SSE

quivze bouches, sans les gens de guerre, qui estoiené autres trois mA, complant maistres

et valets. De maniere que le mareschal, d'estre surpris en chose où le dilayer pouvoit appor- ‘ter. domage irreparabla, envoya soudain vers Vassé l’un des commis de Franscisque Bernardin de Vimercat , sur-intendant general des fortifications et des vivres, avec charge de faire diligente perquisition de toutes les : Munitions et des bouches, tant utiles que inu- : üles , qui se trouveroient dans la place, pour

le luy rapporter par estat, et generalement

de remarquer soigneusement tout ce qui pou- | voit apporter de la despence, advenant le

siége, à fu de diligemment pourvoir à ce qui

seroit necessaire. Vassé, aveuglé de passion, et qui ne recognaissoit pas combien d'incom-

modité et d'inquietude apportoit à l'esprit du mareschal ceste nouvelle demande, au lieu

de trouver bon que ceste description se fist

pour avec plus de fondement pourveoir à cette nouvelle instance , ne voulut jamais permettre que le commissaire y mist la main, ains le

| renvaya assés rudement , sans toutesfois vou-

loir particulierement esclaiccir au superieur

ca qu'à y avoit dans sa place.

Le mareschal trouva ceste procedure assez

sur le champ. Néantmoins, considerant la saison et la mal qui ea pouvoit adyenir, ayant à faire à un personnage vaillant, mais de nature fort soudaine et fort aisée à esmouvoir , il prit resolution de dissimuler pour lors ce

qu'il en pensoit; et fit semblant d'avoir trouvé

fort bon qu'il eust renvoyé le commissaire de’ la sorte qu'il avoit faict, puis que Vimercat.

l'avoit depesché sans prendre de ses lettres,

comme son intention estoit qu'il fist; et qu'il luy. en renvoyoit un autre, auquel il prioit de. danner toute assistance pour l'exécution de:

sa charge, et mesmes pour, advenant un’ siege , debiter les vivres par le mens et par son ordonnance , à fn que demeurant par ce:

moyen toutes choses reglées et esclaircies, on peust avec plus de prevoyance pourveoir' à ce qui seroit necessaire ; car de demander: tousjours, sans toutesfois vouloir dire ce qu'on’ a ou qu'on n'a pas, C estoit chose qui pouvoit autant recevoir la mauvaise que la bonne in-'

terpretation, et apporter , qui estoit le pis,

reculement et danger aux affaires du maistre, lesquels devoient estre demeslés hors toute confusion et incertaineté. Vassé, n'ayant pas ‘pour lors encore chaussé ses bonnes lunettes, renvoya cestautre commissaire aussi mal instruict que le premier , et sans luy avoir voulu permettre l'execution de sa charge , alleguant pour toute excuse que l'execution de sa commission eust apporté aux ennemis certaine cognoissance de ce qu'il desiroit cacher le plus , qui estoit la necessité de la place, et conjoinctement les inviter à l'aller assaillir avec plus d'asseurance et de courage qu'autrement ils ne feroient pas. Vassé ne mesuroit ou ne consideroit pas, ainsi qu'il devoit faire , que celuy avec lequel il traictoit estoit son superieur, qui avoit tout le faix et toute la charge souveraine de la guerre sur ses espaulcs, et auquel partant il ne devoit rien taire. Là dessus, s’estant la patience un peu escartée d'avec le mareschal, il luy depescha le sieur de Malezerbes , l’un de ses gentilshommes domestiques, par lequel il luy manda qu'il avoit trouvé très-mauvaise cette façon de faire, et qu'il ne pouvoit croire qu'il y eust faute de vivres à Sainct-Damian; qu'il n°estoit pas temps, ayant les ennemis à la porte, et après avoir mandé n'avoir faute de rien, de prescher maintenant la necessité. © |

.. Qu’ayant par si long-temps eu la campagne et les collines fructueuses de l’Astisane et du Montierrat à l'abandon , il n'avoit tenu qu'à Juy qu'il ne se fust pourveu de tout ce qui estoit necessaire pour endurer le siege un an entier. Qu'il ne devoit aucunement douter que tout ce qu'on luy ordonnoit ne fust propre et convenable au service du roy, et à l'amitié : particuliere qu’il luy portoit; et que par ainsi il le prioit qu'une autre fois il se déportast d'entrer eu ces constestations et disputes, lesquelles cornoient une tacite desobeissance, propre à renverser et ruiner les affaires du roy, au deshonneur particulier de luy-mesme, qui devoit sur toutes choses fuir la confusion ea laquelle ces deportemens monstroient assez qu'il avoit envie de vivre, ayant trop opiniastrement refusé de laisser recognoistre combien de vivres il avoit, et dequoy il le falloit secourir. Que combien que ces impertinentes altercations deussent estre communiquées au

