LIVRE NEUVIÈME

cores s'il n'estoit question que de la sienne particuliere, peut-estre pourroit-il dire passe sans flux. À ce propos on peut faire la mesme plainte que fit depuis l’armée de l'admiral de Chastillon.

Éaniar tous les jours au vent et à la pluye nuict estre ‘à la haye avec un froid manteau ; La teste descouverte et les pieds dedans l'eau ; Se repaistre d'ennuy et de melencolie;

Avoir les roys du monde et la terre ennemie, N'avoir pour les blessés seurté que le tombeau ; Sentir dix mille poux qui demangent Ja peau, Avoir du corps entier la force defaillic ;

Avoir faute d'argent et d'habits et de pain, Avoir la bouche fraische et se souller de fain ; Avoir de tous moyens la personne affamée, Porter la mort en crouppe et les armes au dos, Et n'avoir un seul jour d'aise ny de repos, C'est la commodité de nostre pauvre armée.

Pendant que $a Majesté se prepare à ce qui est necessaire , il a escrit à M. de Grignan de faire lever et marcher en Piedmont les quatre mil legionnaires de Dauphiné , et de eur faire fournir à chacun un escu, tandis que le roy ordonnera de leur payement.

Que les vicomte de Gourdon et comte de Beine se sont offerts de lever quatre enseignes de douze cens hommes à leurs despens, et de prester en outre dix mil Jivres, à la charge qu'il plaise à Sa Majesté les en faire asseurer ; que le sieur de Sanfré, duquel les ennemis bruslerent le chasteay retournans de Cental , s'est aussi offert de lever à ses despens autres douze cens hommes, comme aussi fera le sieur de Vineuf ; mais de mettre les places entre les mains de gens levés parmy des peuples qui esperent et desirent tousjours plus qu'ils ne doivent , et qui cndurent aussi moins qu'il n'est necessaire , il ne le fera jamais. Encores , pour augmenter tous les mal-heurs , le sieur de Gonnort et luy sont tout à coup tombés malades de la goutte, pour n'avoir en main la moindre goutte du monde pour secourir eux ny autruy. D'ailleurs, tant s'en faut que Sa Majesté leur donne quelque assistance , qu'il y a tantost plus de trois mois qu'elle retient près d'elle la pluspart des gouverneurs des places de Picdmont , et, les capitaines tant de gendarmerie que fanterie, Que le duc de Sesse,

parlant l’autre jour au protonotaire de Cental, luy sceut bien remarquer ceste chasse, comme il fit aussi , que le roy ne vouloit ny ne pouvoit secourir le Piedmont, tant il avoit d'affaires en France , et que luy au contraire auroit dans un mois trente mil payes et argent pour quatre mois , avec force artillerie, et qu'il estimoit pour le moins emporter Valence et Casal.

Que ce sont toutes ‘choses qui devroient eschauffer les plus froides natures à la conservation de ce qu'ils ont, pour ne demeurer du tout accablés sous le faix. Qu'il y a dans Casal vingt-quatre enseignes de gens de pied et deux cens chevaux, avec de bons chefs ; que ce nombre d'enseignes est un vray tesmoignage de la petitesse des compagnies, car , si elles estoient complettes, la moitié de cela sufliroit, et l'autre tiendroit cependant la campagne : autant en peut-on aussi dire pour le regard de Courtemille, Ceve, Montdevis, Beine , Cairas, Saviglan , Sainct- Damian et Albe , meslangées parmi l'ennemi, et en toutes lesquelles ceste petitesse ou foiblesse tient une demie-armée engagée.

Que le roy d'Espagne entretient tousjours le roy de nouveaux propos de paix, pour l'amuser sur la provision du Piedmont ; et que d'alleguer , comme on faict, que la prochaineté de l'hiver les retiendra, ce sont abus ; ils sçauront aussi bien que nous vaincre ces difficultés, comme il a cy-devant esté remonstré, estans pleins de forces et de moyens , la recente prosperité leur ayant si fort enflé le courage , que rien ne leur semble impossible, par la cognoissance qu'ils ont semblablement de nostre impuissance , à laquelle on desdaigne de remedier.

