LIVRE DIXIÈME

lors peu tenir de dire à Sa Majesté que la gloire et l'honneur en estoient deus à luy seul, ét non à ceux qui s'en estoient vânté trop avant, de quoy elle luy avoit respondu qu'elle n’avoit sceu qu'aucun s'en fust avancé à son prejudicé , et que si aucun l'avoit faict qu’elle mesme lùy en eust faict le reproche, sçachant assez que Dieu et la vertu de Gonnôrt en avoient demeslé le combat. |

Qu'ayant sceu que monseigneur le connestable s’en revenoit de Dourlans, qu'il estoit allé au devant de lui, et que là premieré chose qu'il luy avoit demandée ç'avoit esté de luy raconter au vray la rencontre que soû gros cousin avoit eue avec l'ennemy , et dé laquelle il estoit sorty avec tant d'honneur, et dont il s’esjouissoit infiniement.

Le mareschal demeura fort contant de ce retour et de ceste visitation, estimant , comme font ordinairement les malades, qué changement de lict amoindrira leur mal. Il en remercia toutes-fois le connestable, et de l'admonition qu'il luy avoit faicte sur l'auctorité de sa charge , le suppliant croire que ce qu'il en avoit faict n’estoit point par faute de recognoistre son auctorité, mais pour-autant que depuis sa detention il avoit esté par tout tant des-favorisé, qu'il n’estoit pas jusques à des privés capitaines, et jusques aux soldats, qui n’eussent trouvé de l'apuy ét de la faveur contre luy, et jusques aussi à renverser les mêmes choses qu'il avoit faictés, ou par correction ou pour l'advancement des affaires de Sa Majesté ; que pour ne le travailler de Jà longüe lecture de ses lettres, il avoit escrit au sieur de Gonnort, son frère , tout ce qu'il avoit à luy dire et à luy remonstrer, tant sur les affaires du roy que pour son particulier ; et qu’en fin si Sa Majesté n'avoit moyen de continuer la guerre, qu'au moins pour peu de temps elle fist un si grand effort d'armes, que la paix ou la trefve en fussent plus favorables et plus honnorables qu'autrement elles ne seroient pas.

Du seiziesme fevrier, le mareschal donna advis au roy que la garnison des ennemis establie à Frasinet de Pau, qui travailloit Casal, estoit sortye en gros poûr tuer hommes et femmes allans au bois; que La Motte Gonrdrin, qui en avoit eu l'advis, teur avoit

dressé une forte embuscade par les mains des sieurs de Bellegarde et Scipion de Vimercat , et qu'ils avoient si bien estrillé les ennemis, que seize cavaliers et deux cens hommes de pied y estoient demeurés pour les gages.

Du vingtiesme fevrier, il fit aussi sçavoir au roy qu'il avoit receu deux lettres de M. de La Motte Gondrin, par lesquelles il luy donnoit advis que le duc de Sesse avoit envoyé à Villeneufve, delà le Pau, deux mil hommes de pied, quatre cens chevaux et mil pionniers; à Frasinet de Pau une grosse trouppe avec les ponts à basteaux ; qu'il faisoit tirer du chasteau de Milan trente canons, sans Îles douze qui estoient tout prests à Pont-de-Sture; qu'il faisoit lever douze nouvelles enseignes d'Italiens et deux régimens d’Allemans, faisant estat d'avoir jusques à quarante-cinq mil bommes et quatre mil chevaux en campagne, et que auparavant que s'y jetter il leur fera donner à tous une paye , sans les deux qu'il portera encor avec luy dans l'armée ; et que resoluement ils veulent battre Valence, et puis Casal qui est à demy assiegé : il y a tantost cinq mois que le vin commence d’estre si cher dans ledict Casal, que le muyd couste vingt-cinq escus.

Que de contraindre la ville à leur fournir vivres, ce seroit une grande impieté de travailler ceux qui n'avoient manqué de secourir les soldats, et qui avoient prins les armes à la faveur du roy, de la Majesté duquel ils craignoient en fin d'estre abandonnés et remis entre les mains de gens qui auroient peu de pitié d'eux ; qu'il faisoit travailler à la fortification, mais que, n'ayant pionniers ny argent pour en recouvrer, il n'avançoit guieres, ores que les soldats y travaillassent quelque peu.

