LIVRE ONZIÈME
devoient fournir les deniers des licentiemens n'en facent maintenant les refroidis, et que, cela prenant traict de temps, les gens de guerre ne soyent invités à faire quelque desordre, comme il advient assez souvent parmy tels accidens que celuy du roy.
Estant parvenu au dixseptiesme du mois sans que de la cour il eust nouvelles quelconques , il despecha un courrier exprès vers le roy pour se plaindre qu'on avoit commandé aux tresoriers de l'extraordinaire des guerres de ne desbourcer , pour commandement qu'il sceust faire , aucuns des deniers despeschés pour le licentiement , qu'en la mesme forme cy devant discourue , sur peine d'en faire la maille bonne ; que ceste façon de faire estoit de toutes parts si estrange et si prejudiciable à son honneur et reputation, que, sans la candeur de son affection , il n’en lairroit couler l'indignité si doucement qu’il vouloit faire, sçachant assez que ceste farine avoit esté moulue dans l'ame de ceux qui envioyent l'in tegrité et à rondeur de ses actions, desquelles il repondroit tousjours devant Sa Majesté ; que les mesmes tresoriers , et non luy, estoient à reprendre, ayans desjà distrait cinq mil livres sur les cinquante mil qui marchoyent.
Qu'il vienttout presentement d’estreadverty par La Motte, gouverneur de Casal , que ceux de Pont-de-Sture avoyent arresté une barque de marchandise qui descendoit par le Pau, sous le benefice de la paix, pour tirer en Italie ; qu'ils faisoyent aussi redresser la pallissade qui traversoit la riviere , sur la crainte
qu’ils avoyent qu'à ces deplorables nouvelles on ne renvayast l'artillerie à Casal et à Va-
lence ; surquoy il auroit commandé à La Motte Gondrin d'envoyer un gentil-homme exprès à Pont-de-Sture, pour demander la restitution de ceste barque , et protester de ceste pallissade, la structure de laquelle monstroit une tacite disposition au prejudice de la paix. Selon la responce qui en sera faicte, et ce qu'on luy mandera aussi de France, il advisera à ce qu'il aura à faire, mais non pas si bien ne si commodement qu'il eust peu faire si de bonne heure on l'eust, comme on devoit, adverty de cest inconvenient , duquel par le deportement des voisins,
il ne se tient desormais que trop asseuré , puis que le duc de Sesse a envoyé rassembler la cavalerie et les regimens des Allemans qu'il avoit puis n'agueres licentiés. Au mesme in:
stant qu'il faisoit ces despeches , il receut une fort courtoise lettre de M. de Savoye sur le faict des demolitions et des restitutions, la responce de laquelle j'ay bien voulu inserer icy, parce qu'elle porte consequence d'estat.
« Monseigneur , les faveurs et les graces dont , par ceste mesme bonté et generosité qui sont nées avec vous, vous m'avez voulu honorer, contiennent en elles mesmes une certaine espece de gracieuse tyrannie, d'autant qu'elles m'obligent à faire par obligation ce que je desirois faire par eslection volontaire , au faict de la restitution de vos estats, et partout ailleurs où je vous eusse peu rendre très-humble service. Et croyez , s'il vous plaist , monseigneur , que sans les tristes nouvelles de la repentine mort de mon bon maistre que je n'eusse eu rien plus à cœur que de donner à vous, et à tous vos ministres et sujects , tout le contentement que vous deviez esperer de la main de celuy qui vous honore et observe (après son prince naturel) plus que tous les autres qui sont au monde, et mesmes par la memoire que je garde des graces innumerables dont madame a tousjours felicité tous ceux de ma maison et moy en particulier. Vous donc , monseigneur (qui cognoissez mieux que nul autre les chatouilleuses consequences de l’estat), sçavez assez que je ne pouvois (en ce piteux accident) moins faire que de surceoir l'execution des affaires jusques à tant que j'eusse esté esclaircy de l'intention du nouveau roy, et que je n'eusse aussi, et pour moy et pour tous les particuliers gouverneurs et capitaines, toutes les descharges qui nous sont necessaires, et lesquelles ne sçauroyentsi tostarriver qu'elles ne me trouvent encores plus prest à vous servir et obeir , et d'un cœur qui ne donna jamais logis à la dissimulation. En ceste volonté , monseigneur , les choses demeureront au mesme estat qu'elles estoyent, croyant, comme je fais, quant à moy, que rien ne sera rabatu , ou tant soit peu altéré, de ce qui vous a esté si sainctement promis, J'ay
MÉMOIRES DE BOYVIN DU VILLARS
entendu , monseigneur , par plusieurs de mes amis , qu'on s'est efforcé, comme on fact encores tous les jours, de vous imprimer croyance contraire à celle qu'un cavalier d'honneur vous donne , et dont je me tarrois si cela pouvoit passer sans l'embrouillement de vos affaires ; mais le temps et la propre candeur de mes actions vous fera bien tos recognoistre que mon naturel n'est moins libre qu'honorable et veritable ; j'esume que ceux qui en voudront autrement juger ont fouillé dans la boite de Pandore , qui leur a mis ane taye si espoisse et sur les yeux et sur la conscience, qu'ils ne peuvent discerner entre ce qui est way et ce qui ne l’est pas : la malice
qui est couvertement par là dedans sera ua jour seurement corrigée par la main de Dieu, protecteur desamesinnocentesetdebonnaires.
