LIVRE ONZIÈME

Si pour n'avoir commis larcin ny trahison, Si pour n'avoir usé de barat ou'finesse, Si pour n'avoir jamais violé ma promesse, Si par les armes la gloire on acquiert, Je dois à l’advenir d'un grand contentement consoler ma [vicillesse].

‘Du 25 septembre, il fit entendre au roy que la longueur des resolutions du conseil sur affaires qui ne pouvoient porter dilation, l'avoit contrainct de depescher les secretaires Ruzé et Guesdon, l'un après l'autre, pour obtenir les provisions; quen'ayans tenu compte d'ysatisfaire , se voyant desjà presque aubout d'un mois etsans provision, force luy fut d'emprunter dequoy entretenir les garnisons des six places, Carmagnole comprinse; mais que pour cela il n'avoit guieres gagné ; car les soldats , qui avoient aprins par longue experience combien valloient les promesses de la cour, se desbandoient et retiroient parmy les trouppes licentiées , et qu'ils tiroient tous du costé d'Ast, où le roy d'Espagne faisoit grande assemblée de gens de guerre, pour envoyer en l'isle de Gerbes ou à Tripoli, là licence ou le despit ayant passé jusques là, qu'aucuns se sont jettés à bas des murailles à cause du bon ordre qu'ils voyoient aux portes, autres, qui estoient de la garde, faisant semblant de se jouer à l'entour d'elle pour mieux venir à bout de leur dessein. Le capitaine Fort, qui commande à Quiers, a mandé au mareschal qu'ils ont resolu de faire un gros, ct, avec leurs armes , forcer le corps de garde de la porte pour se retirer: c'est un complot auquel, toutes sortes de moyens deffaillans au mareschal , il ne peut remedicr , puis que la force qui le devroit soustenir luy est contraire, s'il n°y estoit diligemment pourveu en gros et non pir pieces descousues; que le mal qui en adviendra sera hors sa coulpe, qui souffre toutes sortes de hasards et pauvretés peñdant que les autres abondent de toutes sortes de graces, de biens et de repos.

Qüe, par le retour de Cigongnes, Sa Majesté luy commandoit de ne parler pour encores de son congé , recognoissant que sa presence servoit de force, de moyens et de conseil à la diversité des desordres où elle voyoit les affaires enveloppés , et qu'aussi tost qu'on auroit peu recouvrer les moyens qui v pouvoient

remedier, qu'à lors Sa Majesté luy permettroit de venir à elle, laquelle le recueilleroit avec toute l'amour et faveur que meritoit la grandeur de ses services : la volonté du roy avoit bien ce desir , mais elle n'estoit pas en cor assez rusée pour descouvrir que la cour ne craignoit que la venue du mareschal, au- Cuns ayans opinion que la prudence de ce sieur , avec la grandeur de ses services , conduiroient Sa Majesté à le retenir près d'elle et luy donner part au gouvernement des affaires, en la crainte dequoy aucuns faisoient tout ce qu'ils pouvoient pour le reduire à tel accessoire qu'il fist quelque lourde bronchade , et dont la crainte luy tenoit tousjours le pied en l'air comme les grucs.

Du 29 septembre , le roy manda au mareschal qu'il estoit necessaire retirer du roy d'Espagne , de messieurs les ducs de Savoye et de Mantoue, quittances particulieres des restitutions qui leur avoient esté faictes en execution de la paix, pour avoir lesquelles il depescha courriers vers les uns et les autres, qui les apporterent à Sa Majesté ; sur laquelle occasion il luy fit entendre que la mal digerée restrinction du mil de finage n'avoit pas esté plustost faicte, que les ministres de M. de Savoye avoient imposé sur toutes sortes de vivres qui venoient dans les cinq villes, tant des daces et des peages ; que si cela avoit lieu comme il avoit preveu , il faudroit qu'elles achetassent à dix ou douze sols ce qui n'en valoit que cinq, autant à la ruyne des habhitans que des mesmes gens de guerre; qu'il avoit envoyé descouvrir ce qui en pouvoit estre, à fin qu'avec la verité en main on peust faire recognoistre à M. de Savoye, et à tout le monde aussi, que c'estoit mal mesnager graces si notables qu'estoient celles que la bonté du roy luy avoit genereusement concedées, et contre l'advis de la plus part de ses ministres , la paix ne l’y obligeant aucunement. -

Le roy, sur l'estat qu'il luy avoit envoyé des capitaines ayans charge , et qui devoient estre retenus pour la consideration de leurs merites , osta d'iceluy { par les menées de la cour, qui cheminent tousjours par passion Ou par interest ) les capitaines Villambis, neveu d'Ossun, les capitaines Muz et Berthe-

MÉMOIRES DE BOYVIN DU VILLARS

ville, tous trois de vertu et de merite; ce qu'il trouva fort mauvais : il s'en plaignit au roy, la Majesté duquel , recevant gracieusement son tesmoignage , les fit remettre.

