LIVRE CINQUIÈME

verseroient au premier choc. Les nostres firent que‘que vertucuse resistance ; mais, estans destitués du support de nostre cavalerie, qui avoit fuy du commencement, et survenans autres trois cens chevaux de l'ennemi, qui donnerent par le flanc, 1ls furent ouverts et de main en main renversés à vau-deroute. Les François et lansquenets serrés ensemble , quoysque destitués du support de la cavalerie, combattirent fort longuement et courageusement; mais, estans en fin enveloppés de tous ‘costés, il furent renversés, non sans grande tuerie des ennemis. Strozzy cependant de son costé combatit si vaillamment avec eux, qu'il en fut loué et d'amis et d'ennemis , et blessé en deux endroicts ; à la fin, cedant à fortune, il fut contrainct se sauver à Lucignano proche d'une lieue, où la pluspart de l'armée se sauva aussi. Fourquevaux, colonnel des Grisons, fut prins prisonnier, celuy des François, nommé Velleron, tué au combat. Les choses recognues et remises en quelque train, chacun se retira à Lucignano mesmes, pour faire panser une infinité de blessés; et cependant il envoya dans Sienne, Montluc y estant fort malade, le conte de la Mirandole , Cornelio Bentivoglio et le baron de Rabat, personnages signalés. |

Dès que Strozzy eut pourveu de gens et de vivres Lucignano, où Alto Conte commandoit, il alla faire mesme provision aux autres places : le lendemain, l'ennemi ayant faict sommer la place, Alto Conte la rendit sans coup ferir avec toute nostre artillerie, dont depuis il perdit meritoirement la teste. Le guydon du comte de la Mirandole, qui avoit fui le premier avec la cavalerie, et faict aussi fuir le reste par trahison pourpensée , à la suscitation du duc de Florence , qui l’avoit corrompu à force d'escus, fut pendu : dont il resulte, à l'honneur de Strozzy, que l'or et la meschanccté des hommes furent ceux, et non la vertu, qui luy desroberent la victoire. L'ennemi, avant adressé son armée et envoyé les prisonniers à Florence, retourna au mesme siege de Sienne, que Strozzy luy avoit n’aguieres faict quitter.

Si le sieur Pierre Stozzy se fust souvenu que la fortune n'a jamais faict tant de faveur à un

general d'armée ; qu'elle ne luy ait soudain

faict autant de menaces , et qu'il ne faut jamais entreprendre de donner bataille avec gens nouvellement levés, comme estoient presque tous les siens, contre des veterans ny tels qu'estoient les ennemis , et que les siens estoient desjà à demy recreus, et par les corvées precedentes , et par la propre necessité de l'eau ou des vivres, il n'eust jamais exposé l'estat du Siennois au hasard de ceste bataille. Aucuns tiennent toutesfois que quand le peril est sur les yeux, comme on dit qu'il estoit lors à luy, qu'il se faut soudainement attacher au seul party qui nous demeure, de salut et de victoire, et avec un courage resolu et intrepide , tel qu'il monstra bien qu'estoit le sien , la force estant celle seule qui demesle ces fusées, et non la crainte tousjours honteuse et dommageable ; car depuis qu'elle nous saisit, nous perdons le jugement et la: force , demeurans stupides.

Mais pour tout cela les courageux et genereux ne se doivent jamais contrister quand d'une excellente fortune ils tombent en une contraire, toutes choses estans sujettes à mutabilité et à fin.

Nous voyons ordinairement que tout aussi tost que la fortune commence à nous rudoyer, que ce n'est pas pour une seule fois, mais qu'elle y retourne tousjours jusqu'à tant qu’elle nous ait du tout mattés; et n’y a prudence ny conseil qui n'en soient souvent renversés :

ainsi qu'il advint à Stozzy, car, ayant tourné vers Montalcino, soudain Janinzet vendit Montecaguvoli à l'ennemi, et le comte de Gajasse rendit laschement Caselle.

Le jour de Noel, le marquis de Marignan, estimant que la faim et la necessité auroient miné le courage des Siennois , donna une esculade generale, qui fut si vertueusement soustenue par ceux de dedans, qu’il y perdist plus de deux cens hommes. Ceste secousse le rendit deslors en avant plus retenu.

