LIVRE NEU VIÈME

monstrance, connivant ‘sur laquelle tout le mal qui en pouvoit succeder eust esté attribué ou à infidelité ou à imprudence indigne du lieu dont le roy l’a honoré : que si Sa Majesté est elle mesme celle qui a allumé le feu qui nous brusle et qui consomme aujourd'huy tout , elle ne devra, s’il luy plaist, trouver mauvais que le mareschal recoure à l'eau de ses graces qui seules le peuvent esteindre. :

Sa Majesté fut advertie que nul des capitaines de gendarmerie ne tenoit compte de venir en Piedmont, et qu'il n’y avoit aujourd'huy compagnie où il y eust, l'une portant l'autre, plus de vingt-cinq à trente hommes de combat, au lieu de cent ou six - vingts qu'il y devoit avoir; et qu'il la supplie y pourvoir , et tout d’un train au faict de l'artillerie ; sur les provisions de toutes lesquelles choses les promesses ont esté grandes et specieuses, mais les effects nuls, aussi bien en cest endroict qu’en beaucoup d’autres, et dont il a esté repeu; neantmoins on veut aujourd'huÿ que le mareschalrende les fruicts tous tels qu'il eust faict si on lay eust gardé parole, ce qui l'afigeoit autant que tout autre chose qui luy eust peu arriver , pour le desir extreme qu'il avoit d'advancer les affaires du roy, et porter sa domination plus avant que ces forces racourcies ne pouvoient permettre.

Que M. d'Anmebaut, ayant esté lourdement blessé en l’espaule à une charge qu'il fit n'agueres contre l'ennemi, et dontil eut l'advantage, il luy a donné congé d'aller trouver le bailleur pour se faire panser , asseurant Sa Majesté qu'il n'y a en luy faute de valeur ny d'affection, et de faict qu'il a presque tousjours entretenu sa compagnie à ses despens et fort complette, dont il merite que Sa Majesté luy sçache gré pour l'animer tousjours à mieux faire.

Que Le Figuerol est revenu en Ast avec tous les seigneurs de l'armée ennemie ; ils ont commandé force charrois et pionniers pour l'artillerie ; et qu'à la fin ils sont venus à Montechar , qu’il avoit n'agueres faict racoustrer , dans lequel , ainsi qu'ils entroient par une porte, nos gens sortirent par l'autre , et: se retirerent à Verrue et à Robelle sans rien perdre ; et qu’il leur avoit mandé de s’aller jecter dans Montcalvé , qui est celle , à son

advis , de nos places, où ils s'addresseront le plustost , avec resolution , cela faict , de venir fortifier Poirin , qui est au centre du Piedmont : que le duc d'Alve ‘devoit arriver par mer à Gennes , avec six ou sept mil hommes qu'il rameine de Naples, mais qu'ayant son armée maritime couru fortune , il avoit esté Contrainct de se desembarquer à l'Aspecia , et les autres qui çà , qui là , selon que le vent et les vagues les ont portés.

En attendant la venue dudict duc d'Alve, les ennemis, ayans prins Montechar, sont aussi allés prendre un chasteau que nousavions au delà du Tanare, nommé Costiglioles, et tout d'une tire forcé Pouzon , avec intention, si l'hyver ne permet qu'ils se puissent addresser à l'une de nos places , de s'en aller passer l'hyver à Butiglieres et le fortifier, ou Poirin, et, en ce faisant , courir et manger toute Ja plaine du Piedmont, et par ce moyen nous oster peu à peu toute commodité d'attaquer ce qu'ils pourroient avoir prins ou fortifié. C'est pourquoy il est très-necessaire que Sa Majesté pourvoye diligemment aux affaires , ou qu'elle se prepare à endurer toutes les secousses et deffaveurs de la fortune , et que petit à petit on luy tonde ainsi la laine sur le dos. Que s'il eust pleu à Sa Majesté, aussitost qu'elle a eu heureusement redressé les affaires de delà , secourir celles de deçà et de forces et d'argent ; on eust peut-estre reduict les ennemis à tel poinct, qu'ils se fussent resserrés en leur coquille au lieu de braver comme ils font.

