LIVRE NEUVIEME

doient pour elle y gagnoïent tousjours Îe double.

Qu'il avoit fait casser deux compagnies françoises de Pequign y, comme elle avoit commandé; qu'il supplioit Sa Majesté l'exempter du jugement, bon ou mauvais, qui devoit estre donné contre luy sur la perte de Montcalvé, à cause qu'il estoit apparenté parmÿ les plus grandes maisons de France, et tout de mesme du capitaine Pierre Longue sur celle du connestable.

Que le capitaine Studer, l’un des plus vaillans de tous les Suisses, supplioit Sa Majesté vouloir recognoistre ses services d'une pension de deux cens livres en l'estat des ligues.

Que pendant qu'on faict courir sur le theatre les intentions à paix ou trefve, que les ennemis , qui ont tousjours l'œil au guet , armoient en gros de tous costés, pour en l’un ou l'autre evenement emporter l'advantage, comme faict presque tousjours celuy qui se rend le premier maistre de la campagne, et que Sa Majesté faisant le contraire , c’est volontairement et indignement tendre le dos aux coups et aux miseres.

Que le treiziesme mars il escrivit au sieur Gonnort son frere (qu'il avoit precedemment envoyé en cour ) qu'il estoit desormais necessaire que le roy print resolution d’estre le plus fort, d'autant que ceux qui se rendoient tels de bonne heure avoient le courage et la main tousjours levées pour s’en faire croire par les foibles, comme Sa Majesté le vouloit estre à leur ruyne, puisque toutes les promesses sur l’acceleration du secours n'engendreroient que du vent et du mespris, tousjours dangereux sur les traictés de paix.

Qu'il ne sçait qui a poussé le comte de Beines à le prier de luy faire tomber en main le gouvernement de Quiers , auquel il est mal propre pour deux raisons : la premiere, parce que la conservation de sa propre place luy donne assez d'occupation , et l'autre, que son naturel , ores que bon et fidelle, mais poisant à la main, n'est guieres propre à manier un tel peuple, priant le sieur de Gonnort trouver moyen que le roy le descharge doucement de ceste demande, et qu’il me renvoyast diligemment vers luy avec les provi-

sions convenables, et, ne le voulant faire, demander son congé, prevoyant assez que sa prudence et son affection perdoient , non le courage, mais bien la puissance de remedier à toutes ces calamités, desquelles il se fust pieçca desvelopé s’il eust peu croire que la France eust esté si fort descouragée qu'il la trouvoit aujourd'huy par faute de preven-

MÉMOIRES DE BOYVIN DU VILLARS

tion , et à laquelle de sa part il n'avoit jamais manqué ; que tout ce qu'il disoit et escrivoit estoit beaucoup moins que ce que son esprit concevoit et desiroit, et qu'on ne hayoit ou mesprisoit jamais celuy qui magnanimement demeuroit tousjours sur l'advantage des armes, comme Sa Majesté eust faict si elle l'eust creu.