LIVRE CINQUIESME
Menées dn comte d’Aignemont , envoyé en Angleterre pour traicter le mariage de la royne d'Angleterre avec
domp Philippes , fils de l'empereur Charles V. — Siege de Valfenieres par le mareschal de Brissac, lequel il fust en fin contraint de lever par la perte de la bataille que fit le mareschal de Strozzy en Italie.—Entreprinse, siege, batterie et reddition de la ville d'Yvrée an mareschal de Brissac, suyvie de celle du fort de Masin « païs de Biellois. — Ambassade des Suisses au mareschal de Brissac pour retirer ses armées de la vallée d'Oste, avec la responce dudict sieur mareschal. — Autre ambassade de Valeisiens audict sieur mareschal , avec l responce d’iceluy. — Diverses remonstrances du mareschal de Brissac au roy et à M. le connestable sur la vecessité des affaires du Picdmont. — Prinse et fortification de Santia. — Menées du comte de Chalant pour x faire declarer de mauvaise prinse. — Entreprinse des ennemis de fortifier Gatinarre, d’où le mareschal les contraint de desloger. — Entreprinse et execution sur la ville de Casal par le mareschal de Brissac.— Diverses expugnations de la citadelle de Casal , qui est en fin rendue au mareschal de Brissac. — Demandes et remis strances du mareschal an roy.—Entreprinse double sur la ville d’Ast.—Desseins et prapositions du comie de
. Chalant pour reconcilier les princes chrestiens. — Amples responces et remonstrances du mareschal à Sa Ma-
jesté, avec un estat des places que le roy tenoit en Piedmont , et des forces qu’il y falloit entretenir.
:Entrans en janvier 4554 , le comte d'Aiguemont passa en Angleterre, où il fit tant de poursuittes et d'instances de la part de l'empereur à l'endroict de la royne d'Angleterre pour le mariage d'elle et de son fils domp Philippe, qu'elle y consentit, et en juillet de ladicte année il passa en Angleterre pour consommer le mariage.
Sur le commencement de 4554, Theode
Bedaigne, Albanois, vaillant capitaine, fut adverty que trente cellades de domp Alvaro de Saude, maistre de camp imperial, estoient sorties d'Ast pour aller à la picorée. Il les alla rencontrer sur le chemin de Tiglioles, où il les défit tous sans autre perte que celle de trois des siens. :
* Sur le mois de fevrier Scipion Vimercat estant monté à cheval avec quatre-vingts cellades et cent arquebusiers , conduicts par le capitaine Rousset, ils furent rencontrés près de Monteil par les ennemis, qui les traicterent si rudement , qu'il perdit douze des siens ; le capitaine Rousset demeura blessé et prisonnier valeureusement combattant.
En ces entrefaictes le mareschal eut nouvelles que le baron de La Garde, s'estant jetté en mer avec les galleres du roy, avoit esté si combattu de divers orages, qu'il avoit perdu deux galleres, et qu'en se laissant emporter par le vent, il avoit rencontré deux navires venans de Naples , chargés de six cens Espagnols, qu'il avoit combattus et prins. Ce
fut un remboursement de perte et un rafraischissement de chiourmes.
Aussi que Montalcino , ayant esté assiegé et battu par cinquante jours, avoit esté si bien defendu , que l'ennemi avoit levé le siege. ;
En ce temps le duc de Ferrare manda au mareschal qu'il estoit si mal assisté de bons capitaines, que force luy estoit de le prier de luy prester pour un temps le seigneur Francisque Bernardm Vimercat ; dont il sex:
cusa le plus courtoisement qu'il peut sur l'urgente necessité des affaires. Cela fut en partie cause de son advancement ; car lors qu'il y pensoit le moins Île roy le voulut avoir en son armée , le fit mareschal de camp, et de main en main chevalier de l'ordre. Ce sont graces et faveurs concedées, au temps que j'escris, à peu de personnes de valleur, toutes choses estans ‘aujourd’hui si corrompues et desguisées, que j'ay quasi regret d'avoir tant vescu.
En may le duc d'Alve partit d'Espagne avec quinze galleres, qui eurent le vent et les orages si contraires, qu'il fut contrainct relascher à La Croisette, à trois lieues de Marseille, où j'ay esté; dont le baron de La Garde ayant eu advis, sortit du port de la ville avec quinze galleres en intention de le combattre ; mais luy, le voyant venir de loin, se sauva par un vent favorable à luy et contraire aux nostres, qui furent trop tard advertis par le chevalier d'If.
(4554) Vous avez cy-devant veu que quand le mareschal dressa l’entreprinse de Verceil, le sieur domp Ferrand estoit maistre de la campagne, et qu'il s'estoit, comme tel, mis à fortifier Valfenicres, assise à quatre lieues d'Ast, à deux de Villeneufve, à quatre de Quiers , à sept de Carmagnolles et Carignan, à huict de Montcallier et à dix de Thurin, et que par ainsi toutes ces places royales auroient beaucoup à souffrir si ceste place de Valfenieres demeuroit longuement debout.
C'est pourquoy, les choses bien consultées avec tous les plus apparens seigneurs et capitaines de l’armée, le mareschal print resolution de l'aller assieger, ayant sceu qu'il n'y pouvoit avoir vivres dedans pour plus d'un mois ou six sepmaines. En ces entrefaictes l'empereur revoqua le sieur domp Ferrand, et commit en sa place par provision domp Figuerol, qui luy servoit precedemmen d'ambassadeur à Gennes. | En la resolution qui avoit esté prinse d'attaquer Valfenieres, le mareschal assembla l'armée , composée de dix à douze mil hommes de toutes nations, et de mil chevaux, et s'alla loger à Sainct Paul et Sobry, deux villages bruslés, à la portée du canon de la forteresse. Il meit aussi à Isolabelle, proche d'une lieue de Valfenieres, la plus grand part de la cavalerie avec deux cens arquebusiers, pour faire les gardes et défendre leurs barricades. Le lendemain que l'artillerie fut logée et placée, et que chacun commença à se couvrir de tranchées et barricades , le mareschal fit jetter à la campagne le sieur d'Ygié fils et lieutenant de Maugiron, avec deux cens chevaux et trois cens arquebusiers , pour dresser une escarmouche contre les ennemis, pour, à la faveur d'icelle, pouvoir plus aisément recognoistre les fortifications de la place, et par là faire jugement de ce qu'il pourroit entendre contre elle. Ayant faict ce qu'il desiroit, et se voulant retirer, l'ennemi tira plusieurs canonnades, l'une desquelles donna en terre près de luy, et de là le boulet fit un bond et alla donner contre la cuisse de ce pauvre sieur d'Ygié, qu'il luy froissa toute. Porté au logis avec douleurs infinies, la gangrene s'y mit, et mou-
rut le lendemain. Ce fut un très-grand dom-