MEMOIRES DE BOYVIN DU VILLARS

roy, qu'il ne l'avoit tountesfois voulu faire’, estimant que , rendu plus advisé et retenu par ceste fraternelle admonition , il s'abstiendroit à l’advenir de tels deportemens, rendant à son superieur la mesme satisfaction et obéissance qu'il voudroit avoir de luy s’il estoit le sien : au defaut dequoy force seroit de mettre la main aux remedes qui sont permis à celuy qui a l’auctorité et la disposition souveraine. Vassé, sortant, par ceste cordiale remonstrance, hors du sommeil qui avoit esparé la raison d'avec luy, se rengea à recognoistre sa faute et à en demander pardon, qui luy fut gracieusement accordé, mesmes asseurant, ainsi qu'il faisoit , que si les ennemis estoient si mal conseillés que de l'aller assaillir , qu’ils n’en rapporteroient que dommage et honte , Sa Majesté la gloire, et Juy sa bonne grace; et qu'ayant en fin bien espluché le faict des vivres il avoit trouvé qu'il en auroit pour quatre mois, chassant partie des bouches inutiles.

L'autre fut que le conte de Beyne, lequel aux guerres precedentes s'estoit volontairement donné au roy avec sa place, qui est en forte assiette entre Montdevy, Foussan , Cental, Cony, Cairas et Saviglan , luy fit coup sur coup, etpar divers messagers, entendre que sa place estoit en très-mauvais estat , et pour le reyard de la fortification et pour celuy des gens de guerre, le suppliant lui envoyer soudain six ou sept cens François, avec poudre, plomb et mesche, à fin de se pouvoir vivement deffendre contre les ennemis s'ils l'al— loient assaillir, comme il avoit entendu qu'ils devoient faire en peu de jours. Chose qui estonna de prime-face le mareschal, lui semblant que ce seigneur, qui estoit maistre et proprietaire de la place, en laquelle le roy lui entretenoit deux cens hommes et cinquante chevaulx legers , devoit de bonne heure avoir pourveu à ses affaires, sans attendre la necessité qui l'espouventoit lors si fort, et à quoy on eust suflisamment pourveu si dès le commencementil eust donné cette alarme. Toutes— fois, considérant plustost l'inconvenient qui en pouvoit advenir que la negligence du comte , il Juy envoya tout soudain la nouvellecompagnie de fanterie italienne que le comte de Benivel avoit lors dressée , et le coronnel San-Petre , Corse, personnage vaillant etexpcrimenté ; luy

donnant néantmoias charge "de diligemment dresser aussi une compagnie d'autresnouveaux Italiens, et de faire tous efforts pour mettre la place en deffence, faisant travailler et les habitans et les mesmes soldats à tour de roolle. 11 ordonna aussi à Gordes, gouverneur de Montdevy, que là où l'ennemi tourneroit teste contre Beyne, qu'il fist entrer dedans le baron des Adrets avec trois cens hommes, et qu'il en asseurast de bonne heure le comte. Et

encores que toutes ces provisions deussent

avoir apporté quelque honneste asseurance

au comte, si ne laissa-t-il de se monstrer plus estonné et moins resolu qu'il ne fit depuis en plusieurs plus pressantes occasions : tant les premieres impressions de l’apparat et des me-

naces des Imperiaux avoient gagné sur duy.

De maniere que pour jouer au plus seur, le mareschal commanda à Gordes d'aller sur les

lieux , tant pour asseurer le comte ‘faire payer les gens de guerre , comme pour recognoistre ce dont la forteresse avoit besoin, pour après y pourvoir; ce qu’il fit incontinent, ayant trouvé , à ce qu'il fit entendre , qu'elle estoit garnie de cinq cens hommes de combat, et desjà si bien remparée qu'il y avoit moins à craindre qu'au Montdevy, etneantmoins qu'il n'avoit laissé de promettre au comte de se venir jeter dedans luy-mesmes au cas que l’ennemi la vint assaillir. Cela arresta si bien la carriere que toutes choses demeurerent à recoy de ce costé-là. Retournant Gordes au Montdevy, ilrencontra vingt-cinq chevaux et cinquante arquebusiers espagnols qui estoient sortis de Foussan pour aller à la busque : les ayant un peu recognus, il les enfonça si vivement que tout passa par le tranchant de l'espée, excepté certain banny de Beyne, nommé Costamagne , qui les conduisoit avec quatre ou cinq autres , qui furent tous menés au comte , lequel, sans penser plus outre ou demander congé à son supérieur , fit soudain pendre ce banny, pour raison dequoy l’observation de la bonne guerre cuida estre du tout rompue, ainsi que vous verrez cy-après.

h Ayant le mareschal deliberé de se jeter en campagne aussi-tost que le renfort que le roy promettoit seroit arrivé, il fit publier des ordonnances militaires pour contenir les gens de guerre au devoir et obéissance qui sont