SIRE

Au sortir de ocstre enfance, remplie naturellement de la generosité paternelle, vous ares tellement embrassé et suivy la vertu hereditaire, qu'il n'a point esté necessaire de vous monstrer cette lettre pytagorique , dont l’une des voyes est large, l'autre estroicte; non plus que ces deux femmes de Valeur et de Volupté qui debattoient et persuadoient à Hercules ja en adolescence de les suivre, chacune d’icelles le tirant de son costé. Vostre voye , vostre chemin à la vertu estoit de naissance empreinte dedans vous, et ne restoit qu'à en faire paroistre des valeureux effects pour immortaliser vostre nom , au repos et reglement de vostre royaume ou entreprise contre les Infideies, ou reconquerwr ce qui vous appartient. De quoy J'avois fait un project il y a deux ans, et nommément du dessein pour la réunion des Huquenots à l'Eglise catholique, dont mes escrits en avotent prevu les effects glorieux d'avoir une

sympathie ou ressemblance à ce qui est arrive, mais arec beaucoup de meilleurs conseils et effects de Vostre Majesté que je n'osois penser. Reste de les poursuivre jusques au bout à la reunion de tous les hereliques «de vostre royaume , ou bien , se contentant de leur avoir monstré leur impuissance , leur oster le moyen de mal faire et affermir costre suprême authorite. Après quoy vous tombez dans les autres desseins, de bien et deuerrent regir vostre Estat, ou dans les projects de guerre susdicts ; entreprise d’un grand courage et d'une ferme resolution. Vray est-il qu'il n'y a moins d'honneur à garder son heritage en justice, q'e d'acquerir celuy d'autruy; ct semble que quand tout d'une veue l'on voit les dirersites des des. seins et les difficultés qu'ils conlirnnent, que le choir en est beaucoup plus facile, lequel je souhaitte estre selon Dicu la grandeur de Vostre Majesté et le bien de vostre royaume.