LIVRE DEUXIÈME

bours, quand il ne pleut point, il faut aller querir l’eau à deux lieucs de là, cstant le pays destitué de ruisseaux et de fontaines.

Pour conclusion , messieurs , je treuve, quant à moy, l'entreprise de Quiers si réussible au regard de celle d’Ast, que je delibere, avec vostre advis et assistance , d'ouvrir la guerre par ce costé-là, estant tousjours , comme vous sçavez, beaucoup plus à propos d'embrasser peu et le bien conserver , que le beaucoup en danger de le perdre après avec dommage et des-honneur infini; chose qui est, en un commencement d'affaires, de merveilleuse consequence. »

Geste resolution fut appreuvée et grandement recommandée par tous les seigneurs du conseil; et par ainsi Je mareschal delibera d'essayer l'entreprinse de Quiers par deux divers moyens, l'un par surprinse qui se devoit faire de nuict, avec des eschelles qui seroient plantées en deux differens endroicts de la muraille qu'on avoit recognus fort bas et approchables; et l’autre par la force, ne succedant la surprinse. Pareillement il delibera de mettre en mesme temps la main à diverses autres entreprinses qu'il avoit dres : sées contre l'ennemy, pour d'autant plus l’affoiblir et estonner , avec esperance que si la fortune lui contrarioit d'un costé, qu'elle luy seroit au moins favorable de l'autre. Pour à quoy parvenir, il ordonna à M. de Vassé, gouverneur du marquisat de Saluces et capitaine de cinquante hommes, d'aller donner une escalade à Sainct Damian, petite ville située à huict mils d’Ast, appartenant au duc de Mantoue, qui n'estoit lors gardée que par les habitans, la pluspart gens de labeur, et par un assez bon chasteau dans lequel il y avoit quinze ou seize soldats tant seulement, Pareillement il ordonna à Gordes , gouverneur de Mondevis, d'entreprendre le semblable sur Cairas, ayant aussi un assez bon chasteau : la garnison estoit de sept à huict cens hommes, sans ceux de Ja ville, gens aguerris et affectionnés au parti imperial.

Pour à quoy mieux parvenir fut commandé au vicomte de Gourdon, gouverneur de Saviglan, de se rendre avec tout ce qu'il pourroit commodement tirer hors sa place , au pied de la muraille de Cairas, au mesme instant

que fcroient Gordes et le comte de Beyne, pour , selon ce qu'ils auroient precedemment deliberé par ensemble, donner tous deux en un mesme temps, et néantmoins par divers endroits, afin de plus estonner l'ennemy, comme ont accoustumé de faire semblables nocturnes et inesperées surprinses; mais sur tout de bien poiser et considerer auparavant la possibilité du faict, pour le-mieux et diligcmment executer à l'advantage du service du roy, et à leur gloire particulicre, afin de n'encourir la honte ny le repentir , qui n'estoient jamais receus à la g'erre pour monnoye de bon aloy. |

+ Estant toutes choses necessaires pour parvenir à une honnorable ouverture de guerre mises en bon train, le troisiesme jour de septembre 4551, voulant le marcschal executer l'entreprise de Quiers cy-devant arrestée, il fit, sur les cinq heures du soir, sortir six cens hommes de Thurin, conduicts pas Ossun qui en estoit gouverneur, trois cens de Montcallicr, par Montluc, maistre de camp; quatre cens de Ville-Neufve d'Ast, par La Motte Gondrin ; cinq cens de Chivas , par Carle de Birague , et autres six cens de divers endroits : le tout assisté d'environ trois cens, que hommes d'armes, que chevaux legers, conduicts par de Pavan ct l'rancisque Bernardin de Vimercat. Tous ces capitaines avoicnt commandedement de sc rendre avec leurs troupes, environ la minuict, sur le bord du fossé de Quiers, portant chacun une chemise sur leurs armes pour s'entrerecognoistre , et d'obéir aux commandemens de Bonnivet , qu'il avoit instruit de son intention.

