LIVRE NEUVIÈME

il rudement executé ; à

de prendre les armes pour se conserver sous l'obéissance du roy : luy, qui commandoit à une gr0sse garnison, qui ne demandoit pas meilleur pain, fit soudain monter à cheval six-vingts chevaux et quatre cens fantacins choisis sous vaillans capitaines , auxquels il commanda que rencontrans l'ennemi, qu'ils menassent les mains basses sans en prendre aul à mercy. Ainsi commandé , tout ainsi futquoy faire les communes s'espargnerent si peu, que dix-huict pauvres diables qui s'estoient sauvés furent suivis et massacrés comme tous les autres. :

Birague avoit fort sagement mesnagé une entreprinse sur Sainct Germain , laquelle il ne peut executer à cause des grandes eaux qui survindrent tout à coup du costé de ladicte Serre.

En mesme instant , Le Birague donna advis

au mareschal qu'il avoit surprins les lettres

du Figuerol , dans lesquelles il faisoit men- : tion d’un certain Hierome empereur napoli-

tain, et jadis soldat de Charles son frere,

lequel s’estoit allé rendre à Vulpian lors qu'on, marchoit à l'entreprinse de Verceil, et qui estoit lors soldat dans Trin; que ce devoit estre Juy et non autre qui avoit l’entreprinse sur Chivas dont le mareschal l'avoit adverty ; qu'il veilloit de si près sur luy, qu'il l'attrapera et fera pendre ; qu'il avoit sceu que: le commissaire des Imperiaux et Lomelline avoient n'aguieres dit au gouverneur de Novarre quil seroit bien-tost plus hautement appointé qu'il n’estoit pas, et dans Casal mesme ; sur quoy il faloit veiller de près pour n'estre surprins.

Que les forces des Ferrarois estoient arrivées à Scaldapol , Orno, Serpengo et Sainct Angelo, vers la route de Santia ; que l'ennemi, ayant sceu la nouvelle de la venue du Turc, faisoit nouvelles levées pour envoyer en Sardaigne ; que le comte de Valence est tout recentement arrivé à Mortare avec douze cens hommes , et que ce doit estre , veu le propos dudict commissaire , pour entreprendre sur Casal , dont il a donné advis au gouverneur.

En ces entrefaictes le duc de Ferrare remercia le mareschal du secours qu'il luy avoit offert , et duquel il n'avoit plus de besoing , ayant faict suspension d'armes avec les ducs

de Florence et de Parme , sur laquelle il attendoit la ratification de l'Espagnol , duquel il estoit en doute, puis que, nonobstant icelle , il faisoit advictuailler Scandian ; que le duc de Parme s’estant à son prejudice esgaré en bravades , qu'il avoit commandé au prince son fils d'assembler ses forces et de courir sus à ceux qui voudroient empescher ses desseins ; que les adversaires ayans recogneu ceste resolution, tant s'en faloit qu'ils eussent levé les armes, qu'au contraire ils estoient allés saluer son fils, et promis de mettre dans deux jours en ses mains la place de Montechio , dans lequel il avoit resolu de mettre puis une forte garnison; et que les choses succedans ainsi , que toutes les forces qui estoient de ce costé là tourneroient teste vers le Piedmont , comme elles firent depuis.

C'estoit veritablement mal mesnager les affaires de Sa Majesté par ceux qui en avoient lors le maniement , que de ne penser seulement à autre chose qu'à se deffaire du mareschal et le renvoyer sous des esperances vaines comme ils faisoient, ne considerans pas que ce ne seroit luy qui en recevroit le dommage , ains le roy mesme , à qui le tout appartenoit; mais la passion et leur advancement particulier les aveugloit tellement, qu'ils ne se soucioient par avanture pas beaucoup des pertes du maistre, pourveu que la gloire du mareschal, qu'ils avoient tant à contrecœur , vint à recevoir quelque obscurcissement.

Il eut cependant advis que Le Figuerol avoit apporté de quoy payer l'armée ennemie pour tirer à la campagne; sur quoy il supplia le roy de faire haster les levées de Languedoc , Provence et Dauphiné.

Estant party de Lyon et arrivé à Sainct- Michel, 1l receut lettres du sieur de Gonnort, son frère, qu'il avoit laissé en Piedmont, par lesquelles il luy mandoit que le duc de Sesse estoit arrivé à Milan lieutenant general du roy d'Espagne , et que de tous costés forces se preparoient pour assaillir le Piedmont :

quoy estant , il estoit hors de propos d'en retirer trois compagnies de gendarmerie, comme Sa Majesté vouloit faire , et pour l'en desmouvoir il luy envoya les propres lettres dudict sieur de Gonnort, qui ne profitcrent

MÉMOIRES DE BOYVIN DU VILLARS

de rien, la passion des ministres surmontant la raison.

