LIVRE NEUVIÈME

maistre de camp et les autres capitaines , fusmes incontinent assemblés , et fut conclud qu'à la marée l'on feroit passer Vout le bagage pour le faire acheminer droict à Calais, accompagné d'une trouppe de cavalerie, et que le lendemain , à la marée du matin, nous passerions avec tout le camp pour aller loger entre Calais et Grayelines , au mesme lieu où nous campasmes à nostre premiere sortie de Calais, en intention de n'en bouger sans cognoistre ce que l'ennemi auroit deliberé de faire ; car s'il s'en fust retourné du costé de Luxembourg nostre dessein estoit de repasser l'eau et rentrer en païs, pour tant plus faciliter les entreprinses du costé où vous estiez, monseigneur ; et ainsi que nous attendions que ladicte marée fust basse , et que ledict bagage se mist en ordre pour passer, nous allasmes desjeuner, et après avoir beu un coup je montay à cheval, ayans prins avec moy ledict maistre de camp et quelques autres capitaines , et allay recognoistre l'endroict jusques où les ennemis vindrent. .;

» Je trouvay qu'ils avoient esté jusques dans nostre camp, et à quatre cens pas près du logis d'iceluy sieur de Villebon, mettre le fen dans une maison qui estoit là à deux mil pas de la ville, où l'on les pouvoit combattre avec grand advantage qui eust voulu; et demandant auxdicts maistre de camp et capitaines à quoy il avoit tenu , ils me respondirent que c'estoit à cause du mauvais ordre qu'il y avoit, et que personne ne leur en avoit rien commandé ; et sur cela je me retira y au logis dudict sieur de Villebon pour faire dilisenter le partement dudict bagaige, Où estant on nous vint advertir que l’on voyoit passer la riviere auxdicts ennemis auprès de la ville, où la marée est plustot basse d'une bonne heure qu'au lieu où.il nous faloit passer; et voyant cela nous advisasmes de passer aussi incontinent, craignant qu'ils ne se voulussent camper entre ledict Calais et nous, pour seulement coupper le passage des vivres qui nous venoient : et là dessus ayant contremandé ledict bagaige aflin qu'ils ne passassent point, de peur de désordre,ledict sieur de Villebon passa le premier avec toute la cavalerie, excepté les compagnies de messieurs de Vassé et d'Annebaut, pour

mettre le tout en bataille à mesure qu'ils passeroient.

» Les vieux François passerent lespremiers, les legionnaires après, et les Allemans les derniers, et moy ie demeuray avec quatre ou cinq cens arquebusiers et les compagnies desdicts sieurs de Vassé et d'Annebaut de delà , tant pour faire diligenter le reste desdictes forces et bagaiges, qu'aussi de crainte que ceux de la ville, où nous voyons encores remuer force enseignes au lieu mesme où ils s'estoient campés hors ladicte ville, nous vinssent donner sur la queue, ayant envoyé dire au sieur de Villebon qu'en faisant mettre la cavalerie en bataille, il la fist armer sur l'aisle droite de quelques arquebusiers. Et estant sur le bord de la riviere en un lieu d'où je ne pouvois voir les enuemis et bien peu les nostres, où je faisois diligenter le passage de ce qui estoit resté encores, l'on me vint dire que les ennemis marchoient, et qu'il seroit bon que je fusse auprès de nos gens ; pourquoy, laissant la charge pour laquelle j'estois là audict sieur d'Annebaut et au fils dudit sieur de Vassé, qui estoient avec moy, je passay du costé de nos forces, et allay droict à la teste de la moitié de nostre cavalerie , laquelle j'exhortay de bien combattre; et voyant que l'escadron de la cavalerie ennemie estoit de beaucoup plus gros que le nostre, je donnay jusques à nos gens de pied qui estoient à la main gauche, assez près de là, pour prendre un nombre d'arquebusiers et les mener à costé de la nostre pour la soustenir; ce que je fis : et après que le premier choq de la cavalerie se fit, je commençay à voir que les ennemis s'en retournoient du costé mesme qu'ils estoient venus, et nos gens parmy eux, de façon que je pensois une fois qu'ils fussent en routte.

* » Quoy voyant , je m'en allay faire marcher nos gens de pied pour les mener au combat :

et pour sçavoir à la verité comme les choses passerent audict combat, je m'en remets à tous les gens de bien qui y estoient, qui me gardera d'en faire aucun discours pour ne vous envoyer aussi de plus grand langage.

