CHAPITRE CEXVIIT
mener les faicts de l’ordre, voullons et ordonnons que, en ce Cas, les frères et compaignons de l’ordre fassent ensemble une assemblée et convention, et par oppinions, et le greigneur nombre de voix, élissent l’ung d’entr’eulx pour présider et demener les besongnes de l'ordre, au licu du mineur, à ses despens, jusques à ce qu'il sera en eage de chevallier; etse, au trespas du souverain, demouroit fille son héritière non mariée, voullons et ordonnons que semblablement soit éleu ung des frères de l'ordre, pour conduire les faicts d’iceluy ordre, jusques à ce que ladicte fille soit mariée à chevallier en eage d’emprendre conduire la charge et faicts de souverain de l’ordre; auquel ainsi éleu voullons et ordonnons, durant ledict temps, estre obéi ès besongnes d’iceluy ordre comme au souverain.
“ Îiem, et pour che que ce présent ordre, comme dessus est dict, est une fraternité etcompaignie amiable, en laquelle se submectent de leur bon gré et voullenté les frères et chevaliers d'iceluy, et les prometteront et jureront garder et franchement entretenir sans enfraindre ne aller au contraire, voulons, establissons et décernons ledict ordre, avoir congnoissance et court souveraine ès choses et cas qui touchent et regardent ledict ordre et sur les frères et compaignons d’iceluy, et que touttes sommations, privations, appointements, sentences, jugements, arrests et choses passées et faictes par ladicte ordre , ès cas qui lui touchent, et sur les frères et chevalliers d’icelluy, soient exécutoires et vallables comme de court souveraine, sans ce que, pour les empeschier, l’on puisse ou doive dire, par appel, complainte, supplication ou aultrement, comment que che soit, traire ou adreschier à quelque seigneur, prince, juge, court, compaignie, ne aultrement quelconques, ne que le souverain et frères dudiet ordre soient pour che tenus de respondre, attendu la volontaire et franche submission jurée solempnellement, commedict est.
«“ Tous lesquels poincts, conditions, articles et choses dessusdictes et chascune d’icelles que avons ordonné et establi, ordonnons et establissons, comme dessusdictest, nous, pour nous et nos hoirs et successeurs dues de Bourgongne, chiefs et souverains de nostre présent ordre etamiable compaignie dela Toison-d’Or,promettons tenir, garder et accomplir à nostre pou-
voir, entièrement et inviolablement à tousjours ; et se ès choses dessus escriptes ou aulcune d’icelles avoit aulcune obscurté, doubte ou difficulte,
nous enréservonsetretenonsäanousetanosdicts :
successeurs, ducs de Bourgongne, souverains dudict ordre, la détermination, interprétation et déclaration, et d’y adjouster, corrigier, muer et esclarcir, en l’advis et délibération de nos frères et compagnons dudict ordre, exceptés : le premier article , faisant mention du nombre et de la condition des chevalliers dudict ordre; le second, faisant mention et disant que les frères et chevalliers de l’ordre ne doibvent, iceluy receu, estre de nul aultre, sinon par la condition audict article déclarée ; le quatriesme article , de l'amitié que les souverain et chevalliers doibvent avoir l’ungenvers l’autre; le cinquiesme, du service que les chevalliersde l’ordre sont tenus de faire au souverain ; le huitiesme, comment le souverain debvera procéder pour apaisier les débats, si aulcuns en sourdoient entre les chevaliersde l’ordre, à cause deleurs prouesses ; le neufviesme et dixiesme., de l'assistance que le souverain et chevalliers de l’ordre debveront faire à leurs frères et compaignons; le onziesme, en quel cas les chevalliers non subjets du souverain pourront servir allencontre de lui, sans charge d'honneur ; le douziesme, quelle courtoisie les chevaliers de l’ordre debveront faire à leurs frères et compaignons, s’ils estoient prins en guerre et en bataille où ils fussent ; les treiziesme, quinziesme et seiziesme articles touchant les cas parquoy se debveront faire privation de l'ordre, et aultres pour lesquels es chevalliers se pourront despartir ; le dix-septiesmearticle, contenant la manière et ordre qui se debvra tenir en aller seoir, escripre, parler et aultres faicts des choses, regardant à la situation de l’ordre devant dicte ; le quarante et uniesme faisant mention de l'élection à faire, quand il y aura lieu vacquant d’aulcuns chevalliers de l’ordre, en quoy le souverain aura deulx voix ; le cinquante-deuxiesme, de la manière de la réception du chevalier éleu; et iceluy mesme article, et les cinquante-trois, cinquante-quatre, cinquante-cinq et cinquantescptiesme, des serments que debveront faire les chevalliers de l’ordre. Lesquels articles et chascun d’eulx ci-dessus désignés, selon leur forme et mauière, vollons demourer fermes et entiers, sans par nous, nos suCCesseurs souverains, ne
MÉMOIRES DE SAINT-REMY,
er <q QC CO de Ce de ce à .
me ————— + + 0 + mt
aultre, y estre faict mutation auleune. Et voullons que, au vidimus de cestes, soubs nostre scel d’iceluy ordre, ou aultres authentiques, pleine foy y soit adjoustée comme à l’original. Et affin que che soit chose ferme et estable à tousjours, nous avons faict mettre nostre scel à ces présentes.
« Donnée à nostre ville de Lille, le vingtseptiesme jour de novembre, l’an de grace mil quatre cens trente et un. »