Pendant que le mareschal donna ceste nouvelle au roy, il fit tant et tant d'efforts, qu'il recouvra vingt mil livres pour les porter au secours de Casal , et dont il donna la charge au capitaine Tibauld Visconte, et à l'enseigne du sieur de Bellegarde, ayans environ trente bons chevaux et cent arquebusiers à cheval qu'ils devoient laisser dans la place par forme de renfort. Or, comme un desastre est toujours suivy de l’autre, ces deux gentils-hommes, qui avoient de bonnes guides, se trouverent

MÉMOIRES DE BOYVIN DU VILLARS

toutes-fois enveloppés dans deux embuscades qui les forcerent après un long combat ; plusieurs furent prins prisonniers, et presque tout l'argent aussi, fors environ six mil livres que dix chevaux qui se sauverent rendirent dans Casal. Ce desastre fut grand , non tant pour sa qualité comme par la consideration du temps et des affaires d'alors; dequoy il donna advis à Sa Majesté, pour d'autant plus l'eschauffer à mieux pourvoir aux affaires qu'elle ne faisoit. Trois sepmaines après estant venu quelque peu d'argent de France, il en secourut la garnison de Casal et Valence, mais avec si bonne escorte que tout alla à sauveté.

En ces entrefaictes ceux de Valence ayans nouvelles qu'à une lieue d'eux il y avoit deux cens hommes de pied et cinquante chevaux qui se rafraischissoient en certains villages, ils les surprindrent si à propos que tout fut deffaict , et le reste emmené prisonnier avec force bestail qu'ils trouverent près de là. Le sieur Scipion Vimercat, executeur de l’entreprinse avec le sieur de Montfort , sceut par la voye du mareschal que son père estoit mort, et qu'il avoit supplié le roy de luy donner la compagnie qu'il avoit, avec la charge des fortifications et vivres, ce qu’elle luy avoit accordé.

Du sixiesme mars , le roy manda au mareschal qu'il estoit sur le poinct de luy envoyer un gentil-homme avec l'estat des nouvelles forces qu'il luy vouloit envoyer, et à Lyon un autre pour faire des partis au recouvrement de deniers pour le payement dudict renfort et des garnisons aussi.

Du vingt-septiesme, 1l manda à Sa Majesté qu'il la supplioit que ce renfort fust tel que, l'ennemi s’obstinant aux sieges de Valence et de Casal, il peust donner la bataille avec tel advantage qu'il y eust de quoy esperer la victoire, et qu'il faloit en cest endroict que Sa Majesté considerast que nul peril s'acheve jamais sans peine, et que celuy à qui Dieu donneroit la victoire disposeroit du tout, ou de partie de l’estat de l’autre ; que pour jouer au seur il faloit avoir quatre ou cinq cens bons hommes d'armes , un corps de six mil Suisses, de huict mil François, de quatre mil Italiens et d'autant de Jansquencts ; que par ce moyen

il pourroit tellement fournir les places, que, succedant perte de la bataille, elles pourroient tenir coup attendant nouveau renfort de Sa Majesté, laquelle à ceste intention devoit tenir prests du costé de Lyonnois et Bourgongne une petite armée de cinq à six mil hommes, et d'autant de Suisses , pour les faire diligemment couler en Piedmont si la necessité l'y invitoit.

Or, pour autant que le mareschal eut nouvelles que les pourparlers de paix estoient si avancés, que jour avoit esté prins entre les deputés des deux Majestés pour s’assembler à Gateau Cambresis, lieu choisi par concordance , et qu’il estoit tousjours en doute qu'on y feroit quelque marché pour les affaires du Piedmont, il print resolution de me depescher vers le roy avec amples memoires et instructions sur tout ce qui pouvoit , en general ou en particulier , regarder ces traictés pour le regard de l'Italie.

Je ne me sceus si fort advancer que je ne trouvasse desjà M. le connestable party d’auprès du roy pour aller audict Cateau Cambresis , et ne trouvay que M. de Guise et M. Bourdin, secretaire d'estat, près Sa Majesté ; auparavant de parler à laquelle, ledict sieur de Guise me fit dire en l'oreille que le roy avoit desjà couvertement arresté la paix avec M. le connestable, à la retention seulement de Thurin, Chivas , Quiers, Pignerol et Saviglan, avec leurs finages ; dont je demeuray si estonné, que de là je prins resolution d'en parler peut-estre plus librement au roy qu'il n’estoit convenable à personne de si basse estoffe que la mienne; mais le regret et le deplaisir que je prevoyois que le mareschal en recevroit m'y porterent. La substance de ce que je luy dis fut telle :

« Sire, le mareschal ayant entendu que Votre Majesté estoit sur le poinct d'entrer en quelque traicté de paix avec ses ennemis, il a jugé que c’estoit chose convenable à son devoir , premierement de supplier , comme il faict, la divine bonté, qui tient le cœur des rois en sa main, de luy en donner toute la glorieuse et advantageuse issue qu'il desire, et pour l’advancement et pour la seurté future de l’estat, lequel du costé du Piedmont, duché de Milan, Montferrat et Canavois, n’est point si petit