” Que, pour aucunement soulager les finances de Sa Majesté et les necessités du Piedmont , il a mis une imposition de six vingts mil livres sur le païs, avec toute la plus douce et gracieuse façon dont il s’est peu adviser ; mais pour cela on ne remplacera pas les quatre cens mil livres qui sont deues , et que , quoy qu'il ait sceu remonstrer au païs, on n'en peut toutes-fois rien tirer que par executions et contrainctes , dont sortent tant d'exclamations , de mescontentemens et de menaces, que ce sera un vray coup de Dieu si, maintenant que l'ennemi est en campagne, il n’en sort quelque revolte , et à laquelle les soldats, pauvres , nuds et 'affamés, s'accommoderont peust estre les premiers , tant la continuation

MÉMOIRES DE BOYVIN DU VYILLARS.

du mal renverse et altere tousjours les amitiés et les devotions, pour sainctes qu'elles soient : que se trouvant destitué des moyens pour y remedier, et mesmes du secours de quatre cens mil livres que Sa Majesté avoit tant asseurées , et qui devoient suivre Boyvin au retour qu'il fit n'aguieres vers luy , il ne sçait aujourd'huy à quoy se renger , qu'à remettre tout entre les mains de Dieu , qui seul peut de rien faire toutes choses.

Que se trouvant malade et destitué de toute assistance, fors de celle du sieur de Gonnort son frere , qui traisnoit luy-mesme les aisles, il supplie Sa Majesté que si M. le vidame doit revenir en Piedmont avec les cinq enseignes de M. de Termes et les siennes , que ce soit au plustost et avec argent, car sans cela il seroit plus utile qu'elles demeurassent de delà que de venir augmenter le mal, qui n’est desjà que trop grand de deçà.

Que ledict sieur de Gonnort travaille tant que il peut pour trouver marchands qui puissent fournir babillemens faits, ou matiere pour les faire , à ces pauvres soldats , pleins de telle misere , qu'ils font pitié aux pierres mesmes. |

Que les Milanois, pour se redimer de la subjection et de l'oppression de Valence, Casal et Santia , avoient , avec la conjonction des Gennois , accordé soixante mil escus par mois , et qu'il ne avoit encores nulles nouvelles de cent mil livres qui devoient estre envoyées après may , et que le retardement pourroitapporter quelqueirreparablemalheur que les financiers ne veulent apprebender, presentans tousjours la pluspart d'eux un masque d'affection pour couvrir et colorer leurs particuliers desseins. De

Les ennemis ont faict courir un bruict que tout recentement le roy avoit receu une lourde deffaicte en Picardie ; à ces mauvaises nouvelles , lesquelles le mareschal ne peut croire , chacun leve des-jà l'oreille ‘et faict d’estranges desseins : si Sa Majesté ne commande qu'on luy escrive souvent, et la verité des occurrences, ces bruicts empire— ront les maladies de l’estat.

Ce fut la deffaicte de M. de Termes au passage de l'eau des Gravelingues, par le deffaut,

1558] à ce qu'on tient, du sieur de Villebon, qui se reura du jeu.

Ceste frequence de pertes si notables ne donnoit que trop de matiere pour plourer des yeux les prosperités passées , et du cœur les calamités presentes , et pour autant que j'ay puis n’aguieres recouvert le discours de ceste perte de bataille , j'ay jugé qu'il ne seroit hors de propos de la rapporter icy , à fin que le bien ou le mal qu'il y eut serve d'exemple à ceux qui commandent les armées.

Discours du voyage de Dunquerer, envoyé par M. le mareschal de Termes à monseigneur le duc de Guise.

« Monseigneur , pour l'envie que j'ay que vous sçachiez à la verité comme toutes choses passerent en nostre voyage de Dunquerère, je vous en ay bien voulu faire ce petit discours qui vous fera entendre, monseigneur , que si lors que les legionnaires devoient estre ensemble pour faire monstre et marcher quant et quant eussent esté prests, nous eussions faict une ouverture de playe si grande et sensible à l'ennemi, que ses affaires en eussent reculé de beaucoup , et le service du roy advancé; mais ayant iceux legionnaires tardé de venir plus de quinze jours d'avantage qu'ils ne devoient, je ne doute pas que nostre entreprinse ne fust descouverte par lesdicts ennemis, qui fust cause d’une fort grande consequence pour le service de Sa Majesté; car , si dès lors qu'elle nous commanda de sortir en campaigne nous en eussions eu le moyen, il est bien certain que nous eussions eu nostre commodité de faire la plus grande partie de ce que nous eussions voulu. Or, estans lesdicts legionnaires arrivés à Calais le dernier jour de juin 1558, le mesme jour nous les fismes marcher avec le reste des forces jusques sur le bord de la riviere, en deliberation de la passer le lendemain pour executer ce que nous avions resolu avant nostre partement dudict Calais, qui estoit d'aller assaillir Gravelines, de laquelle nous esperions avoir fort bonne issue, attendu qu’il n’y avoit dedans que neuf enseignes d'Allemans, du regiment du colonel