LIVRE DOUZIENME

sçavoient que c'estoit du pays, et dont ils devoient conferer avec luy auparavant que le faire ; car il n'eust jamais consenty qu'un si grand prince tel qu'est le roy eust reduict ses affaires à la discretion du moindre qui aura tousjours les yeux et les intentions dressées sur ces cinq places, qu'il estime non seulement siennes, mais injastement retenues aussi sur un beau frère tel qu'il est aujour. d'huy, et dont il dissimule prudemment la douleur et le despit. |

Du vingt-quatriesme janvier, le roy manda au mareschal que le maistre des comptes Caconat avoit! esté depesché vers elle , par M. de Savoye, avec une grande legende de plaintes qu'ils faisoient contre luv, et dont il supplioit Sa Majesté commander que coppie luy fust envoyée , à fin que il y peust respondre article pour article.

Qu'il n'y à ordre qu'il puisse recouvrer plustost que dans la fin de fevrier les payemens de decembre et janvier; surquoy il remonstra qu'il ne pouvoit croire que Sa Majesté se voulust arrester sur une si dangereuse resolution qu'estoit ceste-là, de vouloir recueillir abondamment, et toutesfois semer fort chichement ; qu'il ne faloit plus desormais esperer de trouver credit d'un liard, et moins encores invention ny expedient quelconque pour secourir les soldats d’un seul pain, tout estant tary et du costé du peuplé et du sien , et de ses propres amis aussi; que le parti qu'il a envoyé proposer à Sa Majesté par le secrétaire Ruzé servira de preservatif à ces maladies, si son plaisir aura esté l'aecepter, comme il veut croire qu'elle aura faict; autrement, que, pour ne plus despuiser les matieres, il faudra ouvrir les portes aux gens de guerre , et les laisser courir où ils voudront, ou leur laisser saccascer Îles villes, et entreprendre sur la vie de luy mesme , qui trouve fort dur et fort estrange qu'on ne se vueille efforcer, en un cas st miserable, de trouver cinquante mil escus pour sauver l'estat et la reputation du maistre, les coffres duquel on peut bien par l'espargne remplir d'argent, mais non jamais ny de gloire ny d'honneur, ornement le plus precieux des princes genereux.

Or, voulant satisfaire, conformement at

vouloir de Sa Majesté, sur les plaintes ducales cy devant discourues , il luy envoya les responces, selon ce qui sera cy apres cotté.

Respondant donc le mareschal au premier article parlant de ce dace du teston, il estimoit y avoir desjà assez amplement satisfaict par les remonstrances cy devant faictes, ainplifiant toutesfois lesquelles , il dira, sur ce qui est advancé par les ministres savoisiens , que si leur prince n'eust eu intention d'incommoder, par les impositions dudict dace, les cinq places, qu'il l'eust mis à Montcalier, où tout le Piedmont, et Thurin mesme, se fournist de bleds , ou à Suze pour le bestail ; que toutes leurs plaintes et leurs propositions ne sont que paroles fardées, et auxquelles, par une honneste modestie, et par des raisons aussi qu'il vaut mieux taire que dire , il ne veut respondre autre chose sinon que la verité est que les bureaux toutesfois ont esté establis de tous costés ès environs des cinq places, et qu'on le faict payer à Suze , à tous ceux de Villeneufve d'Ast, qui y estoient allés pour acheter du bestail ; et toutesfois, par l'accord de la restrinction du mil, il est porté qu'il ne sera mis aucune imposition sur la chair, au moins autres que les anciennes si aucunes y en avoit, et que pareillement les habitans desdictes cinq villes n'en payeront point d'autres en faisant conduire leurs bleds, vins , bestail, et toutes autres denrées de vivres et fourrages qu'ils auront, hors le mil dans les villes, et qu'en tout et par tout ils seront traités, pour ce regard, selon les mesmes subjects du prince : or n'en payans poinct donc, comme ils ne font, pour le regard desdits vivres, il en resulte donc aussi que ceux-cy ne le doivent faire non plus qu'eux , et que s'il se faict c'est injustice.

: D'alleguer par lesdicts ministres que la plainte qu'en ont faicte les habitans des cinq villes n'est volontaire, ains forcée par le commandement et par les inductions des serviteurs du roy, c'est une fausseté qui devroit estre repoussée et corrigée par les faicts et non par les paroles, et qui ne fust jamais practicquée par ses predecesseurs qui ont commandé en Piedmont, ny par luy, comme on pourra aisement verifier par les commis

MÉMOIRES DE BOYVIN DU VILLARS

des cinq villes, qui sont aujourd'huy près Sa Majesté.