Le vingtiesme juillet 4558, le mareschal, arrivant en Piedmont, trouva les ennemis prests à marcher en campagne avec les forces suivantes : à sçavoir, unze compagnies de gendarmerie, vingt de cavalerie, neuf mil Allemans sous trente-sept enseignes, trois mil Espagnols sous vingt-six enseignes, six mil Italiens, sans autres deux mil hommes rappelés de Nice, de Gennes et Savonne , sur la retraicte qu'a faict l'armée turquesque, n'’estant employée comme elle devoit estre par les resolutions prinses avec le mareschal auparavant son partement d'auprès du roy.

Beaucoup de gens eurent lors opinion qu’on avoit tout expressement renvoyé ceste armée pour crainte qu'à la faveur d'icelle le mareschal ne fist les conquestes qu'il esperoit du costé de la marine, en tant que la prosperité d'icelles eust peut-estre reculé ou obscurcy la gloire et le credit de ceux qui envioient la sienne, ou, pour mieux dire , celle du maistre. Je lairray maintenant juger à ceux qui ont quelque connoissance de la guerre et de l'estat, si ce n'est pas un fort advantageux mesnage de se tromper s0y-mesme , et non pas le mareschal, luy donnant de fausses assignations ; et de travailler aussi beaucoup pour avoir ceste puissante armée turquesque , qui ne coustoit du tout rien, et puis la renvoyer sans en tirer le grand fruict qu'elle pouvoit rendre , et faire aussi par là recognoistre au Grand Seigneur nos inconsiderations et nos foiblesses.

Qu'au lieu de porter profict, comme elle devoit , au roy, elle luy avoit, par le contraire , apporté un fort prejudiciable interest, en tant que la terreur qu'elle avoit donné aux Gennois les avoit contraints de solliciter ceste armée que les ennemis avoient mise sus pour les redimer du danger qu'ils eussent couru; et de faict ils avoient fourny deux cens cinquante mil escus , par le moyen desquels on fit revenir de Naples sept ou huict mil hommes qui peut-estre n'en eussent bougé.

Le roy fut soudain adverty de tout cecy, et supplié d'y vouloir peurvoir d'heure , considerant ce que pouvoit faire une armée de

vingt mil hommes bien payée ‘contre des trouppes mal payées , à demy deffaictes et mal contentes par la trop longue tollerance de la’ pauvreté ; que cependant, toutesfois, le sieur de Gonnortet luy n'oublieront chose quelconque, jusqu'à la derniere goutte de leur sang, pour faire tout ce qui leur sera possible pour resister à un tel effort, mesmes sur ce dernier desastre de M. de Termes veu assez mal à propos.

Que c'est fort mal entendre les dires d'estimer, comme il a entendu que font aucuns, qu'il y ait neuf-vingis dix mil livres de deniers comptans sur le bon des finances du premier juillet, payable en aoust, d'autant qu'en avril on emprunta buict-vingts mil livres des marchands de Lyon, dont les cinquante mil ont esté remboursés, et du surplus montant cent dix mil livres, assignation leur fut baillée sur lesdictes neuf-vingts dix mil livres, et pour leur seureté les mandemens mis en leurs mains, dont doivent revenir de bon quatre-vingts mil livres seulement, sur lesquelles en partant de Lyon M. Obret luy avoit avancé soixante six mil livres; et que, quant aux trente six mil escus que les commissaires d'Agenoisavoient mandé estrepresis, il n'en est encores nulles nouvelles, et par ainsi tout le fonds qui demeure pour l'armée, ce sont quatorze mil livres , avec lesquelles il ne pourra pas faire grand banquet aux uns ny aux autres ; eten fin que de deux millions buict cent mil livres d'assignations destinées pour le Piedmont, il n'en a esté receu que six cent mil sans esperance de mieux ; que s'il eust à temps receu ce grand secours, qu'il seroit pieça à deux doigts de Milan et de Gennes.

Le deuxiesme aoust , l'armée ennemie se campa à deux mils d’Ast, attendant l'artillene de Pont-deSture et d'Alexandrie avec deux mil pionniers et une grande quantité de farines qu'ils avoient faict faire, soit pour nourrir l’armée au siege qu'ils entreprendroient, ou pour advictuailler Fossan et Cony, qui estoient encores en necessité.

Que le Montdevis et autres places sont toutes sans gouverneurs, ct la gendarmerie sans capitaines, comme il a cy-devant escrit; de maniere qu'il n'y à compagnie qui ayt au-