CHAPITRE LX

son chemin en tirant vers Encres, ct alla loger à un village nommé Forcheville; et ses gens se logèrent ès villes voisines ; et toujours en telle ordonnance comme vous avez ouy, les cottes d’armes vestues. Et le lendemain, qui estoit mercredy, chevaucha d’emprès Luceu, et alla loger à Bouviere-l'Escalon, et son avant-garde logea à Frenent, sur la rivière de Cauche. Or est vrai que le roy d'Angleterre et ses gens, pour ceste nuit, furent logés bien en sept ou huit villages, sans avoir empeschement, car les Franchois estoient allés pour estre au-devant d'eux vers Sainct-Pol, et sur la rivière d’Aisne. Et, à la vérité dire, le roy se cuida loger à un autre village, lequel avoit esté pris par ses fourriers ; mais lui, comme celui qui gardoit les cérémonies d'honneur, très louablement feit ce que vous orrez. Vrai est, qu’en ce voyage faisant, toutes et quantes fois qu'il vouloit envoyer courreurs devant villes ou chasteaux, ou en quelque, ses affaires, il faisoit dépouiller les cottes d'armes aux seigneurs et aux gentilshommes qui y alloient, et à leur retour les reprenoient. Si advint que en ce jour, quele roy d'Angleterre deslogea de Bouvière pour venir vers Elangy, où après avoir veu un village, duquel par les fourriers lui estoit ordonné, mais non estre averti, ne sachant ledit village où il se devoit loger, passa outre, environ un trait d’arc, etchevauchoit avant ; mais comme il lui fut dit que il avoit passé son logis, il s’arresta, et dit : « Jà Dieu ne plaise, entendu que j'aie la « cotte d'arme vestue, que je dois retourner « arrière. » Et passa outre, et se logea où l'avant-garde devoit loger, et fit passer plus avant l'avant-garde. Lendemain le roy d’Angleterre se partit par telle ordonnance qu’il avoit les jours paravant, et toujours tirant son chemin vers Calais. Ce jour estoit jeudy, vingt - quatriesme jour d'octobre, nuit Sainct-Crespin.

Quand le roi d'Angleterre fut deslogé, et que lui et ses batailles furent issues des villages, ses courreurs choisirent de toutes parts les Franchois venir à grand’ compagnie, pour aller loger à Rousseauville et à Azincourt, afin d’estre au-devant de lui, pour lendemain les combattre. Mais pour retourner au roy d'Angleterre, avant ce qu'il eust passé la rivière de Blangy en Ternois, et aussi pour ce qu’il y a un passage et grand destroit, fit desployer les cottes

(1) Aperçurent, |

d’armes à six nobles hommes de son avantgarde, et les fit passer outre, pour savoir si le passage n’estoit de nuls gardé; lesquels trouvèrent qu’il n’y avoit point de deffence. Si passèrent les Anglois à grand’ puissance et diligence ; puis quand ils furent passés le village de Blangy, lors scut le roi d'Angleterre, pour vérité, que les Franchois estoient assemblés à grand’ puissance. Le roy d'Angleterre, voyant devant lui les Franchois, fit descendre toutes ses gens à pied, et mettre tous en bataille et belle ordonnance. Et là eussiez vu les Anglois, cuidants le jeudy avoir la bataille, estre en grand’ dévotion, eux mettants à genoux, les mains jointes vers le ciel, faisants leurs oraisons à Dieu, qu'il les voulsist mettre en sa garde. Et qu'il soit vrai, j'estois avec eux, et vis ce que dessus est dit. En icelle ordonnance demeura le roy d'Angleterre en la mesme place jusques au soleil couchant. Et, d'autre part, les Franchois qui bien pouvoient pareillement choisir les Anglois, le jeudy cuidèrent combattre les Anglois; et se arrestérent et mirent en si bonne ordonnance, vestirent cottes d'armes, desployèrent bannières, et y furent faits moult chevaliers. La fut fait chevalier Philippe, comte de Nevers, par le mareschal Boucicault, et pluiseurs aultres grands seigneurs et nobles aommes ; et assez tost après arriva leconnestable auprès d’Azincourt, auquel lieu s’assemblèrent tous les Franchois ensemble en un seul ost ; et d’aultre part le roy d'Angleterre, voyant qu'il estoit sur le tard, lui et sa bataille se partirent pour aller loger à Maisoncelle, qui est auprès d'Azincourt. Mais avant qu'il allast en son logis, donna et fit donner congé à tous les prisonniers en son ost, en leur faisant promettre que si la journée de la bataille estoit pour lui, et que Dieu lui en donnast la victoire, qu’ils reviendroient tous devers lui et leurs maistres, s’ils vivoient, et si l'aventure lui venoit de perdre bataille, pour lors et pour le temps à venir leur quittoit leur foi. Après ces prisonniers délivrés, le roy se logea dedans le village de Maisoncelle, et aux avenues de son logis, et en espécial à l'avenue de ses ennemis, qui estoient environ une grand’ lieue près de lui, et qu'on les oyoit tout à plein, et tellement que on les oyoit nommer l’un l’autre. Et quant aux Anglois, oncques gens ne firent. moins de noise ; car à grand’ {D Apercevoir.

