LIVRE CINQUIÈME
la nuit en garde vers le pare et du costé de la porte de secours, fit si mal son devoir, que le capitaine Salines , Espagnol , avec cent arquebusiers , entra dans la place environ deux heures devant jour : ce qu ‘ayant esté recogneu, il fut mis entre les mains du prevost, et la faute mise à la deliberation du conseil , où il fut condamné à estre passé par les picques ; mais le mareschal, prenant un plus gracieux parti, leur dict: « Il est gentilhomme, ceste mort porteroit consequence d'infamie à sa posterité ; je suis resolu de luy donner demain charge de donner l'assaut, avec la compagnie qu'il commande , à ce ravelin : si la fortune luy est si favorable qu'il en revienne , le hasard qu'il aura couru servira d'expiation à son peché; si aussi il y meurt, au moins sera-t-il mort glorieusement en servant son prince. »
Cesie resolution fut trouvée fort louable, et le gentil-bomme l'accepta avec action de graces , et se prepara comme bon chretien à cest assaut , auquel vaillamment combattant il mourut, le ravelin conquis : dont le mareschal conceut grande esperance pour le reste. Mais, ne voyant pour cela ceux de dedans aucunement cstonnés , et craignant tousjours le se cours , il prit un fort hasardeux parti pour ca avoir la fin ; c'est qu'il proposa de mettre l'artillerie das le fossé , à dix pas des murailles, pour tirer dans ces voultes du chasteau, et, yayant fait ouverture, jetter dedans trois, ou quatre cacques de poudre pour faire voller tout en l'air. Il n'y cut gueres de capitines , commissaires de l'artillerie , ny autres , qui ne demeurassent estonnés à si dangereuse execulion. Quoy voÿant , il appella le sieur de Richelieu, gouverneur de Courtemille , et qui mourut maistre de camp devant Bourges lorsque le sieur d'Yvry et les buguenots la deffendoient contre le roy Charles neufviesme avec le colonel des Suisses, et dit à chacun d'eux : « Je vous prie m'amener ce soir chacun deux cens des plus determinés soldats que vous ayez, pour m'aider à dresser une batterie dans le fossé , avec deux cens pionniers que j'auray avec moy.» Chacun d'eux à l'heure dicte s'y trouva avec ses gens , ct lors les pionniers commencerent à travailler pour abattre tant du fossé que l'ar.
674 | MÉMOIRES DE BOYVYIN DU VILLARS. (1554
tillerie y peust descendre , le mareschal y mettant la main luy mesme : quoy apperceu par lesdicts sieurs de Richelieu , Fiolic, et commissaires de l'artillerie , ils le vindrent, tous d'un commun accord , 'prendre par le corps, et le tirerent hors de là , se plaignant de l'injure qu'il lear faisoit, ne les estimans pas assez ‘courageux ny suflisans pour faire ces approches , quelques dangereuses qu'elles fussent; qu'il devoit suflire à luy qui estoit leur chef, et de la vie duquel dependoit le salut de l'armée et de ceste conqueste aussi, de commander et à eux d'obeir. Ceste amoureuse et affectionnée remonstrance luy attendrit tellement le cœur , qu'il en laissa eschapper une larme ou deux, leur disant : « Vous voulez donc , mes amis, que je me monstre indigne de la gloire que vos intrepides courages m'ont acquise ? » Il s'arresta toutesfois un peu à l'escart , et en lieu d'où il voyoit et ordonnoit tout. Dès que les ennemis ouyrent ce remuement , ils tirerent incessamment arquebusades aussi menu que gresle , qui emporterent en moins de rien une trentaine de pionniers, dont on remplit les gabions , et quelques soldats aussi.
Soudain on meitla main à dresser les platesformes pour quatres canons , où la besongne se trouva si chaude, qu'en moins de rien vingt-cinq, que François , que Suisses , y furent tués ou blessés, et tous par la teste. Tant y a que l'artillerie fut descendue et mise en batterie , et faictes de costé et d'autre de petites traverses de terre pour couvrir les commissaires, les canonniers et leurs poudres, et un corps de gens de gucrre pour la garde.
Le mareschal, voyant les choses en bon train, fit donner un escu à chacun de ceux qui avoient travaillé , et porter à boire et à manger à ceux qui furent mis en garde.