La perte de Montcalvé est advenue , à ce qu’aucuns ont rapporté, de ce que ceux qui estoient destinés à la bresche et à la deffence ont esté battus si à descouvert par l’un des costés de la tenaille, que pour s'en garentir il se jetterent à l'abry de l'autre costé , où ils n'estoient pas veus des ennemis, comme aussi eux ne les pouvoient pas voir; de maniere que ne voyans ceux de l'armée aucun en garde sur la bresche , ny autre qui tirast à ceux qui en approchoient, peu à peu ils commenccrent à s’entre-appeller l'un l’autre,

MÉMOIRES DE BOYVIN DU VILLARS

[1558] et ainsi ils donnerent dedans, et entrerent sans que les deux enseignes de lansquenets qui estoient au dedans de ce costé là fissent jamais aucune deffence. Les nostres , qui estoient allés repaistre sur l'asseurance des autres, oyans l'alarme, coururent vers la bresche; mais, leur nombre estant inferieur à ce qui estoit desjà entré, ils furent repoussés , tousjours combattans, jusques au près du chasteau , dans les fossés duquel ils se sauverent. Le capitaine l'Isle fut attaqué par Sainct-Vincent, Espagnol, qu'on tient pour le plus brave de l’armée , auquel il rendit un grand combat , et les capitaines Muras , Sigongne et autres de mesme , qui neantmoins demeurerent prins. Le sieur de Pequigny, gouverneur , fut accusé d’estre peu soigneux, car , au lieu de disner et dormir près la bresche , il ne bougeoit de son logis ; qu'aussitost que ce qui s'est sauvé sera de retour, les informations s’en feront et seront envoyées à Sa Majesté pour chastier les coupables, et le mesme gouverneur s'il a failly, comme aucuns tiennent, et dont il se remet au jugement de Sa Majesté.

Un des trompettes du mareschal , envoyé

par luy en l'armée ennemie , en retourna, et |

rapporta que le mesme matin qu'il fut depesché , il arriva un courrier aux ennemis, qui fut conduict en la tente du duc de Sesse, et qu'aussi tost qu'il eut leu les lettres que le courrier portoit, l’armée troussa bagage et tira contre Casal, où elle est maintenant campée , les Espagnols et les Allemans ès environs de la ville, et les Italiens delà le Pau, sur lequel ils ont fait un pont de bateaux. Par la recente crue d'Italiens, ils font estat de vingt-six mil hommes. Il est sorty de Casal un soldat de la part du sieur de La Motte Gondrin, qui asseure qu'il n’y a en dix compagnies que treize cens bons hommes de guerre , et cinq cens autres que le corps de la ville a faict lever , et qui vont à la guerre aussi gayement que les François, conduicts par aucuns gentils-hommes volontaires qui sont dedans.

Duneufviesme octobre, le sieur de La Motte Gondrin escrivit au roy mesme une lettre Contenant, en peu de mots, que le huictiesme octobre l'armée s’estoit logée à l'entour

de luy, pensant en avoir aussi bon marché que de Montcalvé , et qu'ayant voulu l’ennemi recognoistre la place , ils avoient esté fort rudement repoussés avec perte de plus de soixante demeurés sur la place, qui s'estoient trop advancés ; qu'ils avoient depuis commencé à faire une longue tranchée du costé du parc, à la garde de laquelle ils avoient mis trois cens Espagnols et cinq ou six capitaines, et qu'ayant recognu que l'armée ne pouvoit venir que tard à leur secours, il avoit faict soudain sortir quelque cavalerie et trois cens bons hommes de pied, qui mirent tout en pieces. L’enseigne de Leon de Bellegarde , et le neveu du maistre de camp general domp Alvaro de Sande, sont du nombre des prisonniers. Promettant ledict sieur

de Gondrin sur sa vie, et en foy de chevalier

faict de la royale main de Sa Majesté, qu'il deffendra la place jusqu'au dernier soupir, quelque necessité qu'il advienne , ou advantageuse capitulation qu'on luy puisse offrir ; et que les sieurs de Bellegarde, de La Curée et Tilladet , braves du cœur et de la main, sont de mesme resolution que luy, ayans tous esté à ceste execution et bravement combattu.

Que le lundy dixiesme d'octobre l’ennemi avoit deffaict son pont, et s’estoit l’armée toute retirée dans le bourg Sainct-Martin et Cymian , à deux lieues de Casal , entre Valence et luy. A ce que le mareschal fut soudain adverty, ils ont quelque opinion de paix ou de trefve : quoy estant, ce seroit à eux folie d'hasarder hors de propos beaucoup de gens, mesmes tenans entr'eux pour asseuré que ces deux places et assez d'autres leur seront rendues ; ce qu'attendans ils veulent tascher de s'emparer de tout le païs, afin que, s’il estoit dict que qui tient tienne, toutes nos places demeurassent sans point d'autres confins que leurs propres murailles , et par ainsi à leur discretion assez indiscrette.

Du premier novembre , le mareschal donna advis que les ennemis continuoient à la fortification de Sainct-Martin , et à faire appeller, et de près et de loing, tous les villages et bourgades à leur jurer la fidelité ; mais que l'un et l'autre ne l'estonnera de gueres si Sa Majesté persevere en la volonté qu'elle luy a