À = KE RE L

Cr La EE x a.

[1555] | Le dixiesme, l’ennemy s'estant preparé dés le soir à faire deux grandes batteries, par l'aide d’une platte-forme qu'il avoit faict dresser sur l'endroit qui regarde le chemin de Sainct-Germain , aussi tost que le soleil seroit levé , il se leva au poinct du jour un si grand brouillars, qu'on ne se pouvoit quasi entrevoir qu'il ne fust plus d'onze heures : et lors l'artillerie fit grande diligence de battre le clocher, qui les voyait de tous costés, lequel, ayant enduré deux cens vollées, tomba à terre sans offenser personne. Au mesme temps aussi ils battoient le bastion d’Ampville et la courtine aucunement veue par ladicte plate-forme: en tous lesquels lieux furent ce jour là tirés environ trois mil cinq cens coups, qui firent peu d'effet dans ces fortifications de terre bien enchaisnées et entrelassées de grandes poultres. Par autres deux jours ensuivans ils tirerent, par-Ccy par-là, encore douze ou seize cens coups à diverses reprinses , qui

‘ firent, comme les autres, si peu d'effect,

qu'en moins de rien tout se trouvoit diligemment remparé. Sera noté que les courtines de ceste place estoient anciennes , hautes et espoisses de soixante à quatre-vingts pieds en plusieurs endroicts ; de manicre que ceux de dedans tiroient incessamment , et avec tel advantage que nul ne s'osoit monstrer. En ce temps le duc d'Alve surprint un paquet de Gonnort tout en chifre qui s'addressoit à Bonnivet ; il l’'envoya à Florence, où tout fut déchifré et sur iceluy une lettre dressée aussi en chifre au nom du mareschal , par laquelle il mandoit à Bonnivet de se rendre; mais la finesse ayant esté preveue, advis en fut donné à Bonnivet, à ce qu'il se tint plus resolument sur ses gardes que jamais, car il seroit secouru. |

Sur le midy du douziesme , il advint un cas ridicule; c'est qu'un asne qui paissoit le long des remparts se vint de luy-mesme parquer au droict des batteries, où il commença à braire si haut que dedans la ville et au dehors il s'en fit unc grande huée : plus de sept volées de canon luy furent tirées sans qu'il fust jamais touché, de manière que les François commencerent à crier : « Qui veut l'asne si s'advance. » Mais avant que passer plus outre je diray que, là où il se traicte de batailles