LIVRE DOUZIÈME

que par la Picardie et Champagne , avoit de si grands moyens, que , par constitutions de rentes ou autrement, c'estoit chose fort aisée à qui voudroit de recouvrer cent mil escus ; qui medicineroyent tout à coup non seulement les playes desdicts payemens, mais aussi celles des. fortifications, munitions de vivres , et de celles qu'il faloit pour l'artillerie, payemens des officiers et des appoinctés; que s'il avoit encores en main le païs rendu , et les mesmes jurisdictions et mandemens des cinq villes, qui en avoient esté despouillées assez mal à propos, qu'il en eust peu tirer quelque peu de soulagement qui eust fait couler le temps; aujourd'huy ces cinq places estoyent si miserables, qu'elles avoyent elles-mesmes assez à faire à vivoter seulement; que puisqu'au prejudiee de ses justes remonstrances, la mesme liberté de la campagne leur avoit esté interdite , et toutes choses reduittes au petit pied , qu’il ne sçavoit plus à qui avoir recours qu'à Dieu, et à se retirer avec la bonne grace de Sa Majesté ; qu'il poavoit bien, quant à luy, courageusement supporter les desastres de luy, comme fruicts sortans des appanages de nostre hu:

manité , mais non ceux de l'estat, ores qu'ils fussent hors de sa coulpe; qu'il croyoit, comme disoit Caton de Pompée , que ceux qui sçavoyent faire les grandes plaves sçavoyent aussi les grands remedes pour y ap:

pliquer ; et qu’en ceste consequence il supplioit très-humblement Sa Majesté envoyer tenir sa place par ceux qui avoyent faict, persuadé et consenty- à celles du Piedmont, et lesquels en parloyent et jugcovent bien à leur aise, accoudés sur le tapis, le ventre à la table et le dos au feu; que pour le moins, pe le voulans faire , ils s'efforçassent envoyer diligemment trente mil livres en Piedmont, pour jetter quelque os en la bouche aux pauvres soldats eslanyourés de faim et de misere ; que S'ils n'estoient pas aux coffres de Sa Majesté, qu'ils engageassent, comme il avort souvent faict, leur vaisselle, leurs meubles et leur credit, et Commme il feroit derechef s'il [uy estoit demeuré dequoy le pouvoir encores faire; qu'il ne se faloit plus amuser à en deviser , ains recognoistre que la fan est la plus forte passion qu'on puisse

jamais encourir ; qu'elle rendoit cruelles les plus douces natures , les bommes effrontés et contempteurs de Dieu, du prince, de la justice et des lois les plus severes; qu'il se prepareroit à supporter , par une virille et genereuse patience, tous les maux qu'il voyoit preparés, et auxquels il recognoissoit ne pouvoir remedier; que puis que Sa Majesté estoit après à luy envoyer un successeur, qu'il la supplioit que ce fust au plustost , et auquel il prioit la Divinité donner si favorable fortune, jugement et dexterité, que Sa Majesté en peust recevoir contentement et allegement en ses affaires; mais qu'il apporte sur tout de quoy esteindre ce dangereux feu que la pauvreté, la faim et le froid, miseres insupportables , ont allumé de tous costés.

Du mesme jour, la royne mere du roy luy manda qu'ayant sceu que M. l'admiral remettoit le gouvernement de Picardie ès mains du roy son fils, qu'elle l'avoit persuadé de le luy reserver, comme il feroit. Il en rendit graces très-humbles à Leurs Majestés, et leur manda aussi, ayant consideré que ceste demission ne pourroit avoir esté faicte par quelque occasion peu favorable , qu'il ne se pouvoit resoudre pour encores à l'accepter, mesmes se trouvant desjà si avant en l'age, et si abbattu des precedens travaux et des presentes necessités où il étoit injustement enveloppé, qu'il avoit desormais plus de besoin d'un honneste repos que d'un laborieux tra.

vail; et que par ainsi il supplioit très-bumblement Leurs Majestés ne trouver mauvais qu'il remeit à s'en resoudre quand il auroit ce bien de leur baiser les mains, comme il esperoit faire bien tost.

. Remercia particulierement la royne sur le

desir qu'elle avoit de le voir près du roy pour l'assister de son jugement et de son conseil, et de ce qu'elle luy escrivoit qu’en se souvenant de la grande amitié que le feu roy son seigneur luy portoit , qu'elle pleuroit des yeux les prosperités passées, et du cœur les calamités presentes, qui avoyent besoin d'un tel pilote qu’estoit le mareschal.