À la plainte qu'ils font aussi que le mareschal envoya signifier aux exacteurs que s'ils ne se desistoient de la levée dudict dace, qu'il n'estoit pas pour l'endurer, il est vray, et en cela il n'a rien esté entreprins que par le commandement de Sa Majesté du vin:thuit novembre.

Si le mareschal a faict venir dans Tburin aucuns de ces peagiers, ça esté pour autant que, quandil les envoyoit prier de luy rendre raison du fondement sur lequel tant de nouvelles impositions estoient mises, leur responce estoit qu'ils n'avuient que faire de luy rendre compte de leurs actions, et desquelles il ne se desisteroient aucunement : C'est en cest endroict se plaindre de la grace qu'on leur a faicte; car, en tous nouveaux ateñtats contre la liberté de l'estat, dont l'advis n'a esté precedemment donné, il y faloit proceder avec toute autre plus rude correction qu'on n'a poinct faict, et que pour renverser en un seul mot toutes ces galanteries , il ne faloit pas presser le roy de concéder ces reductions de finage , ni charger les François des impositions qu'on n'a pas osé practiquer contre les garnisons espagnoles qui sont dans Ast et Santia : cela s'appelle pieté , à nous un masque d'affection toute farcie de malice, et aux autres toute intelligence et faveur.

Respondant au deuxiesme article, le mareschal est contrainct de dire que M. de Savoye faict bresche à sa grandeur et à l'alliance qu'il a contractée avec le roy, de demander la restitution des munitions que le pays , durant les guerres, a contribué aux villes qui n'estoient siennes, non plus que le propre pays; car quand bien elles seroient encor aujourd'huy en nature (ce qu'elles ne sont pas), le mareschal ne s'en dessaisiroit pas, ains les garderoit pour la seureté des places du roy dont il estoit tuteur, et de toutes lesquelles choses il avoit disposé avec jugement et conscience par le pouvoir souverain quil avoit lors du roy; que quand il seroit autrcment concedé, ce ne seroit pas au prince, ains au pauvre peuple auquel il les faudrait rendre; en somme , il semble qu'en tout cecy il n'y a fonds ny rive, et que c'est, comme

(4560) ils disent en Italie, domandar pegne al camparo. :

Quant à la plainte qu'ils font sur Ja levée des contributions, elle est de leur part aussi veritable que les autres demandes; car tout aussi tost que Sa Majesté commanda qu’on s'en desistast , il fut ainsi faict, comme le mesme tresorier de Savoye, qui en avoit la charge, asseure sur sa vie, et dont il a tenu compte. : La plainte qui est pareillement faicte sur ce que le mareschal avoit departi la cavalerie par les terres de M. de Savoye, contre l'ordre de la paix, ils devroient avoir honte d'en parler ; car il ne s'en fit rien qu'avec le propre consentement de ses ministres, dont e mesme Coconat , ambassadeur de ses plaintes, estoit l’un, tous lesquels estans rendus capables qu'il estoit deu sept mois à la cavalerie , qui ne pouvoit trouver dequoy dans les villes, et lesquelles ils menaçoient de saccager, il fut, par commune concordance, advisé qu'il les faloit, pour moindre mal, faire vivre à la campagne ; et par ce qu'aucuns, contre ceste resolution, se voulurent efforcer de les chasser, ils se remirent en corps pour repousser l'injure. Les Espagnols ont, depuis la paix, et de leur privée auctorité, faict beaucoup pis, et toutesfois on n'en a dict mot, eux dis-je qui ont preferé la rigueur à la glace , au rebours des François.

Disent aussi, par forme de plainte, qu'on a abatu en aucuns endroits les vieilles murailles d'Yvrée; c'est une mesme farine que les autres : il est vray qu'il y fut faict aucuns trous par intervalles pour faire escouler les terreplains faicts par Sa Majesté, ce que vingt-cinq ou trente escus peuvent reparer.

Et pour le regard de la mesme plainte qu'ils font pour Cairas , qui est de la comté d’Ast, legitime heritage de la France, la verité est qu'on a desmoli tout ce que le feu roy François IL y avoit faict bastir durant le premier siege que les Impcriaux y mirent, et où estoit le mareschal commandant à cent chevaux legers, comme aussi à esté ce que le roy Henry IL y a faict; et toutesfois qu'auparavant que le faire ainsi il avoit faict appeler les sieurs d'Ossun et de Birague , qui estoient comme luy de ce temps là, qui luy donnèrent la mesme asseurance qu'il avoit, que