Sur le caresme, ceux de Sienne voulans pourvoir à leur seurté, qu'ils voyoient fort esbranlée , ils mirent dehors, par l'advis du mareschal de Strozzy , deux des principaux bourgeois, les chargeant de venir trouver le mareschal de Brissac à Thurin, luy donner Communication de l’estat de leurs affaires, tant pour son instruction particuliere que par

MÉMOIRES DE BOYVIN DU VILLARS

ce qu'eux-mesmes luy pourroient dire et representer de vive voix. Je commenceray par ladicte instruction, laquelle en sa substance portoit que , s'il plaisoit au mareschal de Brissac de marcher vers Sienne avec les forces qu'il estimoit estre lors en ses mains, que Sienne seroit indubitablement secourue, toute l'armée ennemie estant si debile ‘par faute de payement et de vivres , qu'elle feroi largue au premier bruict de sa venue.

Qu'il faudroit que l'armée print le chemin de Parme, et qu'elle portast vivres pour s’entretenir jusques là , où elle recevroit toutes sortes de rafraischissemens de la part du duc, et mesme d'hommes si elle en avait besoin.

Que les seigneurs lucquois avoient donne asseurance de fournir vivres à l'armée , quand bien elle seroit composée de deux cens mil hommes, pour deux mois. |

Que l'armée ayant passé la Garfaguane, ledict sieur Strozzy viendroit au rencontre avec mil hommes, avec asseurance de donner une ou deux payes aux soldats, y ayant desjà pour ce faire six-vingt mil escus assemblés.

Que combien qu'il n'y eust plus dans Sienne que de vivres pour tout le mois d'avril, neantmoins, en l'asseurance de ce secours, ils mangeroient jusques aux herbes , autrement que force leur seroit de la rendre.

L'instruction particuliere de ceux de L ville portoit que toute leur esperance estoit, après Dieu , fondée en la valeur ‘de ses armes ; car de l'esperer d'autre main que de la sienne , ils n’y voyoient apparence, n’y ayant en la chrestienté prince ny seigneur qui wiumphast de plus de victoires qu'il faisoit ; qu'ils avoient commandement de luy offrir trente mil escus pour les frais de la conduit de l'armée, et une paye en arrivant ; qu selon la responce qu'il leur feroit, ils donne. roient jusques au roy, pour supplier Sa Mijesté avoir pitié de leur calamité. Le mareschil les remercia de la bonne opinion qu’ils avoieni de luy , et leur dict que l'affaire meritoit bica d'y penser à loisir, comme il feroit ce jour là , et le lendemain leur feroit responce.

Or , pour autant que depuis la bataille de Sienne , le sieur domp Juan de Luna , qui s'y estoit trouvé, comune vous avez veu, avoit

ne

mm nn Re =

de ne is EF

[1554] receu quelque tort de l'empereur, il s’estoit retiré au service du roy : le mareschal estima que luy , qui avoit mené le renfort au marquis de Marignan, le sçauroit mieux conseiller que nul autre sur l'entreprinse de ce secours; il le fitappeller avec les seigneurs de Bonnivet, president , et Ludovic de Birague.

La matiere mise sur le bureau fut longuement disputée, et en fin resolue à ce poinct, que, pour entreprendre la delivrance du Sicnnois, il falloit faire estat d'un bataillon de François de huict mil hommes choisis, de quatre mil Suisses et trois mil Italiens , assistés de mil chevaux françois aussi choisis.

Avoir trois cens mulets, les deux cens chargés de pain et farines, et les autres de poudre, mesche, plomb, et de deux cens boulets de coulevrine.

Avoir trois coulevrines et trois sacres bien équipés, conduicts par chevaux , et un conducteur avec les canonniers au nombre de douze , et cinquante pionniers.

Donner au bataillon des François deux personnages de qualité , avec six archers du prevost, pour avoir le soin de la provision et distribution des vivres, et tout de mesme pour les Suisses et Italiens.

Deux autres personnages, avec trente archers, pour avoir l'œil et le soing sur les mulets et leurs conducteurs, et pour tousjours faire remplir, de lieu à autre , ce qui seroit vuidé de leur charge. |

Deux autres pour avoir l'œil avec les commissaires de l'artillerie, canonniers et autres , sur l'artillerie.

Qu'il y eust ordonnance à peine de la vie, à tout soldat ou autre qui pilleroit, rançonneroit ou battroit. aucun, et qui: sortiroit de son rang en marchant.

Que les capitaines , et tous ces personnages et archers, ainsi choisis , donnassent ordre que chacun soldat portast toujours sur luy , enfilé en sa mesche, du pain pour vivre un jour entier : les mulets de l'avoine , selon la commodité qu'ils pourroient recouvrer, et la cavalerie pain et avoine pour un jour , attachés derriere l'arçon.

= Que la cavalerie n’auroit qu'un seul valet

sans laquais, et les gens de pied de quatre