LIVRE NEUFVIESME

Depesche du sieur de Gonnort vers le roy, pour l'induire à envoyer secours d'hommes et d'argent en Piedmont,

— Advis du duc de Ferrare au mareschal de Brissac, sur ce que le pape s’estoit accordé avec l'Espagnol. — Divers advis du mareschal à Sa Majesté sur diverses occurrences.—Prinse de Montechar et de Costiglioles par les ennemis. —Iimposition nouvelle mise par le mareschal de Brissac sur le Piedmont pour l'entretenement de l’armée. — Divers bruicts semés par les ennemis, au desadvantage du roy, sur la deffaicte de M. de Termes près Gravelingues.—Arrivée du mareschal de Brissac en France , qui est faussement accusé par les menées du vidame de Chartres, nonobstant quoy le roy le loue et exalte publiquement.—Propositions dudict mareschal à Sa Majesté pendant son sejour en France. — Retour du mareschal en Piedmont, qui en chemin reçoit nouvelles des forces que l’ennemy avoit mis en campagne. — Depesche du sieur Francisque Bernardin vers Sa Majesté , pour l'instruire amplement des affaires qui se passoient en Piedmont.—Deffaicte de quelques trouppes des ennemis devant Sainct-Damian. — Deffaicte notable des ennemis au mesme lieu où fut autresfois baïllée la bataille de Ccrisoles. — Montcalvé assiegé par les ennemis, battu et finalement prins , avec les causes de sa perte. —Sommaire du memoire envoyé par le mareschal au cardinal de Lorraine, pour avoir nouveau secours d'hommes et d'argent pour le Piedmont.—Casal assiègé par les ennemis , qui sont en fin contrains de lever le

siege et s’en aller fortifier Sainct-Martin.

[4558] Le mareschal estant reduict au desespoir d'estre secouru, ni de gens ni d'argent, en cesle extreme necessité et pauvreté où les affaires estoient reduicts de tous costés par la juste ou injuste jalousie du cardinal de Lorraine, et voyant que toutes ses instances , soit par lettres ou par personnes expresses, ne portoient coup, et que cependant les gouverneurs des plates protestoient contre luy de ne les pouvoir plus garder sins augmentation de gens, et sans le payement de ce peu qu'ils avoient près d'eux, il print resolution d'envoyer vers le roy M. de Gonnort, son frere naturel, assez libre et aimé de Sa Majesté, qui fit tant, que Sa Majesté commanda qu'il y fust pourveu, comme il fut , et pour le regard des assignations, et aussi pour l’envoy des deniers, tant pour payer partie de ce qui estoit deu comme pour faire des levées pour le remplissage des vieilles bandes , sans plus s'amuser aux frivoles inventions du president Bailly.

« Remonstrera aussi que le train que Sa Majesté prenoit à croire à ces inventions sans en -recevoir son advis portoit deux grands inconveniens : l’un, qu’en les cstimant bonnes on en faict estat asseuré , et que cependant on disposoit ailleurs des deniers precedemment destinés pour le Piedmont; l’autre, que le Piedmont, qui descouvre peu à peu ces propositions , levoit les oreilles à la nouveauté, à quoy faire ils estoient continuellement sol-

licités par les ennemis ; et à la verité, quoy que l'intention du president fust bonne, si ne devoit-il avancer ces propositions, de dure digestion pour le temps qui couroit lors, et pour le lieu mesmes, sans en avoir premierement conferé avec le mareschal qui l'aymoit; car ce fut une planche qui servit depuis de couleur à ce prelat pour le recullement des assipnations destinées au Piedmont, lequel eut depuis beaucoup à souffrir.

+ » Pareillement , que ceux qui empeschoient que Île roy, par la recommandation du mareschal , ne gratifiast plusieurs seigneurs, gentils-hommes et capitaines des charges et honneurs qu'ils avoient pieça merités, bastissoient, non pas la ruyne de luy, mais bien celle des affaires du roy ; quoy subsistant il estoit impossible que le soin et la prudence d'un capitaine general y peussent convenablement pourvoir, estant destitué, comme il estoit aujourd huy, de l'amour et de l'obéissance de ceux mesmes auxquels il commandoit, et sans quoy il faut que tout s’en aille peu à peu en perdition et ruyne ; qu'il trouvoit tous ces traitemens d'autant plus estranges, que par cy devant Sa Majesté luy faisoit cest honneur de pourvoir aux charges et honneurs, non ceux qui couroient les premiers à les demander, de quelque merite qu'ils fussent, mais bien ceux là seulement desquels il rendoit tesmoignage et supplication; que si ceux qui ont aujourd'huy le ma-

niement des affaires luy donnoient ces traverses et ces defaveurs pour couvertement l'induire à quicter sa charge, qu'il n'y faloit point tant de discours ni tant de façons, d'autant qu'il estoit et sera tous'ours prest à la. remettre, et de bon cœur, quand et à qui Sa Majesté ordonnera ; car aussi Lien ne peut il plus endurer d'estre ainsi traicté à contrepoil en bien faisant, et peut estre mieux que tous ceux qui l'agacent ainsi, jusqu'à vouloir que ceux qui sont soubs son auctorité entreprennent sur les mesmes choses qui doivent dependre immediatement de luy; et de faict, qu'au lieu de supporter, comme ils faisoient, le vidame en ce qu'il avoit ‘assez inconsiderement entreprins à son desceu , que luy et eux en devoient cstre rigoureusement corrigés et non pas loués , en tant que le mareschal , lequel ne cede ni aux uns ni aux autres en affection au service de Sa Majesté, la reverence de leur grandeur separée , eust plustost aidé qu'empesché le vidame, s’il y eust eu tant soit peu de jour et de raison en son entreprinse ; et de faict, qu'aujourd'huy que le roy luy renvoyoit les treize enseignes de Suisses dernieres, les deux mil Daulphinois, et qu'il luy permettoit de faire des creues , avec promesse de les payer, il avoit Si avant aidé au vidame, à la seule consideration du service de Sa Majesté, et non de Juy , qu'il ne tiendroit qu'à luy qu'il ne partist bien tost avec quelques François et Italiens. |

» Qu'il remercioit très-humblement Sa Majesté de l'honneur qu'elle avoit fait au sieur d'Ossun de le recevoir chevalier de son ordre, et de donner à la Motte Gondrin le gouvernement de Casal, lors vacquant par la mort du gentil Salveson, luy semblant que leur vertu et leurs services l'avoient de longue-main merité.

