CHAPITRE CXXXIV

au service de mon cousin le duc de Brabant, allencontre de moy, mes gens et subjects, en donnant contre vérité pluiseurs choses à entendre. Et autant ou plus en ai apperchu par une coppie de certaines lettres qui se dient de vostre part escriptes, en vostre ville de Dijon, le vingtdeuxiesme jour de décembre, lesquelles publications et lettres viennent de vostre sceu et ordonnance. Et pour tant que assez que le temps passé ay faict à vostre prière, contemplacion et requeste, et aultrefois sur mon biau-frère le régent et vous me suis subinis pour aidier à appaiser le différent et discord dont en icelles est faicte mencion, d’estre mondit cousin de Brabant etmoy, quantes journées en ay acceptées, et quelles offres à mon préjudice y ay faict faire, auxquelles choses vous scavez que ceulx du duc de Brabant ne vouldrent oncques entendre ne prendre aulcun traictié ne appoinctement, supposé que icelles lestres soient contournées en contraire, ainsy que par la coppie d’icelles, se le vollez visiter, apparoir vous polra ; car je SCa y aussy que ce que faict en ay n’est eslongné de vostre bonne mémoire. Et se prochainneté de lignaige vous voulloit mouvoir d’aucune chose faire, plutost debveriez estre enclin de aidier à ma partie que à l’autre, car ma compaigne et espouse est deulx fois vostre cousine germaine, et mondit cousin de Brabant de tant ne vous approche ; et encores plus y estes obligé par le traictié de la paix, par vous et moy sy solemnellement jurée, ce que jura oncques le duc de Brabant; mais, eomme vous scavez, a faict alliance contraire, quy vous debveroit molester. Lequel traictié n’a de par moy esté enfrainct, ne jà ne sera ; ains de l'avoir pensé me seroit moult grief, car il me semble, se faict l'avoys, que depuis ne me polroit bien venir, ainsy qu’il ne feroit. Aussy tiens-je de certain que de vostre vie ne ferez le contraire. Et d’aultre part, n’avez encore peu apperchevoir que, avant ne depuis que je suis par decà, n’ai-je toujours esté désirant à vous et aux vostres complaire, ne oncques aye faict, procuré, ne porté, ne souffert procurer ou faire à vous ne à vos subjects aulcuns griefs ou dommages. Mais vos subjects ay traitiés eulx aussy pour recommandés comme lesmiens propres, comme de che vosdicts subjects peulvent donner congnoissance. Avecques che scavez comment piéca vous ay escript que vray est que par-deçcà ne suis venu

pour aulcune chose d’aultruy quérir ou demander. Ainçois suis content d’avoir Ce qui m appartient, à cause de madite compaigne vostre cousine, et que à l’aide de Dieu je garderai tant qu’elle vivra, que bien me souffist. Et se aulcune chose n'a convenu ou convient faire à mondit cousin de Brabant, comme avez sceu, ne suis en coulpe. Mais, par contraincte de ses entreprinses, pour mon honneur garder et mon pays deffendre, le m’a convenu faire, selon que scavoir le polrez tout en la vérité; laquelle chose, comme je tiens, desjà en scavez quy sont assez notifs, pour lesquelles je ne puis croire que oncques lesdictes publications et lettres procédants de che soient venues de vous ne à vostre congnoissance. Et pour che, hauit et puissant prince, très chier et très amé cousin, je vous prie très à certes que ce que dessus est dict veuillez bien considérer, et je crois que, supposé que ainsy soit que on m'a donné à entendre, que je ne puis encore croire; se bien y pensez, prendrez aultre conseil et serez d’oppinion contraire. Quand aultrement le vouldriez faire, Dieu, à quy on ne peult rien céler, mon bon droit et le serment que avez faict, hault et puissant prince, très chier et très amé cousin, pour che que me faictes scavoir vostre intention, avecques s’il est choseque pour vous faire puisse, et je m'y employerai de bon cœur ; nostre Seigneur le scet, quy soit gardien de vous. Escript en ma ville de Mons en Haynault, sous mon siguet, le vingt-deuxiesme jour de janvier. Hault et puissant prince, je vous envoye en ceste enclose la pareille coppie que dessus est dict. » Dessous estoit escript: « Vostre cousin le duc de Glocestre, comte de Haynault, de Hollande, de Zélande et de Pennebroke, et seigneur de Frise. »