Qu'il donnera ordre à envoyer tous Îles mois, comme le roy desire, les estats de recepte et despence , et des deniers qui seroient revenans bons, et que, pour mieux y pourvoir , il seroit necessaire que les monstres’ se fissent de mois à autre, ce seroit l'advantage de Sa Majesté et le bien des gens de guerre.

Que le reglement qui luy avoit esté envoyé sur la forme des payemens des compagnies et des apointemens, a esté reduit à si petit pied, que c'est ouvrir plus que jamais la porte aux capitaines pour avoir des passe volans et des picques seches au lieu de lances spezades ; enquoy le roy sera cent et cent fois plus interessé qu'il ne sçauroit jamais estre d'une honneste et moderée augmentation de solde, laquelle il remet à la discretion de Sa Majesté et de M. de Guise, qui sçait pieça combien vaut l'aune de ceste marchandise , ne voulant estre dedit quant à luy, comme il a tousjours esté sur les mesmes choses dont on disoit vouloir demeurer à son seul conseil et advis; qu'il soit vray, ayant comprins, comme il estoit raisonnable , dans l'estat des appointés, les sieurs de Gaillac, lieutenant de l'artillerie , du Plessis , intendant des finances, le truchement Hoster, ils en avoient tous esté rayés à l'indigne misere d'eux et honte tacite de luy, comme aussi avoit esté le capitaine l'Isle, qui avoit rendu si honnorable tesmoignage de sa valeur et de son courage à la prinse de Montcalvé, ayant soustenu le combat jusqu'à tant que la multitude des playes l'eussent couché par terre, pour raison de quoy Sa Majesté luy avoit promis, au parsus l'entretenement de sa compagnie, beaucoup d'autres biens et honneurs, et qu'il s'estoit depuis trouvé cassé du tout, parce que le mareschal affectionnoit son advancement ; que toutes ces rigueurs et mespris raportés ensemble le conduisoient à supplier très-humblement Sa Majesté, ou luy donner tout à faict son congé , ou ne plus permettre que luy ny ses amis ne fussent ainsi bafoués à chaque bout de champ.

* Le dernier d'octobre, le cardinal de Lorraine escrivit au mareschal que le roy vouloit que les cinq places fussent pourveues de toutes sortes de vivres pour dix huict mois ; qu il le prioit non seulement d'en faire dresser un estat, mais aussi de cotter par iceluy, sur chaque indifférente qualité de vivres , à quoy cela pourroit revenir , et puis reduire le tout en une somme generalle, à fin que l'ayant digerée et considerée, il regardast par quels moyens on y pourroit parvenir : à quoy le mareschal promit satisfaire, ores qu'il tint pour asseuré que tout cela se resoudroit en fumée, puis qu’on ne tenoit compte de pourvoir aux mesmes choses qui requeroient prompte provision , comme faisoit ce qu'il avoit n'aguieres mandé sur le violent desbandement des soldats, et precedemment sur le faict des reparations , la provision des payemens de la gendarmerie et de la fanterie qui estoit despartie par les six villes ; qu’il ne sçavoit plus à quel sainct se vouer.

Le conseil faisant contenance de vouloir, une fois pour toutes , pourvoir à tout ce que le mareschal avoit demandé, ou qu'il cognoissoit necessaire pour le bien des affaires, Sa Majesté luy commanda d'en envoyer un bien ample memoire , qui fut dressé de ceste subtance , à sçavoir :

Que durant que Sa Majesté avoit tenu le Piedmont on avoit levé tous les ans trente-six mil livres de taillon pour le supplement de Ja gendarmerie , et qu'il le faloit maintenant rejetter ailleurs, comme il avoit si souvent mandé , sans toutesfois en recevoir resolution aucune.

Que le Piedmont souloit contribuer le payement de quarante chevaux d'artillerie qu'il faloit rejetter ailleurs.

Que Carmagnolles, Villeneufve d’Ast, Quiers et Chivas, n’estans fortifiées que de gazons, qu'ilsse sont esboulés en beaucoup d'endroits; qu'aussi puis peu de jours la moitié du bastion de Nostre Dame, à Thurin , estoit tombé, et aussi l’un des esperons de la citadelle de Pinerol, et à quoy il faloit pourvoir auparavant que les ruynes fussent plus grandes.

Que, ne voyant aucun reiglement arresté sur le faict des payemens de la fanterie , de