MÉMOIRES DE SAINT-RÉMY

peine les oyoit - on parler les uns aux autres, tant parloient -ils bas. D’autre part, quand les Franchois virent que le roy d'Angleterre s’estoit logé à Maisoncelle, et que pour le jourils ne seroient combattus, il fatcommandé, de parleroy et son connestable, que chacun en droit s0oy se logeast où il estoit. Lors, eussiez vu plover bannières et pennons autour des lances, et desvestir cottes d'armes, destrousser malles et bahus ; et chacun seigneur, par leurs gens et fourriers, envoyer aux villages prochains querir pailles et estrains pour mettre dessous leurs pieds, et aussi pour eux reposer en la place où ils estoient, qui estoit moult froide pour le pestelis des chevaux ; et avec ce, presque toute la nuit il ne fit que pleuvoir. Et demenoient moult grand bruit, pages et varlets, et toutes manières de gens ; et tant, comme dit est, que les Anglois les pouvoient pleinement ouyr, mais de leur costé n’estoient point ouys; car en celle nuit se confessèrent tous ceulx qui de prestres porent recouvrer. Les hommesd’armes remettoient à point leurs aiguillettes, et tout ce que mestier leur estoit ; et pareillement archiers renouvelèrent cordes, et addoubèrent ainsi comme il appartenoit. Puis quand ce vint de grand matin, le roy d'Angleterre commenca à ouyr messe dès la pointe du jour ; et en ouyt trois, l'une après l’autre, armé de tout son harnois, hors la teste, et sa cotte d'armes vestue. Après les messes dictes, fit apporter son harnois de teste, qui estoit un très bel bachinet à bannière, sur lequel y avoit une riche couronne d’or, cerclée comme impériale couronne. Puis après ce qu’il fut de tous points habillé, monta à cheval gris, petit cheval, sans esperons, et sans faire sonner trompette; et fit tirer la bataille; et sur une belle plaine de jeunes blés verds, ordonna sa bataille; et ordonna un gentilhomme, atout dix lances et vingt archiers, pour garder les bagages de lui et de ses gens, avec ses pages, qui nobles hommes estoient , et aucuns autres malades, qui aider ne se pouvoient. Il ne fit que une bataille; et estoient tous les hommes d’armes au milieu de sa bataille, et toutes les bannières assez près les unes des aultres. Aux deux costés des hommes d’armes estoient les archiers; et pouvoient bien estre de neuf cents à mille hommes d'armes, et dix mille archiers. Et pour parler des bannières, il y avoit pour son corps cinq bannières,

c'est à savoir la bannière de la Trinité, la bannière de Saint-Georges, la bannière de Saint- Edouard et la bannière de ses propres armes.

Aultres plusieurs ÿ avoit du duc de Glocestre, du duc d’Yorck, du comte de la Marche, du comte de Hontidonne, du comte d’Oxenfort, du comte de Kinte, de deux seigneurs de Ross et de Cornouaille, et de pluiseurs autres. Quand le roy d'Angleterre eut ordonné sa bataille et ordonnance de son bagage, sur le petit cheval qui devant est dit, alla au long de sa bataille, et leur fit de belles remontrances, en leur exhortant de bien faire, disant : qu’il estoit venu en France pour son droit héritage recouvrer, et qu'il avoit bonne et juste querelle de ce faire, en leur disant que sur ceste querelle pouvoient franchement et seurement combattre, et qu'ils eussent souvenance qu'ils estoient nés du royaulme d’Angleterre, là où leurs pères et mères, femmes et enfants estoient demourants, parquoi ils se devoient efforcer pour y retourner en grand’gloire et louange; et que les rois, ses prédécesseurs, avoient eu sur les Franchois maintes belles besongnes, batailles et desconfitures ; et que celui jour, chacun aidast à garder son corps et l'honneur de la couronne du roy d'Angleterre. En outre, leur disoit et remonstroit que les Franchois se vantoient que tous les archiers qui y seroient pris, ils leur feroient couper les trois doigts de la main dextre, afin que leur trait jamais homme ni cheval ne tuast.