charrollois feit ardoir ung villaige, nommé Varennes, qu'y avoit esté une ville fermée ; et y avoit quatre
cents feus ou plus: et ce feit pour faire saillir les gents hors, lesquels ne s’en voulloient partir, pour venir avecq les aultres, et eulx tenir en bataille, auquel feu il y euit plusieurs bagues de gents d'armes perdues, et y euit tel desroy que merveilles. Toutesfois chascun se meit en bataille. Ce jour, le comtede Charrollois et toute l’armée feurent cinq heures en bataille, et jusques à dix heures en la nuict, qu’il feit chascun retraire au logis.
