ET ES

mesurées au pied de l'asseurance que Sa Majesté peut concevoir de ces pourparlers de paix ou trefve, et selon cela envoyer ou reserver ce renfort pour la prochaine primevere ; car alors, la guerre continuant, il sera très-necessaire de renforcer les armes, tant pour faire la recolte que pour la faire , bongré mal-gré, porter dans les villes, où les manans de la campagne en viendront prendre de mois en mois, et en detail , pour leur provision, et puis en bloc ce qu'il faudra pour semer , comme aussi pour conjoinctement delivrer Casal et Valence, dans lesquelles les vivres ne sont aujourd'huy gueres abondans.

Ÿ Quant à ce que Sa Majesté desire sçavoir quelles sont aujourd'huy les forces du Piedmont, tant en gendarmerie, cavalerie, que fanterie, c'est chose qui ne peut estre fidellement recogneue que par une monstre generale , qu'on n'a pas moyen de faire , comme aussi parce que, selon la crainte des remuemens de l'ennemi, et les uns et les autres ont tantost couru d'un costé et tantost de l’autre , comme ils font encores aujourd'huy; et neantmoins, pour à peu près donner en cest endroict à Sa Majesté le contentement qu'elle desire , le mareschal en a faict dresser un estat par estimation, qui luy sera representé par le sieur de Croz.

Que puis peu de jours M. le comte de -Tende luy avoit mandé qu'il vouloit passer ‘en Piedmont avec telles forces qu'il pourroit entreprendre de fortifier le bourg de Sainct- Dalmas qui assiegeroit Cony, pourveu que le mareschal se contentast qu'il demeurast de la dépendance de son gouvernement : à quoy il luy auroit respondu que non seulement il en estoit content, mais qu'aussi il envoyeroit de ce costé-là M. le duc de Somme, avec quelques trouppes, pour seconder ceste honnorable intention sienne ; mais onc puis on n'a eu nouvelles de luy, qui s’est peut-estre contenté d'avoir reprins les fidelités que ses subjects avoient faictes aux ennemis lors du voyage qu'ils firent à Cony, et pour son particulier quitté ce qui regardoit l’estat.

Que le duc de Somme, ne l'ayant trouvé, se promena par les valées qui descendent en Daupbiné et Provence , de toutes lesquelles il auroit reprins les fidelités, et puis fait