Et d'autant que messeigncurs les cardinal et duc de Guise s'excusoyent par leurs lettres de n'avoir sceu trouver moyen de le secourir plus tost qu'à la fin de fevrier , il leur

MÉMOIRES DE BOYVIN DU VILLARS

manda , en termes laconiques ou phalariques; qu'il n'ignoroit pas à quelle fin toutes ces miseres estoyent dressées , et que les affaires estans desjà reduits aux tryaires, il avoit plus de besoin d’une prompte et fort solide resolution à son secours, que de tant et tant de promesses et de paroles descharnées de toute substance ; que la necessité, qui est une rude et violente marastre, contraindroit, non luy, mais les gens de guerre, à entreprendre des choses qui surpasseroyent leurs forces et la hardiesse naturelle, au detriment de l'estat.

Du neufviesme fevrier, donna advis au roy que tous les habitans des cinq villes l'estoyent venus trouver , pour luy remonstrer que l'universelle moisson des bleds avoit esté si foible, que leurs terres ne leur avovent pas à peine rendu la semence, et qu'aux mesmes marchés de leurs villes, où ils abondoyent aucunement, il ne s'y est rien trouvé; de maniere que tout ce pauvre peuple , qui n'a niterre ni camp, a commencé à tumultuer et à crier à la faim : que c'estoyent des glorieux fruits des restitutions et des limitations de finages, tant et tant de fois justement combattus qu'il n'y avoit aujourd'huy autre expedient en ce faict que de conceder, conformement à leurs requestes qu'il envoyeroit à Sa Majesté, une traicte franche de dix mil sacs de bled à prendre en Provence, Daulphiné ou Lyonnois, à leur option; que, par ce deplorable exemple , Sa Majesté pourroit assez juger à quel terme les gens de guerre seroient resduits, n’estans secourus dequoy que ce soit, ni pour se miserablement nourrir Ou couvrir contre l'hiver, aspre en Piedmont plus qu'ailleurs.

Sera noté qu'au mesme instant que ce bon chevalier sans reproche vouloit signer ceste depesche, que la garnison de Thurin, à laquelle il vouloit faire faire monstre, et leur donner quelques testons pour s'aider , ils prindrent tous les armes, et par commun complot marcherent furieusement contre le logis du mareschal, pour tuer ou massacrer et luy et tout ce qui estoit avec luy; dont ayant peu auparavant senty le vent par l main des Suisses, qui ne se laïsserent corrompre comme les François, il fit au mesme

instant entrer dedans la compagnie du coronnel Apro, avec quarante ou cinquante, que capitaines, que gentils-hommes , tous lesquels, ayans barricadé les portes et les fenestres basses , commencerent à tirer dans ces mutins, dont cinq ou six furent abatus ; quoy voyans les autres, ils se reculerent au loin, sans toutesfois faire contenance de se desarmer. Les sieurs president Birague, de Montfort et Richelieu, furent envoyés vers eux, lesquels firent entendre qu'ils ne quicteroient point les armes que le mareschal ne leur eust promis, et eux aussi, de les payer dans deux ou trois jours à terme couppé, n'ayans cy devant adjousté que trop de foy à ses paroles et à ses promesses. Les choses estans reduictes à en faire le saut, ce fut force au mareschal et à cesdicts seigneurs d'y consentir, et de courir soudain aux juifs et à d’autres, pour assembler sur bons gages jusqu'à quatre vingts mil livres, qui furent employées et au payement de ceux-cy, et à appaiser aussi toutes les autres garnisons qui estoyent de la partie. Et de faict, le lendemain sur le poinct du jour, les Suisses qui avoyent la garde de la porte du chasteau, descouvrirent à cent pas de ladicte porte deux enseignes françoises, qui pensoyent y trouver leurs compagnons et venir à l'execution sanguinaire du faict; mais estans, par le commandement de M. le mareschal, salués d'arquebusades, ils cognurent que le pot aux roses estoit descouvert, et par ainsi S'en retournerent. Et à la verité, sans la fidelité et l'advertissement des Suisses, qui n'avoyent jamais voulu consentir à ceste rebellion , la partie sans doute estoit toute jouée.

Le capitaine et coronnel Apro presta, du sien et de ses compagnons, jusqu'à douze mil livres. Des compagnies françoises, celle de Tilladet fut la plus mutine ; son enseigne, la voulant retenir, fut bien battu, et peu s’en falut qu'il n’en fust tué. Luy merite honneur et recompense, et la compagnie et le capitaine d'estre cassés, n'ayant jamais, depuis trois ans, daigné veuir manier sa compagnie, ni aussi y mettre un lieutenant, comme ont faict d'autres nommés en un roolle qu'il envoya au roy, à la Majesté duquel il manda, et aux cardinal et duc de Guise, que si tout