LIVRE CINQUIÈME

chargées de farine et de tous autres rafraischissemens. Luy, estimant que aussi tost que nous le verrions comparoir que nous nous reürerions, envoya donner l'alarme du costé de Butiglieres , par cent ou six vingts, que chevaux, que arquebusiers , sortis de Cameran ; il fit aussi de mesme de son costé, faisant marcher devant luy des païisans qui asseuroient qu'il avoit sept ou huict mille hommes, avec douze cens chevaux. Et de faict, se avançant tousjours sur ceste asseurance vers Villefranche , il se trouva si rudement chargé et repoussé par une bonne trouppe de cayallerie et fanterie qui s’y estoit barricadée toute la nuict, qu'il fut contrainct se retirer avec sa perte et sa honte. Pendant que le jeu se demesloit, le mareschal tenoit son armée en bataille à deux intentions : l’une pour empescher ceux de dedans de sortir, et l'autre pour courir au secours de Villefranche , si mal bas. toit aux nostres, et faire teste aussi à La Trinité s’il s'avançoit, comme il ‘estoit à croire qu'il feroit sur telle occasion. Voilà comment la vigilance et le jugement du chef doit demesler les affaires, s'il en veul avoir l'honneur et la gloire.

La Trinité, ne pouvant supporter la reprinse | de Somme-Rive , s'addressa à un petit chasteau nommé Vautignasc, entre Cental et Saviglian , qu'il print aisément , n'estant gardé que par les gentilshommes auxquels il appartenoit , et qui avoient sauvegarde de luy. Mais pour cela le mareschal ne s'esbranla de rien, remettant la partie après que il auroit ordonaé de son siege, sa place ne pouvant estre fortifiée à l'espreuve du canon en un mois.

En ce mesme temps le duc de Parme donna advis au mareschal de la route du seigneur

.Strozzy, luy mandant que les lansquenets nouvellement levés pour la Toscane avoient

commandement , à cause de cela, de tourner vers le Piedmont pour donner force au secours de Valfenicres. Luy cnvoya les mesmes lettres d'advis à Sa Majesté , la suppliant qu'ayant faict consideration sur le cours des affaires, elle luy voulust diligemment donner les moyens propres pour recueillir l'honneur et le fruit d'un si long siege que celuy de Valfenieres; ce qu'il ne pourra empescher, ce nouveau secours arrivant, et moins encores

GA MÉMOIRES DE BOYVIN DU VILLARS. (1554

que, cela faict, ils ne se mettroient à fortifier quelques autres places, qui empescheroient la recolte et ce peu de secours qu'on üre du pays pour les affaires extraordinaires de la guerre, laquelle se demesle tousjours heureusement quand par prevention on dispose à temps de la seureté du présent et à l'advenir aussi, et tousjours avec moindre despence et hasard qu'autrement on ne faict jamais. Mais quoy ! il fust aussi peu creu en tout cecy qu’on avoit cy devant faict en tant d'autres, les François ne faisans jamais rien qu'à la haste, hors de temps et avec triple despence.

Les ennemis estoient veillés de si près, et les advenues si bien batues, qu'il ne pouvoit rien entrer dans la place, Sur la fin du premier mois, La Trinité, gouverneur de Fossan, frere du comte de Beyne, autant mauvais et cruel que cestuy-cy estoit bon, vouut entreprendre de jetter dans Valfenieres deux cens bestes chargées de farine, soubs la conduicte de cent cellades et environ cent arquebusiers à cheval. Sur la nuict le mareschal en fut adverty, lequel fit soudain jetter deux cens chevaux et quatre cens arquebusiers du costé par où La Trinité pouvoit venir, et qui avoit des-jà faict telle diligence, qu'il estoit à une lieue près de la ville quand nos gens rencontrerent sa trouppe , qui fut si furieusement chargée, que tout s'en alla à vau-de-route , comme firent aussi aucunes des bestes de charge; le reste servit de butin à nos trouppes. Mais La Trinité, conducteur, fut suivy de si près par le sieur de Terrides avec trente hommes d'armes, qu'il fut contraint se jetter à corps perdu dans la riviere de Sture, d'où il se sauva à la nage, sçachant assez que sa teste eust payé sa rançon.