» Aussi de l'ordre qu'elle a donné aux paycmens des chevaux legers, pour celuy de l'artillerie, et pour le remboursement de ce que luy mesme fit prester, à sa caution, aux premiers Suisses qu'il envoya à Sa Majesté. Que si la foy eust esté gardée par ceux qui avoient le maniement des finances, à plusieurs bons marchands picdmontois qui avoicnt, sur la sicnne , advaucé jusqu'à qua-

MÉMOIRES DE BOYVIN DU VILLARS

tre cens mil livres à diverses fois , ils eussent tousjours esté prompts à servir et secourir Sa Majesté, au lieu de se trouver reduicts, comme ils sont, à une miserable condition, par une fausse et maligne opinion que aucuns ont conceue qu'il avoit part au butin, et dont la verité les fera tousjours tenir pour gens indignes d'honneur et de croyance, soit dict avec la correction de Sa Majesté, laquelle a de longue-main faict trop de preuves de sa fidelité et integrité , pour croire ces ames scelerates et bassement nées, lesquelles, digerans plustost les affaires par l'envie que par la raison, se precipitoient eux-mesmes dans les ruynes qu'ils preparoient aux autres ; et il seroit ainsi, si leur vie estoit bien recogneue comme il desiroit que fust la sienne. »

En ce mesme instant, le mareschal eut nouvelles, par le costé d'Italie, que M. de Guise , ayant desbandé son armée, en estoit party pour aller trouver le roy par le chemin des Grisons. Sur cela je fus depesché pour l'aller rencontrer à Lyon, tant pour se resjquir, de la part du mareschal, de son heureux retour, et du souverain commandement que le roy avoit deferé à sa valeur et fidélité, comme aussi pour luy remonstrer les miseres et les afllictions qui couroient par le Piedmont, et le supplier, lors qu'il seroit arrivé vers Sa Majesté, d'y faire pourvoir conformement à ce qu'il recognoistroit estre necessaire au service du roy, à fin de redresser la discipline et l'obéissance que la pauvreté avoit alterée de toutes parts, et dont M. le cardinal, son frere, ne s'estoit jamais donné guieres de peine, ores qu'il fust des plus anciens serviteurs et amis de sa mai- Son. -:

Ce prince me receut et m'escouta fort courtoisement , avec promesse de faire en sorte que le mareschal recognoistroit combien il estoit aimé et honoré de luy, et que peu après son arrivée en cour il me renvoyast vers luy pour recueillir les fruicts de son amitié ; que je disse au mareschal la peine en laquelle il estoit de tomber luy-mesme en ces inconveniens , ayant à commander à des gens qui avoient le courage abatu par les disgraces que ils avoient n’aguieres courues, et qu'il auroit beaucoup d'affaires à Jeur remettre le

cœur au ventre, et qu'à ces fins il s'essayeroit de leur donner deux ou trois bonnes curées pour les acharner à la poursuitte des ennemis ; finalement, qu'il prioit le mareschal avoir bonne et parfaicte intelligence avec Juy, à fin que les affaires du mareschal en prinssent meilleur train, et leur reputation particuliere aussi; que le contraire succedant , tout iroit mal et pour les uns et pour les autres. Voylà le sommaire de mon voyage, qui porta quelque coup pour la future faveur et amitié de Guise envers le mareschal ; mais toutesfois, profondant quelque peu dans son ame , je m'apperceus assez que ceste ambition, aspirante au souverain commandement, avoit tracé au dedans quelques etincelles de ces soupçons et de ces jalousies dont elle est tousjours accompagnée , et qui prive les amoureux du plaisir et du repos qu'il y a tousjours en la doucement mesnageant.

* Le mareschal cependant eust nouvelles que les capitaines qui estoient allés en Suisse pour faire levées au remplissage des regimens ne pouvoient trouver soldats pour venir de deçà, chacun d'eux courant vers Sa Majesté, en esperance d'estre mieux payés et traictés qu'ils n'ont cy-devant esté en ce pays de Piedmont. Le sieur de Grignan luy escrivit aussi que les cinq compagnies qu’'avoit faict M. de Termes avoient rencontré M. le vidame et ses trouppes aussi, parmy lesquelles la pluspart de celles-cy s'estoient jectées, adjoustant M. le vidame au premier mal ce second, péur le support qu'il recevoit du cardinal :

tant ceste premiere jalousie avoit de puissance en luy.

= I envoya pareïllement au roy la coppie d'une lettre de M. le duc de Ferrare, par laquelle il disoit que le pape avoit faict ses accords avec le duc d’Alve, et que toute la tempeste tournera sur luy s’il ne faict diversion de leurs armées, leur donnant des affaires du costé de Milan; qu'il supplie Sa Majesté luy commander ce qu'il aura à faire pour ce regard, mesurant et accarrant ce commandement à l’estat où les affaires sont aujourd'huy reduicts au Piedmont; et que ce seroit chose de mauvais exemple si Sa Majesté abandonnoit ce prince en ceste sienne necessité, pour avoir embrassé son party; et