Et par ainsi , en ceste mienne volonté, je vous representeray que toutes Îles playes qui ont cy devant pincé plus avant que je n'eusse voulu tous vos sujects, s’augmenteront à veue d'œil, s'il ne vous plaist de si fort presser ceux qui manient les affaires près du roy, qu'ils envoyent en toute diligence les deniers promis , pour parachever les execuuons de la paix, mais sur tout le pain quotidien pour les gens de guerre, qui sont pieça reduits à si extreme misere qu'ils font pitié aux pierres. Sices messieurs sçavoient aussi bien executer que promettre , il y a long temps que vous, monseigneur et madame , seriez contens , et moy aussi hors de peine et de clameur : si les provisions viennent au trot, je courray au
galop pour desormais mettre à repos vostre
ame magnanime et genereuse , sur l'autel de laquelle j'offre pour offrande mon très-humble service. »
Il escrivit au mesme instant la lettre cy après representée :
« Madame, puis que ce que j'ay bien aa long escrit à monseigneur de’ Savoye fera recognoistre à vous et à luy l'honorable chemin que j'ay tenu , et que je tiendray tousjours à la finalle execution de la paix, et la très-humble devotion que j'ay par obligation fort memorable à votre service, je ne vous ennuyeray point d'une longue lecture de lettre, par l'esperance mesmes que j'ay, nx-
{1559] dame, que ceste grande debonnaireté que moy et les miens avons essayé , recevra pour monnoye de bon aloy ce que j’en ay remonstré à mondict seigneur. Par là, je dois tenir pour certain que celle qui a, d’un cœur liberal et genereux , basty les premiers fondemens de la maison d'où je suis sorty , et qu'elle a tousjours continués envers nos pere, mere et nous mesmes , n'aura jamais creu ny ne Croira que je sois si desnaturé, qu'au lieu de luy rendre très-humble service , que je sois ny pour empescher, ny pour dilayer sur les mesmes choses que la paix vous a données et le roy commandées. Ce sont les tristes accidens qui sont survenus et quis augmenteront tous les jours par la coulpe de ceux qui manient les affaires, et non de la mienne. Or, puis que la negligence sur l'execution des moyens promis est celle aussi qui rend toutes choses pleines de tant de miseres, que je prevois qu'il en adviendra , quoy que je sçache faire , de grands inconveniens , s’il ne vous plaist donner une si rude esperonnade à ces seigneurs , qu'ils apprennent desormais à marcher au pas , et à la cadence de leurs promesses; et lors, madame, vous et monseigneur recognoistrez que ce que je dis et que j'escrits est inferieur à ce que mon ame conçoit et desire pour le bien de vostre service et repos. »
s Du vingt-troisiesme, le mareschal receut lettres du roy François deuxiesme , par lesquelles Sa Majesté luy donnoit advis de la deplorable mort du roy son pere , à la couronne duquel non seulement il avoit succedé , mais aussi aux sainctes intentions qu'il avoit de recognoistre la grandeur et la fidelité de ses services , comme elle esperoit luy faire bientost recognoistre , et que cependant il eust l'œil ouvert et diligent à tout ce qui regardoit l’execution de la paix , et dont elle luy envoyeroit bien-tost ce qu'elle desiroit qui en fust faict. |
: Le mareschal , pour responce , manda à Sa Majesté qu’elle n'avoit suject ny serviteur qui participast plus avant qu’il faisoit aux regrets et aux douleurs de la perte d’un si brave , si “uste et si magnanime prince qu'avoit eslé le feu roy , de la bonté duquel il recognoissoit tous les plus beaux rayons de sa fortune ; que