De là à trois ou quatre jours, sur le commencement de la nuict, les sentinelles donnerent advis qu'ils voyoient Ja ville de Valfenieres toute en feu. Le mareschal et tous les autres monterent soudain à cheval pour recognoistre que c'estoit. Si tost qu'ils se furent un peu advancés sur la campagne’, ils ouîrent une grande salve de canonnades ct d'arquebusades, qui recommencerent de mesme demie heure après : le mareschal jugea soudain que c'estoit de deux choses l'une; ou la res-

jouissance du traicté que l'empereur faisoit manier en Angleterre par le comte d’Aiguemont pour le mariage de son fils, ou que le sieur de Strozzy avoit perdu la bataille en Italie. Ayant reprins la routte du logis, de là à deux heures il eut deux messages, l’un d'Ast et l’autre d'Alexandrie, par lesquels il fut bien adverty que le sieur Strozzy avoit perdu la bataille le dernier d’aoust. Cet eschec, vena si mal à propos pour le siege qu'il avoit commencé, le fit entrer en deux considerations : la premiere , que, pour reparer les fautes, les finances seroient plus resserrées et courtes sur ce qui luy avoit esté recentement promis; l'autre , que Le Figuerol, qui preparoit une armée pour secourir Valfenieres , seroit plus favorablement secouru par les Milannois et Gennois qu'autrement il n'eust pas esté, et qu'au lieu de se resoudre à le combattre, comme il avoit precedemment faict , ce n'estoit chose ny raisonnable ny asseurée , en tant que semblables pertes, ores qu'esloignées’, apportent tousjours quelque crainte et froideur parmy les ames qui ne sont pas bien ferrées pour les combats. Et neantmoins il n'en voulut rien deliberer en son particulier,

ains, ayant assemblé tous les seigneurs de

l'armée, ils furent d’advis de faire joug à l'in-

convenient pour le regard du combat contre

l'ennemi, qui venoit secourir Valfenieres; mais que pour cela, conforme à son advis, il ne falloit pas quitter la campagne, ains se resserrer tous en un seul corps, pour voir la contenance de l’ennemi, et le travailler et barasser par continuelles escarmouches, par la vallée de Bellot et Villefranche, qui va en

Ast, où le païs est fort pour la fanterie. Ainsi

arresté ainsi fust-il executé, non pas à la haste pour fuir l'estonnement, mais tout à loisir, sous pretexte de faire nettoyer et repurger le logis infecté du long sejour.

Domp Figuerol, nourry parmy les Gennois, à la nouvelle de ‘ceste victoire, esleva ses esperances sur le secours qu'il avoit deliberé de donner à Valfenieres, et obtint d'eux environ Cinquante mil escus de prest, qui aiderent à abreger le chemin pour faire amas de plus grande quantité de vivres. Le mareschal, qui s'estoit souvent promené par ceste vallée de Villefranche, s'advisa d'avoir re-

ee mn,

marqué un endroit par la commodité duquel il pourroit donner une lourde venue à l'armée imperiale. Sera donc cy noté que, du costé de la main droicte , elle a, tout le long de la montagne, un certain canal ou cavin qui reçoit les eaux et les torrents des collines circonvoisines; il est tout couvert de brossailles,

et a en divers endroicts certains recoings ou :

petits valonnets, propres pour cacher bonne trouppe de fanterie et quelque cavalerie, qui ne peut estre veue par ceux qui viennent du costé d’Ast, comme l'armée ennemie devoit faire. Il faut aussi noter que , pour passer sur ce canal ou cavin , il y a au pied de la montagne un seul pont de bois qui est veu à cavalier du costé de Sainct-Paul, où nostre armée et l’arüllerie estoit toute retirée ; à la main gauche est le grand chemin, tout serré de hayes et fossés de costé et d'autre, au delà duquel il ya un bois taillis, dans lequel se pouvoient cacher deux mille arquebusiers , et plus avant trois ou quatre meteries abandonnées , où se pouvoient aussi loger, à couvert, pour ceux qui viennent devers Ast, plus de deux cens chevaux ; le tout à cinq ou six cens pas dudict Sainct-Paul.

Le mareschal, des plus grands chasseurs et remarqueurs de chemins de son temps, ayant bien ruminé sur cecy, le communique à Bonnivet, president de Birague , La Motte- Gondrin, Terrides, Pavan, Biron et autres, qui trouverent tant d'apparence à ceste execution, que chacun vouloit estre des premiers à ce combat. Or les choses furent ainsi ordonnées : premierement que Bonnivet s'iroit loger avec seize cens arquebusiers et quatre cens picquiers dans ce taillis, le ventre contre terre ; Pavan et Gondrin, avec deux cens chevaux, en ces meteries abandonnées, le tout au costé gauche ; et au droict dans ces cavins Chepy avec cinq cens arquebusiers ; Terrides et Biron avec autres deux cens chevaux dans ces vallonnets recogneus au dedans de la montagne ; les uns et les autres avec commandement de ne s’esbranler jusques à tant qu'ils vissent une enseigne blanche sur le clocher de Sainct-Paul, qui regardoit tout le long de la vallée; qu'au mesme instant qu'ils se logeroient, luy mettroit toute l’armée en bataille avec la cavalerie, pour descendre contre