Faict à Paris le vingtiesme jour d'aoust4559. »

MÉMOIRES DE BOYVIN DU VILLARS

doit passer vers le roy d'Espagne pour prendre resolution sur tout ce qui sera à faire et à desmesler en Italie à ceste prime-vere au desadvantage de la France, il supplie trèshumblement Sa Majesté luy donner congé d'aller faire un tour vers elle pour plusieurs grandes et dignes considerations , laissant ledict sieur de Gonnort son frère en sa place, protestant de se rendre vers elle en quinze

jours , et de s'en retourner tout aussi tost .

pareille diligence, afin d’estre preparé à mie servir ce prochain esté.

Le congé futenfin accordé aumareschal, comme 1l avoit demandé ; mais la froide reception que luy firent messieurs les cardinal et duc de Guise luy fit assez recognoistre que leur ambition ne pouvoit endurer près du maistre celuy lequel, par sa vertu et par tant de glorieux exploicts de guerre, estoit glorieusement recommandable , craignans que le roy le retint près de luy ; et toutesfois n'avoit jadis desdaigné non plus que tous les princes et seigneurs de la France, le connestable excepté, d'aller souvent à la guerre sous le commandement du mareschal , tant il reveroit sa valeur et sa vertu, n'’estant lors que coronnel general de la cavalerie. Quant à Sa Majesté , et en public et en particulier , il fat très-bien veu et caressé ; mais il y avoit long-temps que le mareschal avoit descouvert que ceste maison guisienne se servoit du vidame de Chartres comme d'un instrument fort propre à le travailler, esperans peut estre, par ces attaques continuelles , tellement harceler le mareschal , qu'il seroit contrainct de quitter sa place à M. d'Aumale leur frère, et ce faict, par l'entremise de cestuy-cy, ils laisserent couvertement couler, comme ils avoient desjà precédemment faict, quelques accusations au prejudice du mareschal, lequel , ayant en fin tout descouvert , supplia le roy, en leur propre presence, d'envoyer pendant qu'il estoit près de luy faire information et de sa vie et de ses actions, pour, les trouvant indignes du lieu qu'il avoit tenu , l'en faire chastier , s'estimant indigne, là où l'on le trouveroit avoir autrement usé de sa charge qu'en homme d'honneur, d'estre à jamais honnoré d'aucun grade ny comman-

. Qu'ayant sceu bien au vray que le duc d'Alve | dement de Sa Majesté; et que là où par le

[1558] contraire elles se trouveroient autant honnorables et fidelles qu'elles estoient, que ces scelerats accusateurs, qui se mesloient de mesdire et causer de plus gens de bien qu'ils ne furent ny seroient peut estre jamais, fussent fort exemplairement chastiés; et que s'ils estoient de sa portée , qu'il auroit le courage aussi bon que l’espée pour les en faire desdire.

Le roy, qui en son particulier aimoit uniquement le mareschal, et qui recognut bien qu'en n’y promptement remediant il en sortiroit quelques desmentis en campagne qui brouilleroient le monde, il print le tout sur luy, et declara, presens tous les seigneurs de la cour, qu'il sçavoit que le mareschal avoit rendu et à luy et à sa couronne tant de grands et de memorables services , qu'il avoit très-juste occasion de l'en grandement aimer, honnorer et estimer, comme il faisoit ; et que s’il venoit à sa cognoissance que qui que ce fust en parlast autrement , qu'il feroit cognoistre à tout le monde combien les mesdisans et les envieux luy estoient à contre cœur, etque son intention estoit plustost d'augmenter que de diminuer la charge et l'auctorité qu'il avoit si sainctement maniée parmi toutes sortes de necessités et de fortunes, et dont il esperoit luy rendre la condigne recompense qu'il meritoit si tost que Dieu Îuy donneroit la paix. L'amour de Sa Majesté envers le mareschal la porta jusqu'à dire au vidame qu'il estoit fort ingrat envers luy, à la seule faveur duquel elle luy avoit donné l’estat de colonnel ; ce qu'autrement elle n’eust jamais faict , et que si doresnavant il n'honoroit et reveroit le mareschal, qu'il le priveroit de sa charge. Et à dire ouvertement ce qui en est, il semble que ces princes de la maison de Guise se monstrerent un peu trop aspres à l'embrassement des affaires, veu la grande puissance qu'ils avoient desjà en main, et avec laquelle ils pouvoient doucement caresser et gratifier ceste belle ame du mareschal, et moderer leurs intentions, se souvenant que le trop est tousjours dangereux par tout, mais mortelle.

ment parmi les ambitions mal mesurées ; car pour se maintenir seuls au maniement de J'estat ils sont contraincts de faire assez souvent des fascheries ou irriter à tort leurs