Le president Birague , qui estoit commissairc general des vivres, et qui n’avoit pas moindre cognoissance de la guerre que des lettres, s'estoit chargé de faire conduire, avec la trouppe qui partoit de Thurin, douze fortes eschelles, chacune composée de deux pieces qui se rejoisnoient et remboittoient par le milieu avec deux mortaises de fer, avans aux bouts d'en bas deux grosses poinctes de fer, et à chacun de ceux d'en haut une roue coulisse doublée de drap par le tranchant, pour la faire plus doucement et sans bruict glisser contre la muraille, avec un Croc au bout pour les affermir, Ces eschclles

furent departies à chacune de ces quatre trouppes arrivans au rendez-vous, fors une que retndrent Montbazin , La Riviere et ca— pitaine Loup, lesquels conduisoient environ soixante gentils-hommes volontaires de la maison du mareschal, ou qui l'avoient suivy par honneur et amitié. Ce petit camp volant fut soudain suivy de dix pieces d'artillerie conduictes par les capitaines Duno et La Crique, qui estoient commissaires de l'artillerie, à fin que, ne succedant la surprise, on peust recourir à la force, faisant, comme on dit, marcher le renard et le lyon tout ensemble.

Combien que, le jour precedent ce partement, on eust faict tenir les portes des villes fermées et mis gens sur les passages pour empescher que les ennemis n'eussent nouvelles de ce nouveau remuement, si est-ce que les choses ne peurent estre maniées avec tant de silence que ceux de Quiers n'en eussent le vent et la crainte; de maniere qu'au lieu de les trouver endormis , comme on esperoit, on les trouva en armes, et par ainsi il falut avoir recours au droict canon, lequel presque tousjours à accoustumé de s’en faire à croire.

Le lendemain l'artillerie fut plantée du costé de la rocquette, contre laquelle furent tirés huict ou neuf cens coups de canon qui faisoient peu d'effect, estant cest endroict là (à ce qui fust recogneu depuis) l’un des plus forts de la ville, estant toute bastie de briques, plus propre à soustenir les foudres du canon que la taille. Ceux de dedans firent au commencement assez bonne contenance , toutesfois le grand nombre de trompettes qu'on faisoit continuellement taratantarer ès environs des murailles, avec l'effroyable bruict d'une multitude de tabourins expressement portés , et la bonne contenance des chefs et des soldats, qui ne leur donnoient ni nuict ni jour relasche aucun, leur fit enfin estimer nos forces beaucoup plus grandes qu'elles n'estoient pas. D'ailleurs, considerans qu'estant l'armée , de laquelle ils pouvoient esperer un prochain secours , engagée à Parme, ils pourroient recevoir peu d'honneur et moindre profit d'une mal fondée obstination , ils resolurent de rendre la place; et pour ce faire , le troisiesme jour du siege, sur le ma-

Mme ©

[1551] tin, ils donnerent la chamade ; laquelle estant receue , et demandans à parlementer , le mareschal dépescha vers eux, moyennant ostages, Montluc et Vimercat, et moy avec eux:

ils sceurent si bien jouer leur personnage, que le mesme jour la place fut remise ès mains du roy, avec l'artillerie et munitions ; les gens de guerre sortirent leurs bagues sauves , armes serrées et enseignes ployées.

Ils estoient environ quatre cens hommes de pied, qu'Italiens , qu'Espagnols, et cinquante chevaux legers sous la charge du comte de Dezane, lequel quelque temps après vint au service du roy, et le tout commandé par le conte de Lampugnan, gouverneur de la ville. Estans sortis, et cinq cens des nostres entrés dedans, le mareschal, recognoissant cest heureux commencement de la seule main de Dieu, et non de la force et prudence, alla incontinent à l’eglise, accompagné de tous les seigneurs et capitaines, en rendre graces et louanges à sa Divine Majesté.

t Ceux de la ville, estimans estre sortis de la main des furies infernales pour tomber en celle des anges, firent tout ce jour grande resjouyssance et festins à tous ceux qui furent departis de leurs maisons, auxquels, sous peine capitale , fut commandé de se gouverner modestement , et surtout à l'endroict des dames, et de obéir à Montluc et Vimercat son collegue, qui commanderoient dans la ville.

Je ne veux obmettre un poinct digne d'estre remarqué sur le fait de la reddition de Quiers: c’est qu'ainsi qu'elle s'executoit, je m'accostay d'un gentil - homme espagnol, d'assez bonne apparence, nommé Davila, avec lequel devisant de ceste ouverture de de il me dit en son langage ces mots :

« « Vous avez bien sceu , messieurs les François , commencer la guerre à vostre advantage ; mais j'espere bien toutesfois que la continuation sera celle qui nous fera emporter le dessus, par l'impaticnce avec laquelle vous conduisez tousjours vos aflaires. » A quoy je luy respondis que le chef ct les membres estoient pleins de telle prudence ct valeur, et la justice de la cause si bonne, que Dieu seroit tousjours de nostre costé, et qu'à un si genereux commencement qu'avoit esté le