Dès que le jour commença à paroistre , les quatre pieces commencerent aussi à tirer dans ces voutes : à la centiesme vollée on commençÇa à faire un peu de jour à costé d'une canonnicre. L'ennemi , tirant incessamment , blessa plus de cinquante hommes ; mais sur le midy, craignans cela mesme que le mareschal avoit projecté , et à quoy ils ne pouvoient plus remedier , les quatre cens Allemans qui estoient dedans les plus forts , per-
suadés et intimidés par nos truchemans , qui leur parloient toute la nuict de dessus ces ravelins, commencerent à se mutiner et à dire qu'il ne se falloit perdre en s'obstinant par trop à deffendre une place qui avoit desjà perdu deux mains , et à qui on coupoit les pieds. Le capitaine Salines et Vincent Guerrier , qui s'y voulurent opposer, coururent hasard. En somme , sur les deux heures après midy , ils donnerent la chamade, et commencerent à parlementer : ayans donné ostage , le mareschal commanda au sieur de Richelieu et Frarcisque Bernardin d'aller traiter avec eux, et de m'y mener pour coucher la capitulaticn par escrit, avec Gaspard Holster , l'un des truchemens de la langue germanique , pour leur accroistre la crainte, pour tant plustos parvenir à la reddition de la place.
Nous les trouvasmes fort hauts à la main, demaadans l'artillerie, munitions, bagues, et toutes autres choses estans dans la place, sortir en bataille , enseigne desployée et ubourin sonnant , et terme de huict jours pour se rendre s'ils n'avoient secours , et que cependant tous actes d'hostilité cessassent. Je mis leurs demandes par articles , lesquels ledict de Richelieu et moy allasmes monstrer au mareschal , qui accorda la sortie en armes, bagues sauves ; l'arüllerie et munitions qui estoient dedans appartenans au duc de Mantoue, qu'illes envoyeroit prendre quand il les voudroit;mais que quantàcelles qui se trouvervient appartenir à l'empereur, elles demeurervient au roy, etqu'ils n’auroient autre terme que de vingt-quatre heures pour sortir, à conditi.n que , leur venant secours , ils demeurrroient quittes de leur parole. Aucuns trouverent ces capitulations advantageuses pour l'ennemi, mais cela demeure renversé par Ja necessité des affaires , qui estoient en si mauvais terme, qu'il ne se falloit obstiner sur les compositions de l'accord , afin de gaigner le temps et dissiper les forces de l'ennemi, comme i succeda depuis. Qui s'arreste par trop aux ceremonics, est souvent mal disné et pirtment partagé.
Nous retournasmes dedans pour leur communiquer ce qui avoit esté accordé, les lansquenets appellés; mais, persistans Salines et Guerrier à vouloir avoir ces huict jours de
OR RE PE ER PE ge —
Re me =
terme, les Allemans, qu'Holster avoit eschauffés, commencerent à se mutiner et à dire qu'ils rendroient eux-mesmes la place à compositions si tolerables qu'estoient celleslà ; de façon que le gouverneur signa avec les autres chefs , Salines , par brayade espagaole , n’y ayant voulu intervenir. Le marescbal , voyant les choses accordées, en receut une extreme joye , qui fut soudain contre-
m pesée de la crainte du secours. Et de fait, il
| fit incontinent assembler tous les seigneurs,
“ auxquels il remonstra que, combien que le
ni
fa]
fruict de la vicwire fust prest à cueillir , que neantmoins le serpent qui le gardoit nous pourroit bien mordre si on ne le veilloit de près ; qu'il les prioit de monter à cheval avec luy , pour aller si bien loger et barricader l'armée, que l'ennemi , venant au secours, ne la peust eufoncer de pas un des costés, et à ces fins, dès maintenant coupper les arbres et traverser tous les chemins, sur lesquels il faudroit tenir force sentinelles ; et que tous les chefs, tant colonnels que capitaines et autres , prinrent resolution de coucher et veiller armés les vingt-quatre heures, pour pourvoir à intrepidement repousser l'ennemi, lequel n’avoit point tant de forces assemblées qu'il peust entreprendre le jeu; que luy, avec Richelieu et Salveson, prendroient garde et à la ville et à la citadelle, afin que chose quelconque ne peust interrompre l'esperance victorieuse en laquelle ils vivoient. Ainsi dict , ainsi fut-ilfaict. Bonnivet, d'Ampville et les autres seigneurs ayans prins chacun sa place pour la deffendre jusques au dernier souspir.
Le marcschal ordonna les corps de garde
% de la ville, et deux cens hommes qui alloient # en quatre esquadres de rue à autre, faisans # Ja patrouille pour contenir le dedans en # crainte. Si tost que la nuict fut venue , le ma-
reschal commanda à tous les siens de se tenir
près de luy avec leurs armes , pour executer
les commandemens qu'il leur donneroit. Sur les dix heures du soir on commença à voir des feux tout le long de la montagne du Montferrat , à sept ou huict cens pas de Ja
# ville, et à ouir plusieurs arquebusades, et
voix crians secours ; mais nul ne futjamais si hardy que de venir sonder le gué. A ces voix I ;
